Event

ព្រឹត្តិការណ៍ CyberSecurity Forum 2017 ដោយ EC-Council! EC-Council ដោយមានកិច្ចសហការណ៍ជាមួយនឹងដៃគូរពាក់ព័ន្ធនឹងធ្វើការរៀបចំព្រឹត្តិការណ៍ ⁣CyberSecurity Forum 2017 នៅកម្ពុជា នាថ្ងៃទី២៤ ខែមីនា ឆ្នាំ២០១៧ ចាប់ពីម៉ោង ១:00 រសៀលរហូតដល់ម៉ោង ៦:00ល្ងាច នៅភោជនីយ៍ដ្ឋានទន្លេបាសាក់ ២ (ជិតរង្វង់មូលក្បាលថ្នល់) ។ លោក អ៊ូ ផាន់ណារិទ្ធ (OU Phannarith) ស្ថាបនិកនៃគេហទំព័រ ⁣SecuDemy.com នឹងចូលរួមចែករំលែកបទពិសោធន៍ផងដែរពាក់ព័ន្ធនឹងការងារសន្តិសុខព័ត៌មាននៅកម្ពុជា ។ សូមចុះឈ្មោះនៅពេលនេះ ដើម្បីចូលរួមដោយសេរី! សម្រាប់ព័ត៌មានបន្ថែមសូមទាក់ទងលេខទូរស័ព្ទ 077 69 59 49 | 016 333 806

កាលពីព្រឹកថ្ងៃទី ១៤ ខែមករា ឆ្នាំ២០១៧ នៅសាកលវិទ្យាល័យភ្នំពេញអន្តរជាតិ (PPIU) ជាន់ទី១១ (Emerald+) មានរៀបចំសិក្ខាសាលាចែករំលែកចំណេះដឹងស្តីអំពីសន្តិសុខព័ត៌មាន ក្រោមប្រធានបទ “ISMS: Why it is so challenging?” ក្រោមការរៀបចំរបស់ក្រុមការងារវេបសាយ ​SecuDemy.com និងសហការណ៍ឧបត្ថម្ភដោយក្រុមហ៊ុន iBel CyberSecurity ។ សិក្ខាសាលានេះត្រូវបានធ្វើបទបង្ហាញដោយលោក Albert Siow អ្នកជំនាញការផ្នែក ISMS មកពីក្រុមហ៊ុន iBel CyberSecurity ហើយដែលមានការចូលរួមពីសំណាក់និស្សិត និងបុគ្គលិកក្រុមហ៊ុន ប្រមាណជា ៣០នាក់។ តើអ្វីទៅជា ​ISMS? ISMS មកពីពាក្យថា Information Security Management System ហើយដែលនិយមន័យមកពីវេបសាយ www.iso.org បានបកស្រាយថា គឺជាយន្តការប្រព័ន្ធប្រទាក់ក្រឡាមួយមានគោលដៅក្នុងការគ្រប់គ្រងទៅលើព័ត៌មានសំខាន់របស់អង្គភាព ដែលអាចឲ្យវាទទួលបានសន្តិសុខ (secure) ។ នៅក្នុងនោះវារួមមានមនុស្ស …

កាលពីថ្ងៃទី១៩ ខែមីនា ឆ្នាំ២០១៦ លោក អ៊ូ ផាន់ណារិទ្ធ ដែលជាស្ថាបិកវេបសាយ SecuDemy.com និងជាសាស្ត្រាចារ្យជំនួយនៅសាកលវិទ្យាល័យបៀលប្រាយ (BBU) បានធ្វើបទបង្ហាញមួយដល់និសិ្សតមកពីបណ្តាមហាវិទ្យាល័យនានាប្រមាណជា ៤០រូប ក្រោមប្រធានបទ “សន្តិសុខព័ត៌មាន: សុបិន្តអាក្រក់របស់និសិ្សតផ្នែកព័ត៌មានវិទ្យា” ។ នេះគឺជាផ្នែកមួយនៃការងារបញ្ជ្រាបការយល់ដឹងអំពីសន្តិសុខព័ត៌មាននៅកម្ពុជា ក្នុងគោលបំណងគឺធ្វើយ៉ាងណាឲ្យនិស្សិតនៅតាមសាកលវិទ្យាល័យនានា មានការយល់ដឹងបឋមអំពីសារៈសំខាន់នៃសន្តិសុខព័ត៌មាន ដែលម្នាក់ៗត្រូវមានការការពារ និងប្រយ័ត្នប្រយែងក្នុងការប្រើប្រាស់ IT ជាពិសេសគឺអិុនធឺណិត៕

