នៅក្នុងការប្រកួតប្រជែងទៅលើបច្ចេកវិទ្យា 5G នោះ ឆ្នាំ 2019 គឺត្រូវផ្តោតខ្លាំងមែនទែន។ ប្រតិបត្តិករទូរស័ព្ទចល័តជាច្រើនបានក្លាយជាអ្នកទីមួយ ដែលផ្តល់បណ្តាញដែលអាចប្រើប្រាស់ទៅលើបច្ចេកវិទ្យា 5G បាន។ ប្រតិបត្តិករបណ្តាញទូរស័ព្ទចល័ត (Mobile Network Operators – MNOs) ដូចជាក្រុមហ៊ុន Sprint, T-Mobile និង Verizon ក៏អួតពីសមត្ថភាពថ្មីរបស់បច្ចេកវិទ្យា 5G របស់ពួកគេផងដែរ។ អ្នកប្រើប្រាស់ជាច្រើនចាប់ផ្តើមភ្ញាក់ពីលទ្ធភាពនៃបទពិសោធន៍ដែលបច្ចេកវិទ្យា 5G នឹងនាំមកនោះដូចជាផ្ទះឆ្លាតវៃ ទីក្រុងឆ្លាតវៃ ការបើកបរស្វ័យប្រវត្តិ និងជាច្រើនទៀត។
នៅពេលយើងឈានចូលដល់ឆ្នាំ២០២០ នេះ បច្ចេកវិទ្យាជាច្រើនដូចជា IoT, AI និង machine learning នឹងជម្រុញឱកាសជាច្រើននៅក្នុងយុគសម័យ 5G និងនាំមកនូវបដិវត្តន៍ទំនាក់ទំនងដ៏ធំមួយទៀតផងដែរ។ ទោះយ៉ាងណាក៏ដោយ បច្ចេកវិទ្យា 5G នេះគឺជាការប្តូរទៅបណ្តាញកម្មវិធី (software networks) ភាគច្រើន ដូច្នេះវាពិបាកគេចថាមិនមានបញ្ហាប្រឈមនោះទេ – មួយក្នុងចំណោមនោះគឺសុវត្ថិភាពអុិនធឺណិត ដែលមានការកើនឡើងស្មើភាពគ្នានៅក្នុងវិសាលភាព និងទំហំនៅពេលការអនុម័តបច្ចេកវិទ្យា 5G ដែលកំពុងតែមានការកើនឡើងនោះ។ បដិវត្តទៅលើបច្ចេកវិទ្យា 5G នេះនឹងនាំទៅរកការវិវឌ្ឍន៍តាមអុិនធឺណិតចំនួន ៣ នៅពេលដែលយើងឈានចូលដល់ឆ្នាំ ២០២០ នេះ៖
#1: អាជីវកម្មដែលមានហានិភ័យ៖ ឧបករណ៍ចល័ត និងគ្រឿងបន្លាស់ជាច្រើនកំពុងកើនឡើងនៅឆ្នាំ ២០២០
យោងតាម GSMA នោះ បច្ចេកវិទ្យា 5G គឺស្ថិតនៅលើផ្លូវមួយដែលមានចំណែក ១៥% នៃបណ្តាញទូរស័ព្ទចល័តទូទាំងពិភពលោកនៅឆ្នាំ ២០២៥ ។ នេះបង្ហាញពីឱកាសដ៏ធំធេងសម្រាប់ MNOs និងអ្នកផ្តល់សេវាទំនាក់ទំនង (Communications Service Providers – CSPs)។
នៅពេលដែល CSPs ដាក់ចេញនូវសេវាកម្មដែលអាចប្រើប្រាស់ជាមួយនឹងបច្ចេកវិទ្យា 5G នេះ latency ទាបរបស់បច្ចេកវិទ្យា 5G ការបង្កើនទំហំនៅក្នុងការពង្រឹងទៅលើ bandwidth និងសមត្ថភាពក្នុងការផ្តល់ល្បឿនលឿននឹងជួយជំរុញសេវាកម្មអតិថិជនទូរស័ព្ទចល័ត, IoTs និងការរីកចម្រើនទៅលើបច្ចេកវិទ្យា 5G ថែមទៀត។
