ពាក្យថា Penetration Test ត្រូវបានប្រើប្រាស់មិនបានត្រឹមត្រូវជាយូរមកហើយដោយឧស្សាហកម្មសន្តិសុខព័ត៌មាន ក្នុងន័យថា គឺជាអ្វីៗទាំងអស់ដែលចាប់ ផ្តើមចេញពីការធ្វើ assessment ដ៏ល្អឥតខ្ចោះមួយដែលធ្វើឲ្យដូច (simulation) ការវាយប្រហារជាក់ស្តែង រហូតដល់ការវិភាគដោយការចុចទៅលើ “start” និង “stop” ដោយប្រើប្រាស់នូវដំណោះស្រាយបច្ចេកវិទ្យាដែលកំពុងមាននៅក្នុងទីផ្សារ។
Vulnerability assessment
ការធ្វើ Vulnerability assessment ដោយប្រើប្រាស់នូវកម្មវិធី (tools) ដើម្បីស្វែងរកនូវចំនុចខ្សោយបច្ចេកទេសនៅក្នុងប្រព័ន្ធតាមរយៈ configuration ឬ maitenance ។ ចំនុចខ្សោយទាំងនេះត្រូវបានរកឃើញ ដោយការធ្វើតេស្តទៅលើ “លក្ខខណ្ឌដែលត្រូវបានស្គាល់រួចមកហើយ (ចំនុចខ្សោយដែលត្រូវបានរកឃើញរួចទៅហើយ)” ហើយជាទូទៅគឺទាក់ទងទោនឹងកម្មវិធីហួសសម័យ (មិនបានអាប់ដេត) ឬក៏ default configurations ដែលអាចទទួលរងការវាយប្រហារជាទូទៅ។
គុណសម្បត្តិ៖ គ្របដណ្តប់បានទំហំធំ ត្រូវការធនធានតិចតួច និងការជួសជុលងាយស្រួល
គុណវិបត្តិ៖ ហានិភ័យគឺមានជាទូទៅហើយគ្មានបរិបទពាណិជ្ជកម្ម, ប្រើប្រាស់ពេលវេលាច្រើនដើម្បីបញ្ចេញលទ្ធផល, ហើយប្រហែលជាមាននូវ false-positives
System-driven penetration test
ការធ្វើេតស្ត system-driven penetration គឺធ្វើឡើងនៅពីលើ vulnerability assessment ដោយបន្ថែមនូវការធ្វើ security testing ដោយដៃ (មិនប្រើប្រាស់កម្មវិធី)។ វារួមមាននូវ ការស្វែងរកនូវរាល់ចំនុចខ្សោយទាំងឡាយណាដែលអាចត្រូវបានវាយប្រហារ រហូតឈានទៅដល់ ការគ្រប់គ្រងប្រព័ន្ធ (compromise) ឬបញ្ចេញនូវព័ត៌មាន។ ក្នុងនោះផងដែរក៏រួមមាននូវការកំណត់ថាតើ ពេលដែលអ្នកវាយប្រហារគ្រប់គ្រងប្រព័ន្ធណាមួយហើយនោះ តើអាចឈានទៅគ្រប់គ្រងប្រព័ន្ធផ្សេងៗទៀតបានឬទេ?
គុណសម្បត្តិ៖ ការផ្ទៀងផ្ទាត់នូវចំនុចខ្សោយទាំងឡាយ និងភាពងាយស្រួលក្នុងការវាយប្រហារចូល (exploitation), អាចអនុញ្ញាតឲ្យការតាមដាន និងផ្ទៀងផ្ទាត់ពាក់ព័ន្ធនឹង compliance
គុណវិបត្តិ៖ បរិបទអាជីវកម្មគឺមានកំណត់, ការគ្របដណ្តប់ពេញលេញ, ការវាយប្រហារអាចមិមានពិតប្រាកដ
Goal-driven penetration test
ការធ្វើ goal-driven penetration test គឺមិនមែនស្ថិតនៅខាង IT systems ឡើយ ប៉ុន្តែនៅខាងគោលដៅរបស់អ្នកវាយប្រហារ។ ការធ្វើ penetration test គឺដើម្បីសម្រេចបាននូវគោលដៅនេះ តាមរយៈវិធីសាស្ត្រនានា, ធ្វើការកំណត់នូវផ្លូវនៃការវាយប្រហារ។ វិសាលភាពគឺមានទំហំធំ (ដែលជាទូទៅគឺអង្គភាពទាំងមូល) ហើយត្រូវបានគាំទ្រទៅដោយចំណេះដឹងរបស់អង្គភាព ដោយផ្តល់នូវទិដ្ឋភាពមួយច្បាស់ជាក់លាក់ ពីវិីធីសាស្ត្រដែលអ្នកវាយប្រហារដំណើរការ។
គុណសម្បត្តិ៖ ធ្វើការកំណត់បាននូវផ្លូវនៃការវាយប្រហារជាក់ស្តែង, មានផលប៉ៈពាល់ទៅដល់អាជីវកម្ម
គុណវិបត្តិ៖ ការវាយប្រហារគឺត្រូវបានធ្វើឡើងដោយប្រើប្រាស់ផ្លូវខ្លីបំផុត ហើយប្រហែលជាមិនបានគ្របដណ្តប់ប្រព័ន្ធទាំងអស់ឡើយ, មិនបានធ្វើតេស្តទៅលើ ការឃ្លាំមើល (detection) និងសមត្ថភាពឆ្លើយតប (response capabilities)
Targeted attack simulation
ការធ្វើតេស្តឲ្យដូចទៅនឹងការវាយប្រហារជាក់ស្តែង (attack simulation) គឺធ្វើឡើងក្នុងគោលបំណងសម្រេចឲ្យបានគោលដៅដូចគ្នាទៅនឹង goal-driven penetration test ដែរ ប៉ុន្តែវាត្រូវបានធ្វើឡើងក្នុងទិដ្ឋភាពដូចគ្នាទៅនឹងការវាយប្រហារជាក់ស្តែងដែលអាចកើតមានឡើង។ ដំណាក់កាលនិមួយៗនៃការវាយប្រហារ ចាប់ផ្តើមចេញពីការស្វែងរកព័ត៌មាន រហូតដល់ការបញ្ចេញឯកសារទៅខាងក្រៅ។ ការធ្វើបែបនេះ គឺដើម្បីកំណត់បាននូវលទ្ធភាពរបស់ អ្នកវាយប្រហារ ក៏ដូចជាសមត្ថភាពនៃការចាប់បាន (detection) និងឆ្លើយតប (respond) នៅក្នុងរយៈពេលសមស្របណាមួយ។
គុណសម្បត្តិ៖ បង្ហាញឲ្យយើងឃើញនូវសមត្ថភាពក្នុងការចាប់បាន (detection) និងឆ្លើយតប (respond), បច្ចេកទេសដែលប្រើប្រាស់គឺសីុគ្នាទៅនឹង បរិបទជាក់ស្តែងនៃការវាយប្រហារ
គុណវិបត្តិ៖ ត្រូវការធនធានច្រើន
ប្រភព៖
https://www.linkedin.com/pulse/what-do-we-mean-penetration-test-ben-downton