កាលពីល្ងាចថ្ងៃទី០១ ខែកុម្ភៈ ឆ្នាំ២០១៦ វេលាម៉ោង ០៥:៣០នាទីល្ងាច នៅ Emerald+ Hub មានប្រារព្ធកម្មវិធី Defense Saturday 10 ក្រោមការរៀបចំឡើងរវាងក្រុមការងារនៃវេបសាយ SecuDemy.com សហការណ៍ជាមួយ APNIC ដែលមានអ្នកចូលរួមសរុបប្រមាណជា ៥០នាក់។ ក្នុងពេលជាមួយគ្នានោះដែរ ប្រធានបទ មួយ “HoneyNET and HoneyPot” ត្រូវបានលើកយកមកបង្ហាញដោយលោក Adli Wahid ដែលជាអ្នកជំនាញផ្នែកសន្តិសុខមកពី APNIC ។

កាលពីរសៀលថ្ងៃទី៣០ ខែមករា ឆ្នាំ២០១៦ វេលាម៉ោង ២:០០នាទីរសៀល នៅ ​Development Innovation មានប្រារព្ធកម្មវិធី Defense Saturday 9 ក្រោមការរៀបចំឡើងរវាងក្រុមការងារនៃវេបសាយ SecuDemy.com សហការណ៍ជាមួយ AlterLabs.com ដែលមានអ្នកចូលរួមសរុបប្រមាណជា ៣០នាក់។ ក្នុងពេលជាមួយគ្នានោះដែរ ប្រធានបទ មួយ “Foundation of Reconnaissance” ត្រូវបានលើកយកមកបង្ហាញដោយលោក Dan Dorego ដែលជាសហស្ថានិកនៃ AlterLabs.com ។ Reconnaissance គឺជាដំណាក់កាលដំបូងគេមួយដ៏សំខាន់នៃវដ្តជីវិតនៃការវាយប្រហារ ​(attack life-cycle) ហើយដែលត្រូវចំណាយពេលយូរជាងគេ។ ខាងក្រោមនេះគឺជាវិដេអូ

កាលពីពេលថ្មីៗនេះ ខ្ញុំបាទត្រូវបានអញ្ជើញឲ្យទៅធ្វើជាវាគ្មិននៅចំពោះមុខនិស្សិតសាកលវិទ្យាល័យប្រមាណជា ៧០នាក់ ដែលមានជំនាញផ្នែកវិស្វករព័ត៌មានវិទ្យា។ ដំបូងខ្ញុំមានការគិតថា តើខ្ញុំត្រូវជ្រើសរើសយកនូវប្រធានបទអ្វីទៅ (ដោយសារតែខ្ញុំធ្លាប់តែនិយាយអំពីហានិភ័យ ការគ្រប់គ្រង និងការរីកចម្រើនផ្នែកសន្តិសុខព័ត៌មាន ដែលខ្ញុំគិតថាមិនសាកសមឡើយចំពោះនិស្សិតដែលកំពុងសិក្សា) ? បន្ទាប់ពីគិតអស់រយៈពេល ៣ថ្ងៃ ខ្ញុំក៏នឹកដល់កិច្ចការងារដែលលំបាក ដែលនិស្សិតផ្នែកព័ត៌មានវិទ្យា (IT) ជួបប្រទះនៅក្នុងដំណើរការសិក្សានៅក្នុងសាកលវិទ្យាល័យក្នុងន័យសន្តិសុខព័ត៌មាន ។ ខ្ញុំក៏បានជ្រើសរើសដាក់ប្រធានបទថា “សន្តិសុខព័ត៌មាន – សុបិន្តអាក្រក់របស់និស្សិតផ្នែកព័ត៌មានវិទ្យានៅកម្ពុជា” ។ បញ្ហាប្រឈមដ៏ធំបំផុតមួយនៃនិស្សិតផ្នែកព័ត៌មានវិទ្យាទាំងនោះ គឺកង្វៈខាតនៃមុខវិជ្ជាសន្តិសុខព័ត៌មាននៅក្នុងកម្មវិធីសិក្សា (បរិញ្ញាប័ត្រ)។ សាកលវិទ្យាល័យភាគច្រើននៅកម្ពុជា ដែលខ្ញុំអាចនិយាយបានថាមានប្រមាណជា ៩០ភាគរយ មិនបានបញ្ចូលមុខវិជ្ជាផ្នែកសន្តិសុខព័ត៌មាននៅក្នុងកម្មវិធីសិក្សានោះឡើយ លើកលែងតែមុខវិជ្ជាមួយប៉ុណ្ណោះគឺ Network Security ដែលបង្រៀនដល់និស្សិតអំពីការប្រើប្រាស់ឧបករណ៍បណ្តាញ ជាជាងបង្រៀនអំពីវិធីសាស្ត្រក្នុងការឃ្លាំមើល និងស្រាវជ្រាវនូវសញ្ញានៃការវាយប្រហារ ។ និសិ្សតទាំងអស់មិនបានយល់ដឹងអំពី វិធីសាស្ត្រដែលត្រូវសរសេរកូដរបស់គាត់ប្រកបដោយសន្តិសុខ, វិធីសាស្ត្រក្នុងការអភិវឌ្ឍវេបសាយឲ្យសមស្របទៅតាមស្តង់ដារ និងសន្តិសុខ (OWASP), វិធីសាស្ត្រក្នុងការតាមដានរកការវាយប្រហារនៅក្នុង Log Files, វិធីសាស្ត្រនៃការធ្វើកោសលវិច័យបណ្តាញ, យល់ដឹងអំពីការគំរាមគំហែងតាមប្រព័ន្ធអិុនធឺណិត, ការឆ្លើយតបបញ្ហា, ហានិភ័យ, ។ល។ …

