GeneralSecurity News

Leak sensitive data from an isolated computer

ការលួចយកទិន្នន័យសំខាន់ៗចេញពីក្នុងកុំព្យូទ័រដាច់តែឯង

អ្នកស្រាវជ្រាវផ្នែកសន្តិសុខព័ត៌មាន Mordechai Guri ជាមួយនឹងការណែនាំពីសាស្ត្រាចារ្យ Prof. Yuval Elovici មកពីបន្ទប់ពិសោធន៍សន្តិសុខព័ត៌មាន នៅសាកលវិទ្យាល័យ Ben-Gurion នៅប្រទេសអ៊ីស្រាអ៊ែល បានធ្វើការបង្ហាញនៅក្នុងព្រឹត្តិការណ៍ MALCON 2014 នូវវិធីសាស្ត្របំបែក (“AirHopper”) ដើម្បីធ្វើការលួចយកទិន្នន័យ ​(leaking data) ពីក្នុងកុំព្យូទ័រដាច់តែឯង ចូលទៅក្នុងទូរស័ព្ទដៃដោយមិនបាច់មានបណ្តាញឡើយ។

វាត្រូវបានគេហៅថាជា Air-Gap Security។ វាគឺជាគោលនយោបាយដែលគេនិយមប្រើប្រាស់ទៅហើយ ក្នុងការទុកទូរស័ព្ទដៃរបស់អ្នក មុនពេលចូលទៅកាន់អង្គភាពសន្តិសុខណាមួយ ហើយយកទូរស័ព្ទនោះវិញនៅពេលដែលអ្នកចាកចេញ។

លោក Dudu Mimran ដែលជា CTO នៃបន្ទប់ពិសោធន៍នោះបានឲ្យដឹងថា “យើងបានរកឃើញនូវវិធីសាស្ត្រក្នុងការលួចយកទិន្នន័យពីក្នុងកុំព្យូទ័រ រួចបញ្ជូនទៅកាន់ទូរស័ព្ទដៃ ដោយមិនត្រូវការ Wifi ឬ ​​Bluetooth ឡើយ។ បច្ចេកទេសនេះអាចត្រូវបានប្រើប្រាស់ដោយបុគ្គល ដែលមានបំណងមិនល្អ ហើយដែលយើងទាំងអស់គ្នា ត្រូវចាប់ផ្តើមពិភាក្សា ថាត្រូវដោះស្រាយបញ្ហានេះយ៉ាងដូចម្តេច?”

ខាងក្រោមនេះគឺជាវិដេអូបង្ហាញពីវិធីសាស្ត្រ AirHopper៖

បច្ចេកទេសនៃការស្រាវជ្រាវនេះ គឺប្រើប្រាស់នូវរលកសញ្ញាហ្វ្រេកង់ ដើម្បីធ្វើការបញ្ជូនទិន្នន័យសម្ងាត់ពីកុំព្យូទ័រ ទៅកាន់ទូរស័ព្ទដៃ។ ទូរស័ព្ទដៃដែលជាទូទៅភ្ជាប់ មកជាមួយនូវ FM Radio receivers ហើយយើងទាំងអស់គ្នាបានស្គាល់រួចមកហើយថា កម្មវិធីអាចធ្វើការបង្កើតនូវរលកសញ្ញា (radio emission) ចេញពីឧបករណ៍ video display unit ដែលយើងដឹងថាគឺ អេក្រង់កុំព្យូទ័រ ​(computer screen)។

នេះគឺជាលើកទីមួយហើយ ដែលទូរសព័្ទដៃត្រូវបានគេចាត់ទុកថា ជាឧបករណ៍វាយប្រហារដើម្បីទទួលនូវរកសញ្ញាដែលភាយចេញពីអេក្រង់នៃកុំព្យូទ័រ ដែលស្ថិតនៅ ដាច់ដោយឡែកនោះ។ AirHopper បង្ហាញពីវិធីសាស្ត្រ ដែលអត្ថបទ ​(textual) ហើយនឹងទិន្នន័យ binary ត្រូវបានគេលួចចេញពីក្នុងកុំព្យូទ័រ ទៅកាន់ ទូរសព័្ទដៃ ដែលមានចំងាយរង្វង់ពី ១មែ៉ត្រ ទៅ ៧ម៉ែត្រ ក្នុងល្បឿន ១៣-៦០Bps (Bytes per second) ដែលវាគ្រប់គ្រាន់ទៅហើយក្នុងការលួចយក នូវពាក្យសម្ងាត់របស់អ្នក។

Show More

Phannarith

Mr. OU Phannarith is one of the well-known cybersecurity experts in Cambodia and the region. He is the founder of the first leading information security website (www.secudemy.com) in Cambodia. He has been invited to present in global conferences, forums, and seminars and he was awarded in Information Security Leadership Achievements (ISLA) in 2016 by (ISC)2 and in December 2012 as one of the top 10 Chief Information Security Officers (CISO) in ASEAN by the International Data Group (IDG). Mr. OU has been the Professor specializing in Cybersecurity.

Related Articles

Back to top button