GeneralSecurity News

អាប់ដេតឧបករណ៍ APPLE របស់អ្នកជាបន្ទាន់

ISAC Cambodia (InfoSec)

ក្រុមហ៊ុន ​Apple បានបញ្ចេញនូវការអាប់ដេតទៅលើប្រព័ន្ធប្រតិបត្តិការរបស់ខ្លួននៅលើឧបករណ៍របស់ខ្លួន ដែលនៅក្នុងនោះមានដូចជា iOS 14.8, iPadOS 14.8watchOS 7.6.2macOS Big Sur 11.6, និងកម្មវិធីសម្រាប់បើកមើលវេបសាយ Safari 14.1.2 ដើម្បីធ្វើការជួសជុលទៅលើភាពងាយរងគ្រោះ (ចំនុចខ្សោយ) ចំនួនពីរចំនុច ដែលកំពុងតែធ្វើការវាយលុកយ៉ាងសកម្ម ។

ភាពងាយរងគ្រោះទាំងពីរនោះ ត្រូវបានដាក់េលខកូដ CVE-2021-30858 (WebKit) និង CVE-2021-30860 (CoreGraphics)។ ការអាប់ដេតនេះធ្វើឡើងប៉ុន្មានសប្តាហ៍ក្រោយពីអ្នកស្រាវជ្រាវមកពីសកលវិទ្យាល័យ Toronto’s Citizen Lab បានបញ្ចេញនូវព័ត៌មានលំអិតពីការវាយប្រហារក្នុងទម្រង់ជា Zero-day ដែលមានឈ្មោះថា “FORCEDENTRY” (aka Megalodon) ដែលត្រូវបានប្រើប្រាស់ដើម្បីវាយលុក ហើយតំឡើងមេរោគ ​Pegasus នៅក្នុងទូរស័ព្ទរបស់សកម្មជននានានៅជុំវិញពិភពលោក។

បើតាម ​Citizen Lab បាននិយាយថា ខ្លួនបានរកឃើញនូវមេរោគមិនធ្លាប់បានឃើញមួយប្រភេទនៅលើស្មាតហ្វូនរបស់សកម្មជនម្នាក់។ ការវាយលុកទៅស្មាតហ្វូននេះ កើតឡើងដោយការទទួលបាននូវ text message មួយដែលមានភ្ជាប់មកជាមួយរូបភាពផ្ទុកមេរោគ។

អ្នកប្រើប្រាស់ Apple iPhone, iPad, Mac, និង Apple Watch ត្រូវធ្វើការអាប់ដេតជាបន្ទាន់ទៅលើឧបករណ៍របស់ខ្លួន៕

Show More
Apsara Media Services (AMS)

Secudemy Team

វេបសាយ Security Academy (SecuDemy.com) ត្រូវបានបង្កើតឡើងដំបូងនៅក្នុងខែមករា ឆ្នាំ២០១៣ គឺជាវេបសាយទីមួយឈានមុខគេផ្នែកព័ត៌មាន សន្តិសុខ ក្នុងគោលបំណងជម្រុញការយល់ដឹងអំពីសន្តិសុខព័ត៌មានទៅកាន់រាល់អ្នកប្រើប្រាស់អិុនធឺណិតទាំងអស់នៅកម្ពុជា។ បេសកកម្មរបស់វេបសាយ គឺដើម្បីធ្វើ ឲ្យអិុនធឺណិតកាន់តែមានសុវត្ថិភាព កាន់តែមានការយល់ដឹង និងកាន់តែទំនុកចិត្ត សម្រាប់យើងទាំងអស់គ្នានៅកម្ពុជា។

Related Articles

Back to top button