បច្ចេកវិទ្យា 5G គឺជាការប្តូរទៅបណ្តាញកម្មវិធី (software networks) ភាគច្រើនហើយការធ្វើបច្ចុប្បន្នភាពនឹងស្រដៀងទៅនឹងការធ្វើឱ្យទាន់សម័យតាមពេលវេលាបច្ចុប្បន្នទៅស្មាតហ្វូនរបស់អ្នក។ ជាលទ្ធផលភាពងាយរងគ្រោះតាមប្រព័ន្ធអុិនធឺណិតបង្កហានិភ័យផ្នែកសន្តិសុខយ៉ាងខ្លាំង – ដែល MNOs និង CSPs មិនអាចព្រងើយកន្តើយបាននោះទេ។ ដូចគ្នានឹងច្បាប់ទី ៣ របស់ញូតុនដែររំពឹងថានឹងមានប្រតិកម្មផ្ទុយ និងស្មើគ្នាជាមួយឧក្រិដ្ឋជនតាមអុិនធឺណិតដែលបង្កើតការវាយប្រហារតាមអុិនធឺណិតកម្រិតខ្ពស់នោះ។
ដើម្បីប្រយុទ្ធប្រឆាំងនឹងបញ្ហានេះ សន្តិសុខតាមប្រព័ន្ធអុិនធឺណិត បច្ចេកវិទ្យា 5G ត្រូវតែចាប់ផ្តើមពីការចែកចាយ ហើយនិងតម្រូវឱ្យមានការផ្លាស់ប្តូរជាមូលដ្ឋាននៅក្នុងរបៀបដែល MNOs គិតអំពីបណ្តាញ និងសន្តិសុខ។ សន្តិសុខនឹងចាំបាច់ត្រូវមានពី edge-to-edge – ពី IoT edge ឆ្លងកាត់ core enterprise network និងទៅសាខាការិយាល័យជាច្រើន និង public clouds ជាច្រើនថែមទៀត។
ដើម្បីធ្វើដូចនេះ អ្វីគ្រប់យ៉ាងដែលភ្ជាប់ទៅនឹងប្រព័ន្ធអេកូឡូស៊ីសហគ្រាសនោះ គឺត្រូវការការកំណត់អត្តសញ្ញាណ និងត្រូវដឹងអំពីស្ថានភាពសុវត្ថិភាព ឬភាពងាយរងគ្រោះ។ បន្ទាប់ពីនេះ រាល់សំណូមពរ (request) ដើម្បីអាក់សេសទៅកាន់ធនធានបណ្តាញ ក៏ចាំបាច់ត្រូវផ្ទៀងផ្ទាត់ និងត្រួតពិនិត្យទៅលើសុពលភាពនៃសិទ្ធិអនុញ្ញាត ដើម្បីធានានូវការការពារសន្តិសុខប្រកបដោយប្រសិទ្ធភាពបំផុត។
MNOs នឹងត្រូវធ្វើការឱ្យកាន់តែជិតស្និទ្ធថែមទៀតជាមួយផ្នែកព័ត៌មានវិទ្យារបស់ពួកគេដើម្បីធានាបាននូវបណ្តាញ និងកម្មវិធីសូហ្វវែរ 5G ដែលមានភ្ជាប់ទៅនឹងសន្តិសុខចុងក្រោយ។ អ្នកទាំងឡាយណាដែលយកវិធី “មើល និងរង់ចាំ” ចំពោះសុវត្ថិភាពតាមអុិនធឺណិតនឹងប្រឈមនឹងហានិភ័យនៃការធ្លាក់ចុះយ៉ាងលឿនទៅបាតតែម្តង។ ការធ្វើបច្ចុប្បន្នភាពសុវត្ថិភាពបណ្តាញ និងកម្មវិធីនឹងតម្រូវឱ្យមានការត្រួតពិនិត្យ និងការដោះស្រាយជាបន្ត ដើម្បីឱ្យមានប្រសិទ្ធភាពបំផុត។
គួរកត់សម្គាល់ថា ទោះយ៉ាងណាក៏ដោយ នៅឆ្នាំ ២០២០ សន្តិសុខតាមអុិនធឺណិតគឺមិនត្រឹមតែធ្លាក់ទៅលើ MNOs និង CSPs ប៉ុណ្ណោះទេ។ អ្នកប្រើប្រាស់ក៏ត្រូវតែអភិវឌ្ឍន៍ការប្តេជ្ញាចិត្តជាថ្មី ចំពោះសុវត្ថិភាពឧបករណ៍ចល័ត និងការការពារឯកជនភាពថែមទៀត។ ការប្រើប្រាស់ទៅលើ Tools ជាច្រើននៅលើបណ្តាញអុិនធឺណិតដូចជា AV software, VPN ការការពារសុវត្ថិភាព Browser គឺជារឿងដែលចាំបាច់ដើម្បីការពារឧបករណ៍ជាច្រើនរបស់ពួកគេនៅក្នុងយុគសម័យ 5G នេះ។
