ISAC Cambodia (InfoSec)
GeneralSecurity News

$3.86 Million for Databreach: A new study found

ការសិក្សាថ្មីមួយដោយក្រុមហ៊ុន IBM បានបង្ហាញថា ផល​ប៉ៈពាល់ហិរញ្ញវត្ថុដោយសារតែការលួចទិន្នន័យសម្រាប់អង្គភាពមួយគឺមានតំលៃ ៣,៨៦លានដុល្លាជាមធ្យម ដែលត្រូវជា ៦,៤ភាគរយកើនពីឆ្នាំ២០១៧។

ក៏ប៉ុន្តែសម្រាប់ករណីដែលអាក្រក់បំផុតនោះ (mega breaches) សម្រាប់សហគ្រាសធំៗអាចមានតំលៃប្រមាណជា ៤០លានដុល្លា ទៅ ៣៥០លានដុល្លា។

តាមការសិក្សាពី IBM’s 2018 Cost of a Data Breach Study, ដែលសហការណ៍ជាមួយនឹងវិទ្យាស្ថាន Ponemon បានបង្ហាញថាថ្លៃខូចខាតដែលមានតម្លៃខ្ពស់បែបនេះគឺមិនមែនដោយសារតែការខូចខាតដោយសារប្រព័ន្ធ ឬការលួចព័ត៌មានក្នុងខណៈពេលដែលមានការហេគចូលនោះទេ ប៉ុន្តែគឺដោយសារដែលការកើនឡើងនៃចំណាយបន្ថែមច្រើនទៀតដោយអង្គភាពមួយ។

ការបាត់បង់កិត្តិយសអាចធ្វើឲ្យមានការបាត់បង់អតិថិជនទៅថ្ងៃអនាគត, ទំនាក់ទំនងធុរកិច្ចអាចមានការប៉ៈពាល់ និងចាយពេលវេលាច្រើនទៅលើការជួសជុលការខូចខាត ក៏ដូចជាការបណ្តុះបណ្តាលបន្ថែម ដែលជាហេតុធ្វើឲ្យមានការកើនឡើងនូវចំណាយ។

បន្ទាប់ពីធ្វើការសម្ភាសទៅលើក្រុមហ៊ុនប្រមាណជិត ៥០០ ដែលមានបទពិសោធន៍ទាក់ទងទៅនឹងការលួចទិន្នន័យ (data breach)​ ការសិក្សាបានគណនាបង្ហាញថា នេះជាថ្លៃ​ (៣.៨៦លានដុល្លា) ដែលទិន្នន័យក្រោម ១០០,០០០ នាក់ត្រូវបានលួច ហើយរយៈពេលមធ្យមដែលអាចរកឃើញគឺមានរយៈពេល ១៩៧ថ្ងៃ ហើយនៅត្រូវការចេញពេល ៦៩ថ្ងៃដើម្បីដោះស្រាយបញ្ហា។ ក៏ប៉ុន្តែល្បឿននៃការឆ្លើយតបរបស់ក្រុមឆ្លើយ (response team) គឺអាចមានផលប៉ៈពាល់ យ៉ាងធំទៅលើថ្លៃចំណាយទាំងមូលក្នុងខណៈពេលដែលមានការលួចទិន្នន័យ។

ឧទាហរណ៍បើសិនជាការដោះស្រាយបញ្ហាត្រូវបានបញ្ចប់តិចជាង ១ខែ នោះអង្គភាពអាចចំណេញបាន ១លានដុល្លា បើប្រៀបធៀបទៅនឹងក្រុមហ៊ុនដែលមានការយឹតយ៉ាវក្នុងការដោះស្រាយបញ្ហា។

ទំហំទិន្នន័យទាំងមូលដែលត្រូវបានលួចក៏ជាផ្នែកមួយនៃការវាយតម្លៃការខូចខាតផងដែរ។ ជាមធ្យមតម្លៃរបស់ទិន្នន័យមួយ (one record) គឺ ១៤៨ដុល្លា ប៉ុន្តែតម្លៃនេះគឺអាចមានការប្រែប្រួលដោយការមាននូវក្រុមឆ្លើយតបបញ្ហាបន្ទាន់ត្រៀមជាស្រាច់ ក៏ដូចជាការបំពាក់នូវបច្ចេកវិទ្យាទំនើបៗ (artificial intelligence – AI based) ជាដើម៕

ប្រភព៖ IBM

 

Show More

Phannarith

Mr. OU Phannarith is one of the well-known cybersecurity experts in Cambodia and the region. He is the founder of the first leading information security website (www.secudemy.com) in Cambodia. He has been invited to present in global conferences, forums, and seminars and he was awarded in Information Security Leadership Achievements (ISLA) in 2016 by (ISC)2 and in December 2012 as one of the top 10 Chief Information Security Officers (CISO) in ASEAN by the International Data Group (IDG). Mr. OU has been the Professor specializing in Cybersecurity.

Related Articles

Back to top button