ISAC Cambodia (InfoSec)
GeneralSecurity News

កម្មវិធី៥ ដែលជួយអ្នកផ្នែកឯកជនភាព និងការពារអត្តសញ្ញាណ

កម្មវិធីប្រភពកូដបើកចំហរ (open-source) មានអត្ថប្រយោជន៍សំខាន់មួយលើកម្មវិធី close-source គឺកូដត្រូវបានបង្ហាញជាសាធារណៈ ហើយអាចត្រូវបានត្រួតពិនិត្យដោយនរណាម្នាក់ក៏បាន ដែលធ្វើឱ្យមានបញ្ហាតិចតួចបំផុតដែលអាចមានបង្កប់មេរោគនៅក្នុងកូដ ​(backdoor)។

ខាងក្រោម នេះគឺជាគម្រោងសន្តិសុខប្រភពកូដចំហរចំនួន០៥ ដែលលើកកម្ពស់ភាពឯកជនតាមអុិនធឺណិត (internet privacy)។

1. OpenVPN

រូបភាពពីវេបសាយ OpenVPN

OpenVPN គឺជា ​VPN-Protocol ប្រភេទកូដបើកចំហរ ដែលអនុញ្ញាតឱ្យមានការដំណើរការ point-to-point ដោយឥតគិតថ្លៃ។ នៅពេលដែលមនុស្សជាច្រើនមានការព្រួយបារម្ភកាន់តែខ្លាំងឡើងអំពីសុវត្ថិភាព និងភាពឯកជនតាមអុិនធឺណិតនោះ  VPNs កំពុងក្លាយជាកម្មវិធីដ៏សំខាន់មួយសម្រាប់ការរុករកព័ត៌មាននៅលើអុិនធឺណិត។ OpenVPN បន្តទទួលបានការចាប់អារម្មណ៍យ៉ាងខ្លាំង ដោយសារតែវាជាប្រភេទ open-source និងឥតគិតថ្លៃ។

ទោះយ៉ាងណាក៏ដោយ ការប្រើប្រាស់ OpenVPN តម្រូវឱ្យមានចំណេះដឹងផ្នែកបច្ចេកទេសមួយចំនួនទាក់ទងនឹង VPN ដូច្នេះអ្នកដែលមិនមានចំណេះដឹងមូលដ្ឋានប្រហែលជាពិបាកបន្តិច។ វិធីល្អបំផុតក្នុងការប្រើប្រាស់ OpenVPN គឺតាមរយៈក្រុមហ៊ុនដែលបម្រើសេវាកម្ម VPN ។ អ្នកអាចជ្រើសរើសយក OpenVPN យ៉ាងងាយស្រួលនៅពេលដែលអ្នកបានចុះឈ្មោះប្រើសេវាកម្ម VPN ឈានមុខគេហើយតំឡើងវានៅលើឧបករណ៍របស់អ្នក។ ត្រូវប្រាកដថា អ្នកបានពិនិត្យធ្វើការប្រៀបធៀបសេវាកម្ម VPN ផ្សេងៗ ដើម្បីស្វែងរកមួយដែលសមស្របបំផុតសម្រាប់តម្រូវការ និងថវិការបស់អ្នក។

2. Tor

រូបភាពពីវេបសាយ TOR

Tor (The Onion Router) គឺជាមធ្យោបាយឈានមុខគេ និងគួរឱ្យទុកចិត្តបំផុត ក្នុងការចូលទៅកាន់អុិនធឺណិត ដោយគ្មាននរណាម្នាក់តាមដាននៅលើអនឡាញ ។ ចរាចរទិន្នន័យរបស់អ្នកត្រូវបានធ្វើដំណើរឆ្លងកាត់ស្រទាប់ជាច្រើន ដែលធ្វើឱ្យវាមានការលំបាកសម្រាប់នរណាម្នាក់ក្នុងការតាមដាន ​(trace) អត្តសញ្ញាណរបស់អ្នក។

កម្មវិធីមួយនេះ អនុញ្ញាតឱ្យអ្នកចូលមើលវេបសាយធម្មតា និងវេបសាយដែលបញ្ចប់ដោយ “.onion” ដោយអនាមិកភាព។ អ្នកប្រើប្រាស់ Tor រួមមានអ្នកសារព័ត៌មាន ភ្នាក់ងារពង្រឹងច្បាប់ សកម្មជន អ្នកបញ្ចេញព័ត៌មាន ​(whistle-blowers) នាយកប្រតិបត្តិអាជីវកម្ម អ្នកសរសេរប្លុក និងមនុស្សធម្មតាដែលមានការព្រួយបារម្ភពីឯកជនរបស់ខ្លួនតាមអុិនធឺណិត។