#2: ភាពជឿជាក់ទៅលើបច្ចេកវិទ្យា 5G សុវត្ថិភាពតាមប្រព័ន្ធអុិនធឺណិតមានការកើនឡើងដើម្បីបំពេញតម្រូវការរបស់វា
ឧបករណ៍ និងបណ្តាញជាច្រើនដែលមានសមត្ថភាពទៅលើបច្ចេកវិទ្យា 5G នេះបន្តទទួលបានការអនុម័តយ៉ាងឆាប់រហ័សដោយសន្យាថានឹងបង្កើតរូបរាង និងកំណត់ជីវិតប្រចាំថ្ងៃរបស់យើង ខណៈពេលដែលវាកំពុងជំរុញសេដ្ឋកិច្ចផងដែរ។ ស្ថិតិរបស់ Statista រាយការណ៍ថាទីផ្សារសន្តិសុខ 5G នឹងកើនឡើងដល់ ៤,០២ ពាន់លានដុល្លារនៅឆ្នាំ ២០២៣។ នៅពេលទីផ្សាររីកចម្រើនហើយនោះ បដិវត្តបណ្តាញ 5G លេចចេញមកសំណួរថាតើឧបករណ៍ និងកម្មវិធីណាដែលត្រូវបានធានាគឺជាកង្វល់ដ៏សំខាន់នោះ។
តើអ្នកណាជាអ្នកទទួលខុសត្រូវចុងក្រោយសម្រាប់សន្តិសុខតាមអុិនធឺណិតនៅក្នុងយុគសម័យ 5G នេះ? វាមានទ្រឹស្តីជាច្រើន និងមានការស្មានជាច្រើនផងដែរ។ ទោះយ៉ាងណានៅឆ្នាំ ២០២០ ការទទួលខុសត្រូវនឹងឆ្ពោះទៅរកអ្នកផ្តល់សេវាកម្មដែលផ្តល់បណ្តាញដោយមានការគាំទ្របន្ថែមពីអង្គភាពសន្តិសុខរដ្ឋាភិបាល និងឧស្សាហកម្ម។ នៅពេលអនាគតដែលរំពឹងទុក គឺរំពឹងថានឹងបានឃើញច្បាប់ និងគោលការណ៍ណែនាំល្អបំផុតសម្រាប់អ្នកផ្តល់ឧបករណ៍ និងកម្មវិធីជាច្រើនដែលកើតឡើងដើម្បីធានាថាផលិតផលមានត្រាសុវត្ថិភាពតាមប្រព័ន្ធអ៊ីនធឺរណិត។
នៅឆ្នាំ ២០២០ machine learning និង AI នឹងប្រយុទ្ធប្រឆាំងនឹងការគំរាមកំហែងតាមប្រព័ន្ធអុិនធឺណិតកាន់តែខ្លាំងឡើង។ នេះនឹងមានសារៈសំខាន់សម្រាប់ MNOs ដោយស្វែងរកបច្ចេកវិទ្យាថ្មីៗ និង AI និង ML ដើម្បីជួយជៀសពីការវាយប្រហារព្យាបាទជាច្រើននោះ។ ដូច្នេះយើងនឹងឃើញអ្នកផ្តល់សេវាបណ្តាញជាច្រើននឹងបង្ហាញពីផែនការស្វ័យប្រវត្តិកម្មដែលពង្រីកដើម្បីគ្របដណ្ដប់លើទាំងអស់នៃស្ថាបត្យកម្មសន្តិសុខរបស់ពួកគេ។
#3: MACHINE LEARNING និងបច្ចេកវិទ្យា AI នៅក្នុងយុគសម័យ 5G
ការស្រាវជ្រាវរបស់ ABI ព្យាករណ៍ថា machine learning នៅក្នុងសុវត្ថិភាពអុិនធឺណិតត្រូវបានកំណត់ដើម្បីជំរុញទិន្នន័យធំការវៃឆ្លាត និងការវិភាគចំណាយរហូតដល់ ៩៦ ពាន់លានដុល្លារនៅឆ្នាំ ២០២១ ដែលចង្អុលបង្ហាញនូវឱកាសសម្រាប់ទូរគមនាគមន៍ ការទាញយកអត្ថប្រយោជន៍ពី machine learning និងសមត្ថភាពរបស់ AI ក្នុងការបង្កើនការអនុវត្តតាមអុិនធឺណិតផងដែរ។
