DocumentsGeneralKnowledgeSecurity News

Phishing continues to be effective, McAfee Labs report shows

ការវាយប្រហារបែប Phishing នៅតែបន្តមានប្រសិទ្ធិភាព

បើតាមរបាយការណ៍របស់ក្រុមហ៊ុន McAfee បានឲ្យដឹងថា ការវាយប្រហារបែប Phishing នៅតែបន្តមានប្រសិទ្ធិភាព។ ក្នុងចំណោមអ្នកមានអាជីពការងារ ចំនួន ១៦០០០ នាក់ដែលចូលរួមក្នុងការឆ្លើយទៅនឹង សំណួរ (McAfee Phishing) បានឲ្យដឹងថា ៨០ភាគរយក្នុងចំណោមអ្នកទាំងនោះ គឺធ្លាក់ទៅក្នុង អន្ទាក់យ៉ាងហោចណាស់ ១ ក្នុងចំណោមអន្ទាក់អីុម៉ែលចំនួន ៧ ។

បុគ្គលិកផ្នែកធនធានមនុស្សគឺជាអ្នកដែលទទួលរងគ្រោះខ្លាំងជាងគេ ហើយដែលបុគ្គលិកផ្នែកគណនី និងហិរញ្ញវត្ថុស្ថិតនៅក្នុងរង្វង់រងគ្រោះផងដែរ។ បុគ្គលិកផ្នែក ស្រាវជ្រាវនិងអភិវឌ្ឍន៍ និង IT គឺទទួលបានលទ្ធផលល្អប្រសើរ។

Screenshot 2014-09-10 10.36.14

ឯកសារស្រាវជ្រាវរបស់និស្សិតស្តីពី Phishing Attack

ក្រុមហ៊ុន McAfee បានសង្កេតឃើញថា ការបន្លំអាស័យដ្ឋានអីុមែ៉លគឺមានប្រសិទ្ធិភាពបំផុត ក្នុងការបោកប្រាស់អ្នកប្រើប្រាស់។ ភាពជោគជ័យនៃការវាយប្រហារតែមួយប៉ុណ្ណោះ អាចបណ្តាលឲ្យអ្នកវាយប្រហារ ចូលទៅកាន់បណ្តាញរបស់សហគ្រាស/ក្រុមហ៊ុនបាន (នេះបើតាមលោក Rohyt Belani, CEO of PhishMe ប្រាប់ទៅដល់ SCMagazine.com)។

លោក Belani បានបន្ថែមទៀតថា ជាជាងការព្យាយាមកាត់បន្ថយនូវលទ្ធភាពនៃការវាយប្រហារ ឲ្យដល់សូន្យ (ដែលជាទូទៅគឺមិនអាចធ្វើបាននោះ) អង្គភាពគួរតែផ្តោតការយកចិត្តទុកដាក់ នៅលើការធ្វើឲ្យប្រសើរឡើងនូវការចាប់ការវាយប្រហារ (attack detection) ដោយឲ្យបុគ្គលនិមួយៗធ្វើការរាយការណ៍ពីអីុម៉ែលដែលសង្ស័យ។ នេះគឺដើម្បីធ្វើឲ្យប្រាកដថា ទោះបីជាបុគ្គលិកណាម្នាក់ធ្លាក់ទៅនឹងអន្ទាក់នៃការវាយប្រហារណាមួយ អ្នកដទៃទៀតដែលជាគោលដៅនៃការវាយប្រហារដូចគ្នា ឬស្រដៀងគ្នានោះ អាចកំណត់សំគាល់វាបាន រួចធ្វើការរាយការណ៍ទៅកាន់ក្រុមឆ្លើយតបបញ្ហា ក្នុងពេលដែលសមស្រប។

ទម្រង់ខ្លះៗនៃអីុមែ៉ល (phishing email) គឺមានលក្ខណៈផ្តោតទៅលើចិត្តសាស្ត្រ តាមរយៈការភ័យឬបន្ទាន់ ឲ្យអ្នកប្រើប្រាស់ចុចទៅលើតំណរភ្ជាប់ (link) ឬឯកសារភ្ជាប់ ​(attachments) សើ្នឲ្យមានការបញ្ចូលព័ត៌មាន ​username/password …ល ។

ព័ត៌មានបន្ថែម៖

http://www.mcafee.com/us/resources/reports/rp-quarterly-threat-q2-2014.pdf

https://phishingquiz.mcafee.com/

Show More

Phannarith

Mr. OU Phannarith is one of the well-known cybersecurity experts in Cambodia and the region. He is the founder of the first leading information security website (www.secudemy.com) in Cambodia. He has been invited to present in global conferences, forums, and seminars and he was awarded in Information Security Leadership Achievements (ISLA) in 2016 by (ISC)2 and in December 2012 as one of the top 10 Chief Information Security Officers (CISO) in ASEAN by the International Data Group (IDG). Mr. OU has been the Professor specializing in Cybersecurity.

Related Articles

Back to top button