កាលពីថ្ងៃទី២៦ ខែធ្នូ ឆ្នាំ២០១៥ ក្រោមកិច្ចសហការណ៍រវាងក្រុមការងារវេបសាយ SecuDemy.com និងក្រុមការងារ AlterLabs.com មានរៀបចំព្រឹត្តិការណ៍ Cambodia Cyber Challenge 2015 ដែលមានបេក្ខជនចូលរួមប្រកួតសរុបទាំងអស់ចំនួន ២៧រូប។ បេក្ខជនដែលចូលរួមក្នុងការប្រកួតមានមកពីសាកលវិទ្យាល័យ ក្រុមហ៊ុន និងអ្នកស្រាវជ្រាវផ្នែកសន្តិសុខព័ត៌មានវិទ្យា។ មុននឹងការប្រកួតចាប់ផ្តើម បេក្ខជនទាំងអស់បានទទួលនូវបណ្តុះបណ្តាលបឋមស្តីពីនីតិវិធីនៃការធ្វើ PenTest និងកម្មវិធីតូចៗមួយដែលអ្នកស្រាវជ្រាវផ្នែកសន្តិសុខព័ត៌មាន និយមប្រើប្រាស់នៅជុំវិញសាកលលោក។ បេក្ខជនទាំងអស់ត្រូវបានបែងចែកចេញជា ៦ក្រុម ដែលក្នុង ១ក្រុមមាន ៣រូប ហើយត្រូវដោះស្រាយវិញ្ញាសារធំៗចំនួន ៣វគ្គ។ ខាងក្រោមនេះគឺជាសកម្មភាពនៃការប្រកួត៖

ការប្រកួតប្រជែង Cambodia Cyber Challenge 2015 Cambodia Cyber Challenge គឺជាព្រឹត្តិការណ៍មួយដែលនឹងផ្តល់នូវមជ្ឈដ្ឋានមួយទៅដល់អ្នកមានជំនាញខាងផ្នែកសន្តិសុខព័ត៌មាន ជាមួយនឹងឧិកាសដើម្បីបញ្ចេញនូវសមត្ថភាពជំនាញ ដោយធ្វើការជ្រៀតចូលទៅក្នុងប្រព័ន្ធដែលត្រូវបានរៀបចំជាមុនដូចទៅនឹងប្រព័ន្ធដែលដំណើរការជាក់ស្តែង។ ក្រុមការងារដែល មានសមាជិកប្រមាណជា ៣ នឹងត្រូវផ្តល់ពេលវេលាចំនួន ៣ ទៅ ៤ម៉ោង ដើម្បីធ្វើការសម្រេចបានគោលដៅ ដែលចាប់ផ្តើមពីភាពងាយស្រួល រហូតដល់លំបាកស្មុគស្មាញ។ នៅចុងបញ្ចប់នៃការប្រកួត ក្រុមណាដែលមានពិន្ទុច្រើនជាងគេ នឹងត្រូវធ្វើការប្រកាសនូវជ័យជំនៈ។ ថ្ងៃប្រកួតចុងក្រោយ: ២៦ ខែធ្នូ ឆ្នាំ២០១៥ លក្ខខណ្ឌនៃការចូលរួមប្រកួត ១. ជាជនជាតិកម្ពុជា ដែលមានអាយុចាប់ពី ១៥ឆ្នាំ រហូតដល់ ៣៥ឆ្នាំ ២. យល់ដឹងអំពីមូលដ្ឋានគ្រឹះនៃសន្តិសុខព័ត៌មាន ៣. យល់ដឹងអំពីប្រព័ន្ធប្រតិបត្តិការនានា ដូចជា Windows, Linux, … ៤. ដឹងអំពីមូលដ្ឋានគ្រឹះនៃបណ្តាញ ៥. យល់ដឹងអំពីប្រព័ន្ធដាតាបេស (MSSQL, MySQL) ៦. …

