ចោរព័ត៌មានវិទ្យាទាមទារប្រាក់ ៧០លានដុល្លា ដើម្បីស្រោចស្រង់ទិន្នន័យដែលបានកូដនីយកម្ម
ចោរព័ត៌មានវិទ្យាដែលត្រូវគេសង្ស័យថានៅពីក្រោយការវាយប្រហារក្នុងទ្រង់ទ្រាយដ៏ធំទៅលើក្រុមហ៊ុនរាប់រយទូទាំងពិភពលោកកាលពីចុងសប្តាហ៍មុននេះ បានទាមទារឱ្យមានការបង់ប្រាក់លោះចំនួន ៧០លានដុល្លាអាេមរិក ដើម្បីធ្វើការសង្រ្គោះទិន្ននន័យទាំងអស់មកវិញ – នេះបើតាមការបញ្ចេញព័ត៌មាននៅក្នុង dark web។
តាមព័ត៌មានពី Reuters បានបន្ថែមទៀតថា ការទាមទារខាងលើនេះត្រូវបានបង្ហោះនៅក្នុងប្លុកដែលបានប្រើប្រាស់ដោយក្រុមចោរព័ត៌មានវិទ្យា REvil cybercrime gang។ ក្រុមមួយនេះមិនបានឆ្លើយតបទៅនឹងការសាកសួររបស់ Reuters ឡើយ។
ក្រុមចោរព័ត៌មានវិទ្យាមួយនេះ បានវាយលុកចូលទៅក្នុងប្រព័ន្ធរបស់ក្រុមហ៊ុន Kaseya (មានមូលដ្ឋាននៅក្នុងរដ្ឋម៉ៃអាមី) ហើយបានវាយលុកបន្តចូលទៅក្នុងប្រព័ន្ធរបស់អតិថិជនរបស់ខ្លួននៅជុំវិញពិភពលោក។ ថ្នាក់ដឹកនាំ Kaseya បាននិយាយថា ក្រុមហ៊ុនបានដឹងហើយអំពីទំហំទឹកប្រាក់ដែលទាមទារ ។
មានប្រទេសជាច្រើនដែលរងគ្រោះដោយបញ្ហានេះ បើតាមឯកសារដែលចេញផ្សាយដោយ ESET។ ខាងក្រោមនេះ គឺជារូបដែលបានមកពីវេបសាយរបស់ ESET:
