ISAC Cambodia (InfoSec)
GeneralSecurity News

អ្នកសើុបអង្កេតការហេគលួចលុយ ៨១លាន របស់ធនាគារកណ្តាលបង់ក្លាដេស បានបាត់ខ្លួន

លោក Tanvir Hassan Zoha ដែលមានអាយុ ៣៤ឆ្នាំ ជាអ្នកស្រាវជ្រាវផ្នែកសន្តិសុខព័ត៌មាន ហើយដែលបាននិយាយទៅកាន់សារព័ត៌មាន អំពីការលួចដ៏ធំសំបើមនូវទឹកប្រាក់ប្រមាណជា ៨១លានដុល្លា ពីធនាគារកណ្តាលរបស់បង់ក្លាេដសនោះ បានបាត់ខ្លួនកាលពីយប់ថ្ងៃពុធកន្លងទៅនេះ បន្ទាប់ពីបាននិយាយអំពីការធ្វេសប្រហេសនៃមន្ត្រីមួយចំនួនរបស់ធនាគារកណ្តាលបង់ក្លាេដស។

លោក Zoha ដែលបានធ្វើការសើុបអង្កេតនាពេលថ្មីៗនេះអំពីការវាយប្រហារលើធនាគារកណ្តាលបង់ក្លាេដស ដែលបណ្តាលឲ្យហេគឃ័រលួចយកនូវទឹកប្រាក់ ប្រមាណជា ៨១លានដុល្លាចេញពី banks’ Federal Reserve bank account ។ ក្នុងការហេគទាំងមូល គឺហេគឃ័របានធ្វើការព្យាយាមលួចយកនូវទឹកប្រាក់ $1 Billion ពីធនាគារមួយនេះ ប៉ុន្តែដោយសារតែការសរសេរតួអក្សរខុស ទើបបណ្តាលឲ្យការផ្ទេរលុយចេញមានបញ្ហា ។ ក្នុងកំឡុងពេលធ្វើការសើុបអង្កេតរបស់ខ្លួន គាត់ជឿជាក់ថា ហេគឃ័រ (ដែលមិនទាន់ដឹងថាជានរណានោះ)  បានធ្វើការបញ្ចូលមេរោគទៅក្នុងប្រព័ន្ធកុំព្យូទ័រធនាគារ ពីរទៅបីសប្តាហ៍មុនពេលការលួចកើតឡើង ដែលបានអនុញ្ញាតឲ្យឧក្រិដ្ឋជនអាចទាញយកនូវព័ត៌មានសំខាន់ៗ (credentials) សម្រាប់ធ្វើការផ្ទេរសាច់ប្រាក់។

ជាមួយនឹងព័ត៌មានសំខាន់ៗទាំងនោះ ឧក្រិដ្ឋជនបានធ្វើការផ្ទេរសាច់ប្រាក់ដ៏ច្រើនចេញពី Bangladesh’s United States account ទៅកាន់គណនីមិនត្រឹមត្រូវដែលមានមូលដ្ឋាននៅហ្វីលីពីន និងស្រីលង្ការ។

ក្នុងពេលជាមួយគ្នានេះផងដែរ លោក Zoha បាននិយាយអំពីការធ្វេសប្រហេសរបស់មន្ត្រីធំៗមួយចំនួនរបស់ធនាគារកណ្តាលបង់ក្លាដេស ហើយនឹងភាពខ្សោយ នៃនីតិវិធីសន្តិសុខ ដែលជាចំណែកមួយជួយទៅដល់ការលួចដ៍ធំចេញពីធនាគារនៅក្នុងប្រទេស ។ ទេសាភិបាលធនាគារកណ្តាល Atinur Rahman, អមទៅដោយអនុរបស់គាត់ពីររូបទៀតត្រូវតែឈប់ពីការងារដោយសាររឿងអាស្រូវមួយនេះ   ដែលវាបានធ្វើឲ្យមានភាពអាម៉ាសជាខ្លាំងដល់រដ្ឋាភិបាល និងបានក្លាយជាកណ្តឹងរោលឡើងទាក់ទងជុំវិញបញ្ហាសន្តិសុខរបស់ Bangladesh’s foreign exchange reserves of over US$27 Billion ។

ក្នុងពេលដែលការសើុបអង្កេតកំពុងតែប្រព្រឹត្តិទៅនោះ លោក Zoha បានបាត់ខ្លួនកាលពីយប់ថ្ងៃពុធកន្លងទៅនេះ ក្នុងខណៈពេលដែលលោកកំពុងមកផ្ទះវិញ ជាមួយនឹងមិត្តភ័ក្រម្នាក់របស់គាត់, នេះបើតាមប្រភពដែលស្និទនឹងក្រុមគ្រួសាររបស់លោក Zoha ។ ពេលដែលគាត់និយាយជាមួយនឹងសារព័ត៌មាន នៅក្នុងខណៈពេលនៃបញ្ហាកំពុងកើតមានឡើង លោក Zoha បានប្រកាសខ្លួនឯងថាគឺជាអ្នកជំនាញការផ្នែកសន្តិសុខ ICT ដែលបានធ្វើការជាមួយនឹងស្ថាប័នរដ្ឋាភិបាលជាច្រើនក្នុងពេលកន្លងមក។

បន្ទាប់ពីការបាត់ខ្លួនរបស់លោក Zoha មក មន្រ្តីនៃរដ្ឋាភិបាលបង់ក្លាេដសបានចេញនូវសេចក្តីប្រកាសមួយ ប៉ុន្តែមិនបានផ្តល់ព័ត៌មានលំអិតបន្ថែមណាមួយទេ ក្រៅពីផែនការនៃការបើកសើុបអង្កេត ។

ប្រភព៖ The Hacker News / ប្រែសម្រួល៖ SecuDemy.com

Show More
Apsara Media Services (AMS)

Phannarith

Mr. OU Phannarith is one of the well-known cybersecurity experts in Cambodia and the region. He is the founder of the first leading information security website (www.secudemy.com) in Cambodia. He has been invited to present in global conferences, forums, and seminars and he was awarded in Information Security Leadership Achievements (ISLA) in 2016 by (ISC)2 and in December 2012 as one of the top 10 Chief Information Security Officers (CISO) in ASEAN by the International Data Group (IDG). Mr. OU has been the Professor specializing in Cybersecurity.

Related Articles

Back to top button