ព្រឹត្តិការណ៍ប្រកួតប្រជែងផ្នែកសន្តិសុខបច្ចេកវិទ្យាគមនាគមន៍ និងព័ត៌មាន ២០១៥ អគ្គនាយកដ្ឋានបច្ចេកវិទ្យាគមនាគមន៍ និងព័ត៌មាន សហការណ៍ជាមួយនឹងវិទ្យាស្ថានជាតិប្រៃសណីយ៍ ទូរគមនាគមន៍ បច្ចេកវិទ្យាគមនាគមន៍ និងព័ត៌មាន ​បានរៀបចំព្រឹត្តិការណ៍ដែលមិនធ្លាប់មាននៅកម្ពុជា គឺ Cambodia Cyber SEA Game 2015 នាថ្ងៃីទ១៦ ខែតុលា ឆ្នាំ២០១៥។ ការប្រកួតនេះត្រូវបានចូលរួមដោយនិស្សិត និងបុគ្គលិកក្រុមហ៊ុនឯកជនចំនួន ១៥រូប ហើយដែលត្រូវបានបែងចែកចេញជា ០៥ក្រុម។ ខាងក្រោមនេះគឺជាសមាសភាពនៃក្រុមនិមួយៗ ក្រោយពីការប្រកួតប្រជែងគ្នាយ៉ាងស្វិតស្វាញរួចមក ក្រុមទី ៣ គឺទទួលបានពិន្ទុច្រើនជាងគេ (១១១០) ហើយគឺជាក្រុមដែលទទួលបានជ័យលាភីទៅប្រកួតបន្តជាលក្ខណៈតំបន់ (អាស៊ាន) នៅទីក្រុងហ្សាកាតា ប្រទេសឥណ្ឌូនេស៊ី នាខែវិច្ឆិកា ខាងមុខនេះ។ តើសមត្ថភាពរបស់យុវជនកម្ពុជាអាចឈរជើងបាននៅទីតាំង ទីប៉ុន្មាន នៅពេលប្រកួតក្នុងតំបន់នោះ? បណ្តុំរូបភាពសកម្មភាព

ព្រឹត្តិការណ៍ Defense Saturday លើកទី ៨ កាលពីថ្ងៃទី១៥ ខែសីហា ឆ្នាំ២០១៥ វេលាម៉ោង ០២:០០ ដល់ម៉ោង ០៤:៣០ នាទីរសៀល នៅ Development Innovation មានប្រារព្ធកម្មវិធី Defense Saturday លើកទី ៨ ដែលមានការចូលរួមពីសំណាក់និស្សិត បុគ្គលិកក្រុមហ៊ុន អង្គការ ប្រមាណជា ៣០នាក់។ កម្មវិធីនេះត្រូវបានរៀបចំឡើង ដោយ ក្រុមការងារនៃវិបសាយ SecuDemy.com និងមានកិច្ចសហការណ៍ជាមួយនឹង Development Innovation។ តើអ្វីជា Defense Saturday? Defense Saturday គឺជាព្រឹត្តិការណ៍មួយ ក្នុងចំណោមព្រឹត្តិការណ៍ជាច្រើន នៃការលើកកំពស់ការយល់ដឹងអំពីសន្តិសុខព័ត៌មាន ដែលផ្តោតសំខាន់ទៅលើ លក្ខណៈបច្ចេកទេស ដែលអ្នកវាយប្រហារអាចប្រើប្រាស់ ដើម្បីវាយប្រហារទៅលើប្រព័ន្ធព័ត៌មាន នៅក្នុងអង្គភាព ឬក្រុមហ៊ុនរបស់អ្នក។ ដោយការយល់ដឹងឲ្យ កាន់តែច្រើនអំពីបច្ចេកទេសនៃការវាយប្រហារ អ្នកនឹងអាចការពារវាមិនឲ្យកើតមានឡើង។ តើអ្នកណាខ្លះដែលអាចចូលរួមបាន ព្រឹត្តិការណ៍នេះ ត្រូវបានរៀបចំឡើងសម្រាប់អ្នកដែលកំពុងបម្រើការងារ …