កម្មវិធីសម្រាប់ត្រួតពិនិត្យការភ្ជាប់របស់មេរោគទៅកាន់ម៉ាស៊ីនរបស់ Hackers
Bot Revolt Free គឺជាកម្មវិធីសម្រាប់ត្រួតពិនិត្យរកការភ្ជាប់របស់មេរោគទៅកាន់ម៉ាស៊ីនមេ ឥតគិតថ្លៃ សម្រាប់ប្រើប្រាស់នៅក្នុងវិនដូរ។ ដោយជំនួសមិនចាំបាច់ធ្វើការស្កេនរកនូវរោគសញ្ញានៃការឆ្លង Bot Revolt ធ្វើការឃ្លាំមើលនូវការភ្ជាប់ (connection) ទាំងឡាយដែលអាចមាន។ វាធ្វើការបង្ហាញនូវរាល់ ដំណើរការទាំងអស់ (processes) ដែលកុំព្យូទ័ររបស់អ្នកភ្ជាប់ទៅកាន់ IP មួយណា ហើយបន្ទាប់មកធ្វើ ការប្រៀបធៀបជាមួយនឹងបញ្ជីនៃ malicious IP Address រួចធ្វើការបង្ខាំង (block) មិនឲ្យមានការ ភ្ជាប់ទៅកាន់។
កម្មវិធីនេះវាជួយការពារដល់អ្នកភ្លាមៗតែម្តងនៅពេលដែលអ្នកដំណើការកុំព្យូទ័ររបស់អ្នក។ មុខងារ សំខាន់ៗនៃកម្មវិធីនេះមានដូចតទៅ៖
- បង្ខាំងមិនឲ្យមានការភ្ជាប់ទៅកាន់ម៉ាស៊ីនដែលគ្រប់គ្រងដោយ hackers
- ការពារផ្ទាល់ (real-time protection)
- ការពារមិនឲ្យមានការភ្ជាប់ទៅកាន់វិបសាយដែលផ្ទុកដោយ malware, spyware, scam និង spam
- ផ្តល់ដំណឹងនៅពេលដែលមានការភ្ជាប់ណាត្រូវបានបង្ខាំង
- ផ្តល់ការគាំទ្រនូវការពង្រីកបញ្ជីនៃ malware IP ពីវិបសាយ iblocklist.com
មានចំនុចតែមួយប៉ុណ្ណោះដែលអ្នកត្រូវយកចិត្តទុកដាក់នោះគឺបញ្ជីនៃ malicious IP ដែលកម្មវិធី Bot Revolt ប្រើប្រាស់ដើម្បីធ្វើការប្រៀបធៀប។
វាមានសារៈសំខាន់ណាស់ ដែលអ្នកត្រូវតែព្យាយាមធ្វើបច្ចុប្បន្នភាពនៃបញ្ជី malicious IP ។ ដោយ សារតែកម្មវិធី Bot Revolt ឥតគិតថ្លៃមិនអាចធ្វើបច្ចុប្បន្នភាពបាន ដូច្នេះអ្នកត្រូវតែទាញយកនូវបញ្ជី នោះពីវិបសាយ iblocklist.com ដោយខ្លួនឯង។
នៅពេលដែលបើកនូវបញ្ជីគ្រប់គ្រង អ្នកអាចចុចលើ Add button ហើយដាក់យកនូវ URL ដែលអ្នក អាចទាញយកពីវិបសាយ iblocklist.com ។
ទាញយកកម្មវិធី៖ Bot Revolt
ប្រភព៖