GeneralSecurity News

តោះចុះឈ្មោះដើម្បីសាកល្បងចំណេះដឹងនៃការវាយប្រហារបែប CTF

ស្វែងយល់អំពី ​CTF

Capture the Flag (CTF) គឺជាលក្ខណៈពិេសសមួយនៃការប្រកួតប្រជែងផ្នែកសន្តិសុខព័ត៌មាន។ CTF ដែលគេពេញនិយមត្រូវបានចែកចេញជាបីប្រភេទ: Jeopardy, Attack-Defense និងចម្រុះបញ្ចូលគ្នា ។

១. Jeopardy-Style CTF

នៅក្នុង CTF ប្រភេទនេះ គឺមានសំណួរមួយចំនួនស្ថិតនៅក្នុងជំពូកខុសៗគ្នា ដែលក្នុងនោះមានដូចជា Web, Forensics, Crypto, Binary ឬអ្វីផ្សេងទៀត។ ក្រុមនិមួយៗនឹងទទួលបាននូវពិន្ទុរាល់សំណួរដែលត្រូវបានដោះស្រាយ ។ ពិន្ទុច្រើននឹងត្រូវផ្តល់ទៅលើសំណួរដែលពិបាក ហើយសំណួរបន្ទាប់អាចត្រូវបាន បង្ហាញលុះត្រាតែមានការដោះស្រាយសំណួរមុនៗហើយ ។ នៅពេលបញ្ចប់ ពិន្ទុទាំងអស់នឹងត្រូវបូកសរុបហើយនឹងបង្ហាញថាក្រុមណាមួយមានពិន្ទុច្រើនជាងគេ នឹងទទួលបានជ័យជំនះ។

២. Attack-Defense Style CTF

Attack and Defense គឺជាប្រភេទមួយទៀតនៃការប្រកួតប្រជែងដែលគួរឲ្យចាប់អារម្មណ៍។ រាល់ក្រុមនិមួយៗមាននូវណេតវើកផ្ទាល់ខ្លួន ជាមួយនឹងចំនុចខ្សោយជាច្រើនមាននៅក្នុងនោះ។ ក្រុមនិមួយៗមានរយៈពេលសម្រាប់ធ្វើការជួសជុលកំហុសឆ្គង ហើយធ្វើការវាយប្រហារទៅលើក្រុមមួយទៀតដើម្បីទទួលបានពិន្ទូ ។ ពិន្ទុនេះចែកចេញជាពិន្ទុការពារ និងពិន្ទុវាយប្រហារ ។

៣. Mix Competition Style

នៅត្រង់ចំនុចនេះអាចមានលក្ខណៈច្រើនបញ្ចូលគ្នា ដែលវាអាចជាលក្ខណៈ attack-defense រួមផ្សំជាមួយពេលវេលាសម្រាប់សម្រេចភារកិច្ចណាមួយ។

ការប្រកួត CTF នៅកម្ពុជា

នាពេលថ្មីៗនេះ វេបសាយ www.Lyvandy.com បានប្រកាសធ្វើការប្រកួតលក្ខណៈ CTF នេះតាមប្រព័ន្ធអនឡាញ នាថ្ងៃទី០៦ ខែសីហា ឆ្នាំ២០១៦ វេលាម៉ោង ០៩:០០នាទីព្រឹក រហូតម៉ោង ០១:00នាទីរសៀល​ ហើយអ្នកដែលទទួលបានជ័យលាភីនឹងទទួលបានប្រាក់រង្វាន់​ ១០០ ដុល្លាអាមេរិក និងឳកាសអាទិភាពធ្វើការផ្នែកវាយតម្លៃសន្តិសុខព័ត៌មានក្នុងក្រុមហ៊ុនអន្តរជាតិ ឬស្ថាប័នហិរញ្ញវត្ថុ!

Screenshot 2016-07-15 10.36.39

អ្នកទាំងអស់គ្នាអាចធ្វើការចុះឈ្មោះតាមរយៈបញ្ជប់នេះ http://securemaker.site/register

គួរបញ្ជាក់ថា កន្លងទៅនេះក្រសួងប្រៃសណីយ៍ និងទូរគមនាគមន៍បានរៀបចំធ្វើការប្រកួត CTF នេះម្តងរួចមកហើយដែលមានឈ្មោះថា Cambodia Cyber SEA Game 2015 ដែលពេលនោះបេក្ខជនត្រូវបានបញ្ជូនទៅប្រកួតបន្តនៅទីក្រុងហ្សាកាតា ប្រទេសឥណ្ឌូនេសីុ ៕

Show More

Phannarith

Mr. OU Phannarith is one of the well-known cybersecurity experts in Cambodia and the region. He is the founder of the first leading information security website (www.secudemy.com) in Cambodia. He has been invited to present in global conferences, forums, and seminars and he was awarded in Information Security Leadership Achievements (ISLA) in 2016 by (ISC)2 and in December 2012 as one of the top 10 Chief Information Security Officers (CISO) in ASEAN by the International Data Group (IDG). Mr. OU has been the Professor specializing in Cybersecurity.

Related Articles

Back to top button