ISAC Cambodia (InfoSec)
GeneralSecurity NewsVulnerability

ម៉ៃក្រូសូហ្វធ្វើការព្រមានអំពីលទ្ធភាពនៃការវាយប្រហារទៅលើអ្នកប្រើប្រាស់រាប់រយលាននាក់

ក្នុងថ្ងៃនេះ ក្រុមហ៊ុនម៉ៃក្រូសូហ្វបានចេញសេចក្តីព្រមានដ៏សំខាន់មួយ នៅក្នុងមជ្ឈមណ្ឌលឆ្លើយតបសុវត្ថិភាព (Security Ressponse Center) របស់ខ្លួន ដោយបានប្រាប់អ្នកប្រើប្រាស់ថា ខ្លួនបានរកឃើញភាពងាយរងគ្រោះចំនួនពីរ (០២) ដែលមានលក្ខណៈធ្ងន់ធ្ងរ ​(critical)​​ ហើយអាចឱ្យមានការដំណើរការកូដពីចំងាយបាន ​(remote code execution – RCE) ជាមួយនឹងសមត្ថភាពរីករាលដាលដោយឯកឯង ​(wormable)។​ នេះមានន័យថា អ្នកវាយប្រហារអាចប្រើប្រាស់វាជាអាវុធដើម្បីវាយប្រហារ ដោយបញ្ជូន មេរោគ ដែលមានលទ្ធភាពឆ្លងពីកុំព្យូទ័រមួយ​ទៅកុំព្យូទ័រមួយទៀតដោយស្វ័យប្រវត្តិ ហើយរាលដាលពាសពេញពិភពលោកដោយមិនចាំបាច់មានអន្តរកម្មពីអ្នកប្រើប្រាស់ឡើយ។ សក្តានុពលនៃការវាយប្រហារគឺអាចប៉ៈពាល់ទៅដល់កុំព្យូទ័ររាប់រយលានគ្រឿងជុំវិញពិភពលោក។

នៅក្នុងសេចក្តីថ្លែងការណ៍នោះ លោក Simon Pope នាយកផ្នែកឆ្លើយតបឧប្បទេវហេតុ (Director of Incident Response) របស់ក្រុមហ៊ុន Microsoft បានបញ្ជាក់ពីភាពងាយរងគ្រោះដែលប៉ះពាល់ដល់ “រាល់កំណែទាំងអស់របស់វីនដូ១០ ដោយរួមទាំង Server versions ផងដែរ។” បន្ថែមលើបញ្ហានេះលោក Pope បានបញ្ជាក់ទៀតថា “កំណែវីនដូដែលរងផលប៉ះពាល់ផ្សេងៗទៀតគឺ Windows 7 SP1, Windows Server 2008 R2 SP1, Windows Server 2012, Windows 8.1 និង Windows Server 2012 R2 ផងដែរ” ។

លោកបានសង្កត់ធ្ងន់ថា “វាមានសារៈសំខាន់ណាស់ដែលប្រព័ន្ធដែលរងផលប៉ះពាល់ត្រូវបាន patch ឬជួសជុលកំហុសឆ្គងឱ្យបានលឿនតាមដែលអាចធ្វើទៅបាន” ។ វាជាការប្រកួតប្រជែងជាមួយនឹងពេលវេលា មុនពេលដែលរលកនៃការវាយប្រហារនឹងមកដល់។

ដើម្បីជួសជុលទៅលើភាពងាយរងគ្រោះនោះ សូមចូលទៅកាន់ CVE-2019-1181 និង CVE-2019-1182, ហើយស្វែងរកកំណែវីនដូររបស់អ្នក នៅក្នុងទីតាំង “Security Update” ហើយធ្វើការដោនឡូត នូវ patch ដែលត្រូវគ្នាជាមួយនឹងប្រព័ន្ធប្រតិបត្តិការរបស់អ្នក។ អ្នកក៏អាចធ្វើការដំណើរការនូវមុខងារ Winodws Update បានផងដែរ។

ចំនុចខ្សោយនេះ វាស្រដៀងគ្នាទៅនឹងបញ្ហាពីមុនមកដែរ នោះគឺ BlueKeep ។ សូមធ្វើការអាប់ដេតជាបន្ទាន់៕

ព័ត៌មានបន្ថែម សូមចូលទៅកាន់

https://portal.msrc.microsoft.com/en-US/security-guidance/advisory/CVE-2019-1182

Show More

Phannarith

Mr. OU Phannarith is one of the well-known cybersecurity experts in Cambodia and the region. He is the founder of the first leading information security website (www.secudemy.com) in Cambodia. He has been invited to present in global conferences, forums, and seminars and he was awarded in Information Security Leadership Achievements (ISLA) in 2016 by (ISC)2 and in December 2012 as one of the top 10 Chief Information Security Officers (CISO) in ASEAN by the International Data Group (IDG). Mr. OU has been the Professor specializing in Cybersecurity.

Related Articles

Back to top button