ISAC Cambodia (InfoSec)
DocumentaryGeneralSecurity NewsVideo

The Internet’s Own Boy – The story of Aaron Swartz

ភាពយន្ត Internet’s Own Boy – រឿងរ៉ាវរបស់ Aaron Swartz

Aaron Hillel Swartz គឺជាអ្នកសរសេរកម្មវិធីកុំព្យួទ័រ សកម្មជនអិុនធឺែណត ជាសហស្ថានិកវិបសាយដ៏ល្បី Reddit ស្ថានិកអង្គការ Demand Progress និងជាសកម្មជនដែលជួយជ្រោមជ្រែងក្នុងការបង្កើតនូវ RSS Feed format។

លោក Aaron បានធ្វើអត្តឃាតកាលពីឆ្នាំទៅក្នុងអាយុ ២៦ឆ្នាំ បន្ទាប់ពីទទួលរងការគំរាមគំហែងក្នុងការដាក់គុកចំនួន ៣៥ឆ្នាំ ហើយរងការពិន័យចំនួន ៤លានដុល្លាអាមេរិកដោយតុលាការ សម្រាប់ករណីដែលលោកធ្វើការទាញយកនូវឯកសារ Academic journal ដោយខុសច្បាប់ ​(illegally download) ពីក្នុងបណ្ណាល័យអេឡិចត្រូនិច ​Jstor ពីមហាវិទ្យាល័យ MIT ដោយមិនមានគោលបំណងអាក្រក់ណាមួយក្រៅពីដាក់វាឲ្យមានការបើកមើលជាសាធារណៈ។

ការធ្វើអត្តឃាតរបស់ Aaron’s បានចោទឡើងជាសំណួរស្តីពីច្បាប់ឧក្រិដ្ឋកម្មកុំព្យូទ័ររបស់អាមេរិក ហើយនឹងការដាក់ទោសទណ្ឌមួយចំនួន។ សកម្មជន និងប្រជាជនទូទៅជាច្រើន មានការថ្នាក់ថ្នាំងចិត្តចំពោះការដាក់ទោស នៅពេលដែលធ្វើការប្រៀបធៀបចំពោះឧក្រិដ្ឋកម្មផ្សេងទៀត។ Cyber World គឺមានភាព ស្មុគស្មាញ ហើយកាន់តែស្មុគស្មាញថែមទៀតនៅពេលដែលមានការកាត់ក្តី។

ក្នុងពេលនេះ រឿងរ៉ាវរបស់គាត់ត្រូវបានបានគេថតជាភាពយន្តឯកសារ ហើយត្រូវបានចេញផ្សាយកាលពីថ្ងៃសុក្រសប្តាហ៍មុន។ “The Internet’s Own Boy – The Story of Aaron Swartz” ដឹកនាំសម្តែងដោយ Brain Knappenberger ហើយដែលលោកគិតថា ប្រព័ន្ធផ្លូវច្បាប់គឺជាទទួលខុស ត្រូវដ៏ធំ ចំពោះការធ្វើអត្តឃាតរបស់សកម្មជនឌីជីថលវ័យក្មេងរូបនេះ។

លោកបានមានប្រសាសន៍បន្តទៀតថា ជាការពិតណាស់វាមានកត្តាជាច្រើន ប៉ុន្តែសុបន្តិអាក្រក់នៃផ្លូវច្បាប់រយៈពេល ២ឆ្នាំដែលគាត់បានឆ្លងកាត់ គឺយើងមិនអាច បំភ្លេចវាចោលបានឡើយ។ គាត់បានអស់ទាំងធនធានហិរញ្ញវត្ថុ និងទឹកចិត្ត។ គាត់បានសម្លាប់ខ្លួនគាត់នៅក្នុងរង្វង់ពីរបីថ្ងៃនៃការចាប់ខ្លួនដំបូងរបស់គាត់។

អំពីខ្សែភាពយន្ត

ភាពយន្តឯកសារដែលមានរយៈពេល ១០៥នាទីនេះ គឺជារឿងដែលល្អឥតខ្ចោះ ពិព័ណ៌នាអំពីឆាកជីវីតរបស់លោក Aaron Swartz ហើយនឹងមហន្តរាយនៃការស្លាប់ក្នុងអាយុតែ ២៦ឆ្នាំ។ អ្នកនិពន្ធបាននាំយករឿងរា៉វទាំងអស់នោះ តាមរយៈការធ្វើបទសម្ភាសន៍ជាមួយនឹង ក្រុមគ្រួសារលោក Swartz មិត្តភ័ក្ត្រ ហើយនឹងអ្នកដែលពាក់ព័ន្ធផ្សេងទៀត។

លោក ​​Aaron បានប្រឡូកទៅក្នុងវិស័យសិទ្ធអិុនធឺណែតកាលពីលោកនៅជាក្មេងជំទង់ ការជួយអភិវឌ្ឍន៍ ​RSS Feed ការជួយអភិវឌ្ឍន៍វិបសាយព័ត៌មានសង្គម Reddit និង ​Creative Commons ។ ការងាររបស់គាត់ទាំងអស់នេះ ត្រូវបានលើកយកមកបង្ហាញនៅក្នុងខ្សែភាពយន្តនេះ។

វាគឺជាភាពយន្តឯកសារមនោសញ្ជេតនាមួយ ផ្អែកលើឆាកជីវិតពិតរបស់ Aaron ហើយមានតម្លៃណាស់ក្នុងការមើលវា។

សូមទស្សនាខ្សែភាពយន្តដូចតទៅ៖

Show More

Phannarith

Mr. OU Phannarith is one of the well-known cybersecurity experts in Cambodia and the region. He is the founder of the first leading information security website (www.secudemy.com) in Cambodia. He has been invited to present in global conferences, forums, and seminars and he was awarded in Information Security Leadership Achievements (ISLA) in 2016 by (ISC)2 and in December 2012 as one of the top 10 Chief Information Security Officers (CISO) in ASEAN by the International Data Group (IDG). Mr. OU has been the Professor specializing in Cybersecurity.

Related Articles

Back to top button