GeneralSecurity News

ធនាគារអ៊ុយក្រែនត្រូវបានហេគ លួចប្រាក់អស់ ១០លានដុល្លា

មានធនាគារមួយទៀតហើយត្រូវបានទទួលរងគ្រោះដោយការលួចសាច់ប្រាក់រាប់លានដុល្លា ដូចគ្នាទៅនឹងធនាគារកណ្តាលបង់ក្លាេដសដែរ នោះគឺជាធនាគារអ៊ុយក្រែន ដែលត្រូវបានបាត់បង់ទឹកប្រាក់ចំនួន ១០លានដុល្លាអាមេរិកដោយសារហេគឃ័រ ។

កាសែតជាភាសាអង់គ្លេសមានឈ្មោះថា KyivPost បានធ្វើការអៈអាងថាសមាជិកនៃសាខារបស់សហគមន៍ ISACA បានធ្វើការបញ្ចេញព័ត៌មានអំពីការលួចប្រាក់ នេះនៅពេលដែលពួកគេត្រូវបានជួលឲ្យធ្វើការស៊ើបអង្កេតអំពីបញ្ហានេះ។

ពួកគេបានធ្វើការអៈអាងថា មានធនាគាររាប់សិប (ដែលភាគច្រើននៅរុស្សី និងអ៊ុយក្រែន) ត្រូវទទួលរងការវាយប្រហារហើយបាត់បង់ប្រាក់រាប់រយលានដុល្លាក្នុង វិធីសាស្ត្រនេះ។

ជាធម្មតា ហេគឃ័របានធ្វើការកំណត់គោលដៅធនាគារណាមួយសិន មុនពេលចាប់ផ្តើមវាយប្រហារ ដែលជាទូទៅពាក់ព័ន្ធជាមួយនឹងការផ្តល់ពាក្យបញ្ជាក្លែងក្លាយ ដើម្បីបង្វែរសាច់ប្រាក់ ដោយប្រើប្រាស់នូវ Swift inter-banking messaging system ។

ក្រុមនេះគឺប្រើប្រាស់នូវកម្មវិធីដែលអាចរកបាននៅតាមអ៊ិនធឺណិត និងព័ត៌មានរួមផ្សំនានាក្នុងការវាយប្រហារ ។ ក្នុងពេលនេះធនាគារមិនបានធ្វើការចែករំលែកព័ត៌មាន គ្នាទៅវិញទៅមកឡើយ ហើយមានការភ័យខ្លាចព័ត៌មានចេញផ្សាយជាសាធារណៈ – នេះបើតាមលោក Aleksey Yankovsky បាននិយាយ។ សហគមន៍ ISACA បានធ្វើការបញ្ជាក់ថា លោក Yankovskyb មិនបាននិយាយក្នុងនាមជាសហគមន៍ ISACA ឡើយ គឺក្នុងនាមខ្លួនលោកផ្ទាល់ជាទីប្រឹក្សា ។

ក្នុងករណីនេះដដែល SWIFT បានធ្វើការនិយាយជាថ្មីម្តងទៀតថា ហេដ្ឋារចនាសម្ព័ន្ធរបស់ខ្លួនមិនមែនជាមូលហេតុនៃការលួចនោះឡើយ។ មាននូវពាក្យចចាមអារាមថា SWIFT អាចបិទទំនាក់ទំនងជាមួយធនាគារមួយចំនួនដែលមិនបានធ្វើការងារសន្តិសុខរបស់ខ្លួនឲ្យសមស្របទៅតាមស្តង់ដារ។

សម្រាប់អត្តសញ្ញាណរបស់ហេគឃ័រ ក្រុមហ៊ុន Symantec បានធ្វើការអៈអាងថា វាអាចជាប់ពាក់ព័ន្ធជាមួយនឹងក្រុមល្បីល្បាញមួយឈ្មោះថា Lazarus ដែលភ្ជាប់ទៅនឹង North Korea ។ ហើយក្រុមនេះដែរ ក៏ត្រូវបានគេគិតថាជាក្រុមដែលទទួលខុសត្រូវ ទៅលើការវាយប្រហារលើ Sony Pictures ៕

ប្រភព៖ Information Security / ប្រែសម្រួលដោយ៖ SecuDemy.com

Show More

Phannarith

Mr. OU Phannarith is one of the well-known cybersecurity experts in Cambodia and the region. He is the founder of the first leading information security website (www.secudemy.com) in Cambodia. He has been invited to present in global conferences, forums, and seminars and he was awarded in Information Security Leadership Achievements (ISLA) in 2016 by (ISC)2 and in December 2012 as one of the top 10 Chief Information Security Officers (CISO) in ASEAN by the International Data Group (IDG). Mr. OU has been the Professor specializing in Cybersecurity.

Related Articles

Back to top button