ដំណោះស្រាយប្រកបដោយសុវត្ថិភាពតាមប្រព័ន្ធអុិនធឺណិតត្រូវតែឆ្លើយតប និងដោះស្រាយការគំរាមកំហែងយ៉ាងឆាប់រហ័ស។ ដល់ទីបញ្ចប់នេះ បច្ចេកវិទ្យា AI ផ្គត់ផ្គង់ស្រទាប់បន្ថែមសម្រាប់ការរកឃើញការគំរាមគំហែងគ្មានសណ្តាប់ធ្នាប់នៅពេលសន្តិសុខប្រើនៅពេលរកឃើញការគំរាមកំហែងអត្រាគ្រោះថ្នាក់ និងកម្រិតទាបដោយគ្មានអន្តរាគមន៍ពីមនុស្សនោះទេ។
ខណៈពេលដែលត្រូវប្រើប្រាស់ជាធម្មតានៅក្នុងឧស្សាហកម្មសន្តិសុខតាមប្រព័ន្ធអុិនធឺណិត ការគ្រប់គ្រងគំរូស្រង់ចេញពីប្រព័ន្ធ AI ដែលមានស្រាប់នៅក្នុងសាជីវកម្មនៃឯកសារល្អ និងអាក្រក់ដែលអនុញ្ញាតឱ្យមានការវាយតម្លៃរហ័ស និងការដាក់ពិន្ទុហានិភ័យនៃឯកសារថ្មីជាច្រើន។ ក្រុមហ៊ុនសន្តិសុខតាមអុិនធឺណិតឈានមុខគេបានរកឃើញគុណសម្បត្តិទាំងនេះហើយប្រើប្រាស់គំរូដែលមិនមានការត្រួតពិនិត្យដើម្បីស្វែងរកការគំរាមកំហែង។
នៅឆ្នាំ ២០២០ វារំពឹងថានឹងមានការកើនឡើងនៃការប្រើប្រាស់គំរូនៃ machine learning ជាច្រើនដែលផ្តោតអារម្មណ៍ខ្ពស់ដែលកំពុងដំណើរការនៅលើចំណុច endpoint របស់វាហើយមិនត្រឹមតែនៅលើ clouds ប៉ុណ្ណោះទេដែលអាចកំណត់ពេលវេលាជាក់ស្តែង និងបញ្ឈប់ការគំរាមកំហែងជាច្រើននេះ។ នេះគួរតែជាព័ត៌មានស្វាគមន៍សម្រាប់ក្រុមហ៊ុន Telcos ដែលផ្លាស់ប្តូរទៅកាន់ Cloud និង CSPs ដែលវាយតម្លៃពីរបៀបកាត់បន្ថយហានិភ័យនេះ៕
ប្រភព៖ https://www.thefastmode.com/technology-solutions/16206-2020-cybersecurity-evolution-meets-5g-revolution
ទាញយកកម្មវិធីសម្រាប់ទូរស័ព្ទស្មាតហ្វូន (Apple ឬ Android) ឬក៏ចូលរួមទៅក្នុងបន្ទប់ផ្តល់ព័ត៌មាន Telegram Channel សម្រាប់ទទួលបានព័ត៌មានចុងក្រោយស្តីអំពីសន្តិសុខអុិនធឺណិតទាំងក្នុង និងក្រៅប្រទេស៖ https://t.me/infosecisac
Download our iOS App or Android App or subscribe to our Telegram channel for the latest updates on the Cybersecurity Breaking News in both locally and internationally: https://t.me/infosecisac