3. PGP/GPG

រូបភាពវេបសាយ GnuPG

ឧបសគ្គធំមួយនៅក្នុងចំណោមឧបសគ្គជាច្រើនដែលសហគមន៍ intelligence ប្រឈមមុខ គឺប្រព័ន្ធអុីម៉ែលដែលមិនអាចបំបែកបាន។ ចេញផ្សាយដំបូងក្នុងឆ្នាំ ១៩៩១, “Pretty Good Privacy” (PGP) គឺជាកូនកម្មវិធី ​(tool) ឯកជនដ៏ពេញនិយមមួយក្នុងចំណោមអ្នកប្រើប្រាស់អុិនធឺណិតពីព្រោះវាមិនទាន់ត្រូវបានគេបំបែកនៅឡើយទេ។ PGP ជំនាន់ទំនើបមាននៅលើ Gnu Privacy Guard (GPG) ដែលជាកម្មវិធីដែលងាយស្រួលប្រើប្រាស់ជាងការចាប់កំណើតដំបូងរបស់ PGP ។

GPG គឺដំណើរការនៅលើប្រព័ន្ធប្រតិបត្តិការសំខាន់ៗទាំងអស់រួមទាំង Windows, Mac និង លីនុច (Linux) ។ ទោះបីជាក្រុមហ៊ុន Symantec បានទិញ PGP ក៏ដោយ ក៏ GPG នៅតែជាកម្មវិធីសុវត្ថិភាពកូដបើកចំហរ ដែលមនុស្សជាច្រើននៅក្នុងសហគមន៍សន្តិសុខគាំទ្រ។

គុណសម្បត្តិចម្បងមួយរបស់ឧបករណ៍នេះគឺអ្នកអាចដាក់ឱ្យវាដំណើរការដោយផ្ទាល់ទៅក្នុងប្រព័ន្ធអុីម៉ែលតែម្តង។

4. OpenDNS

គោលបំណងរបស់ OpenDNS ដែលជាគម្រោងសន្តិសុខប្រភពកូដចំហរគឺដើម្បីលើកកម្ពស់សុវត្ថិភាពនៃការភ្ជាប់អុិនធឺណិត ដោយមិនមានការប៉ះពាល់ដល់ល្បឿន និងភាពអាចជឿជាក់បាន។ OpenDNS ក៏មានគោលបំណងការពារប្រឆាំងនឹង botnets និងមេរោគ (malware) ផងដែរដោយធ្វើការច្រោះចរាចរទិន្នន័យសម្រាប់អ្នកប្រើប្រាស់ជាច្រើននៅផ្ទះនោះ។ វាធ្វើបែបនេះដោយរារាំងការចូលទៅកាន់វេបសាយ ដែលមានគ្រោះថ្នាក់ជាច្រើននោះ។ ដូចគម្រោងប្រភពកូដចំហរផ្សេងទៀត OpenDNS គឺមិនគិតថ្លៃនោះទេ។

រូបភាពពីវេបសាយ OpenDNS

5. Tails OS

រូបភាពពីវេបសាយ ​Tail OS

ប្រព័ន្ធប្រតិបត្តិការ Tail OS ដែលជាប្រព័ន្ធប្រតិបត្តិការលីនុចបានទាក់ទាញចំណាប់អារម្មណ៍របស់មនុស្សជាច្រើន បន្ទាប់ពីវាទទួលបាននូវការវាយតម្លៃ ដោយ Edward Snowden ដែលជាអ្នកបញ្ចេញព័ត៌មានសំងាត់ដ៏ល្បីឈ្មោះរបស់អាមេរិក ដែលលេចធ្លាយព័ត៌មាន NSA ។ 

Tails OS ត្រូវបានគេចាត់ទុកថាជាដំណោះស្រាយពហុមុខងារសម្រាប់អ្នកប្រើប្រាស់ ដែលកំពុងស្វែងរកប្រព័ន្ធប្រតិបត្តិការ ដែលមិនអាចធ្វើការតាមដានបាន ​(untraceable) ព្រោះវាដំណើរការពី read-only DVD  ឬ  USB drive៕

ទាញយកកម្មវិធីសម្រាប់ទូរស័ព្ទស្មាតហ្វូន (AppleAndroid) ឬក៏ចូលរួមទៅក្នុងបន្ទប់ផ្តល់ព័ត៌មាន Telegram Channel សម្រាប់ទទួលបានព័ត៌មានចុងក្រោយស្តីអំពីសន្តិសុខអុិនធឺណិតទាំងក្នុង និងក្រៅប្រទេស៖ https://t.me/infosecisac

Download our iOS App or Android App or subscribe to our Telegram channel for the latest updates on the Cybersecurity Breaking News in both locally and internationally: https://t.me/infosecisac

Show More

Phannarith

Mr. OU Phannarith is one of the well-known cybersecurity experts in Cambodia and the region. He is the founder of the first leading information security website (www.secudemy.com) in Cambodia. He has been invited to present in global conferences, forums, and seminars and he was awarded in Information Security Leadership Achievements (ISLA) in 2016 by (ISC)2 and in December 2012 as one of the top 10 Chief Information Security Officers (CISO) in ASEAN by the International Data Group (IDG). Mr. OU has been the Professor specializing in Cybersecurity.

Related Articles

Back to top button