ប្រសិនបើអ្នកកំពុងស្វែងរកឧបករណ៍ ឬពិបាកក្នុងការចងចាំពាក្យសម្ងាត់ ឥឡូវនេះអ្នកមានជម្រើសថ្មីហើយ។ ក្រុមហ៊ុនផលិតឧបករណ៍សម្គាល់អត្តសញ្ញាណ Yubico កំពុងធ្វើបច្ចុប្បន្នភាពការគាំទ្រឧបករណ៍របស់ខ្លួន ដែលឥឡូវនេះផ្តល់ជូនការចូលប្រព័ន្ធវីនដូតាមរយៈប្រព័ន្ធសន្តិសុខ YubiKey របស់ខ្លួន។
ឧបករណ៍នេះបានគាំទ្រការចូលទៅកាន់សេវាកម្មដូចជា Gmail, Dropbox និង LastPass ហើយវាក៏អាចត្រូវបានប្រើដើម្បីចូលទៅម៉ាស៊ីន Mac និងលីនុចផងដែរ។ ឥឡូវនេះក្រុមហ៊ុនបានបើកការមើលជាសាធារណៈនូវកម្មវិធីថ្មីរបស់ខ្លួនដែលអនុញ្ញាតឱ្យប្រើកូនសោដើម្បីចូលប្រព័ន្ធវីនដូ 7, 8.1 ឬ 10 ។
ក៏ដូចជាការផ្តល់នូវវិធីសាស្រ្តដែលមានសុវត្ថិភាពជាងមុនសម្រាប់ការចូលប្រព័ន្ធវីនដូកម្មវិធីភ្ជាប់មកជាមួយលក្ខណៈពិសេសផ្សេងទៀត ដូចជាការចុះឈ្មោះកូនសោបម្រុង និងយន្តការស្តារឡើងវិញ (recovery) ក្នុងករណីដែលអ្នកបាត់បង់ឧបករណ៍របស់អ្នក។
អត្ថប្រយោជន៍នៃកូនសោរូបវ័ន្តគឺថា វាផ្តល់នូវកម្រិតសុវត្ថិភាពខ្ពស់ដោយមិនចាំបាច់ចាំលេខសំងាត់។ ឧបករណ៍ទាំងនេះអាចជួយការពារប្រឆាំងនឹងការវាយលុកតាមអ៊ីនធឺណិតដូចជាការឆបោក និងបានបង្ហាញថាជាជំរើសសុវត្ថិភាពដ៏ពេញនិយមក្នុងចំណោមអាជីវកម្ម។ ថ្មីៗនេះក្រុមហ៊ុន Yubico បានចាប់ដៃគូជាមួយ Google ដើម្បីផ្តល់ជូននូវ Titan Security Key តាមរយៈ Google Store ផងដែរ។
ដើម្បីសាកល្បងកម្មវិធីចូលប្រព័ន្ធវីនដូ អ្នកអាចចុះឈ្មោះដើម្បីចូលរួមកម្មវិធីមើលជាសាធារណៈនៅលើគេហទំព័ររបស់ Yubico’s website ។
ប្រភព៖
https://www.zdnet.com/article/yubico-security-keys-can-now-be-used-to-log-into-windows-computers/
