GeneralKnowledgePublicationSecurity News

Special Report: Cybergovernance in Cambodia

ថ្មីៗនេះវិទ្យាស្ថាន CDRI (Cambodia Development Research Institute) បានចេញផ្សាយនូវរបាយការណ៍ពិេសសមួយស្តីអំពី “Cybergovernance in Cambodia: A Risk-based Approach to Cybersecurity” ដែលបង្ហាញអំពីស្ថានភាពទូទៅនៃសន្តិសុខបច្ចេកវិទ្យាគមនាគមន៍ និងព័ត៌មាននៅក្នុងថ្នាក់តំបន់ និងកិច្ចប្រឹងប្រែងរបស់កម្ពុជាក្នុងការធ្វើឱ្យប្រសើរឡើងនូវវិស័យមួយនេះ។

គោលបំណងនៃរបាយការណ៍នេះ គឺដើម្បីស្វែងយល់ពីព្រឹត្តិការណ៍ថ្មីៗនៃសន្តិសុខបច្ចេកវិទ្យាគមនាគមន៍ និងព័ត៌មាន និងដំណើរការអភិបាលកិច្ចបច្ចុប្បន្ននៅក្នុងឯកសារដែលបានរៀបចំឡើង។ ដើម្បីរៀបចំនូវឯកសារនេះឡើង វិធីសាស្រ្តមួយចំនួនត្រូវបានលើកមកបង្ហាញ រួមមាន ការពិនិត្យឡើងវិញនូវគោលនយោបាយ និងប្រព័ន្ធអភិបាលកិច្ចដែលមានក្នុងពេលបច្ចុប្បន្ននៅក្នុងប្រទេសកម្ពុជា និងប្រទេសជាសមាជិកអាស៊ានដទៃទៀត ជាមួយនឹងគោលដៅនិងផែនការយុទ្ធសាស្ត្រដែលបានផ្សព្វផ្សាយដោយក្រសួង មជ្ឈមណ្ឌលស្រាវជ្រាវ និងក្រុមហ៊ុនអន្តរជាតិធំៗ។

គោលដៅចម្បងគឺសម្រាប់អ្នកធ្វើគោលនយោបាយ មន្ត្រីរដ្ឋាភិបាល និងអ្នកដឹកនាំអាជីវកម្ម អាចប្រើប្រាស់ព័ត៌មាននេះដើម្បីអភិវឌ្ឍនិងកែលម្អគោលនយោបាយនិងប្រព័ន្ធអភិបាលកិច្ចរបស់ពួកគេ។ លើសពីនេះក្តីសង្ឃឹម គឺថាអ្នកស្រាវជ្រាវផ្សេងទៀតអាចពង្រីកការរកឃើញទាំងនេះ និងតាមដានបានបច្ចេកវិទ្យាដែលកំពុងរីកចម្រើននិងការផ្លាស់ប្តូរបច្ចេកវិទ្យាយ៉ាងឆាប់រហ័សនៅក្នុងប្រទេសកម្ពុជា។

រូបភាព៖ គម្របឯកសារ

នៅក្នុងឯកសារនេះ ក៏បានផ្តល់ជាអនុសាសន៍ ៨ ចំនុចក្នុងការបង្កើតនូវកម្មវិធីអភិបាលកិច្ចសន្តិសុខបច្ចេកវិទ្យាគមនាគមន៍ និងព័ត៌មាន៖

១. យុទ្ធសាស្ត្រជាតិក្នុងការការពារទៅលើហេដ្ឋរចនាសម្ព័ន្ធព័ត៌មានសំខាន់ៗ ​
២. កិច្ចសហការណ៍រវាងរដ្ឋាភិបាល និងវិស័យឯកជន
៣. បទដ្ឋានគតិយុត្តពាក់ព័ន្ធទៅនឹងសន្តិសុខបច្ចេកវិទ្យាគមនាគមន៍ និងព័ត៌មាន
៤. ចាប់យកនូវស្តង់ដារសន្តិសុខបច្ចេកវិទ្យាគមនាគមន៍ និងព័ត៌មាន
៥. ការចែករំលែកព័ត៌មានថ្នាក់តំបន់ទៅលើឧប្បទេវហេតុសន្តិសុខគមនាគមន៍ និងព័ត៌មាន
៦. ការបញ្ច្រាបការយល់ដឹងអំពីសន្តិសុខបច្ចេកវិទ្យាគមនាគមន៍ និងព័ត៌មាន
៧. ការពង្រឹងសមត្ថភាពទៅលើជំនាញសន្តិសុខបច្ចេកវិទ្យាគមនាគមន៍ និងព័ត៌មាន
៨. កិច្ចសហប្រតិបត្តិការអន្តរជាតិ

ដើម្បីស្វែងយល់លំអិតអំពីឯកសារនេះ សូមធ្វើការទាញយក (PDF)

ទាញយកកម្មវិធីសម្រាប់ទូរស័ព្ទស្មាតហ្វូន (AppleAndroid) ឬក៏ចូលរួមទៅក្នុងបន្ទប់ផ្តល់ព័ត៌មាន Telegram Channel សម្រាប់ទទួលបានព័ត៌មានចុងក្រោយស្តីអំពីសន្តិសុខអុិនធឺណិតទាំងក្នុង និងក្រៅប្រទេស៖ https://t.me/infosecisac

Download our iOS App or Android App or subscribe to our Telegram channel for the latest updates on the Cybersecurity Breaking News in both locally and internationally: https://t.me/infosecisac

ប្រភព៖

https://cdri.org.kh/publication/cybergovernance-in-cambodia-a-risk-based-approach-to-cybersecurity/

Show More

Phannarith

Mr. OU Phannarith is one of the well-known cybersecurity experts in Cambodia and the region. He is the founder of the first leading information security website (www.secudemy.com) in Cambodia. He has been invited to present in global conferences, forums, and seminars and he was awarded in Information Security Leadership Achievements (ISLA) in 2016 by (ISC)2 and in December 2012 as one of the top 10 Chief Information Security Officers (CISO) in ASEAN by the International Data Group (IDG). Mr. OU has been the Professor specializing in Cybersecurity.

Related Articles

Back to top button