ISAC Cambodia (InfoSec)
GeneralSecurity News

Windows 10: NSA បង្ហាញអំពីកំហុសដ៏មានគ្រោះថ្នាក់នៅក្នុងកូដរបស់ក្រុមហ៊ុន Microsoft

តាមព័ត៌មានពីវេបសាយ ​BBC បានឱ្យដឹងថា ភ្នាក់ងារសន្តិសុខជាតិអាមេរិក (NSA) រកឃើញកំហុសដ៏ធំមួយនៅក្នុងប្រព័ន្ធប្រតិបត្តិការវីនដូ ១០ ដែលអាចត្រូវប្រើប្រាស់ដោយពួកហេគឃ័រដើម្បីបង្កើតកម្មវិធីមេរោគ (malicious software) ដែលមើលទៅមានលក្ខណៈត្រឹមត្រូវស្របច្បាប់។ ក្រុមហ៊ុន Microsoft ក៏ចេញផ្សាយនូវ patch (ដើម្បីជួសជុលទៅលើកំហុសឆ្គងនោះ) ហើយបាននិយាយថា ខ្លួនមិនបានរកឃើញនូវភស្តុតាងណាមួយនៃការវាយលុកដោយសារហេគឃ័រនោះទេ។

ចំនុចខ្សោយខាងលើនេះត្រូវបានបង្ហាញដោយ ​NSA នៅពេលធ្វើសន្និសីទការសែត។

វាមិនច្បាស់ទេថាតើចំនុចខ្សោយទាំងនោះមានរយៈពេលប៉ុន្មានហើយនោះទេ មុនពេលជូនដំណឹងអំពីបញ្ហានេះទៅកាន់ក្រុមហ៊ុន Microsoft នោះ។ លោក Brian Krebs អ្នកជំនាញខាងសន្តិសុខដែលធ្វើការរាយការណ៍ដំបូងអំពីការបញ្ចេញព័ត៌មាននេះ បាននិយាយថា ក្រុមហ៊ុន Microsoft បានបញ្ជូននូវ patch ទៅសាខាជាច្រើនរបស់យោធាសហរដ្ឋអាមេរិក និងអ្នកប្រើប្រាស់កម្រិតខ្ពស់ដទៃទៀតមុនពេលការចេញផ្សាយកាន់តែទូលំទូលាយ ។ គាត់បានបន្ថែមថា “វាគួរឱ្យខ្លាចខ្លាំងណាស់” ។

បញ្ហានេះមាននៅក្នុងសមាសធាតុស្នូល (core component) នៃប្រព័ន្ធប្រតិបត្តិការ Windows ដែលគេស្គាល់ថា crypt32.dll ដែលជាកម្មវិធីមួយដែលអនុញ្ញាតឱ្យអ្នកអភិវឌ្ឍន៍កម្មវិធីសូហ្វវែរចូលប្រើមុខងារផ្សេងៗដូចជា វិញ្ញាបនប័ត្រឌីជីថល (digital) ដែលត្រូវប្រើប្រាស់ដើម្បីចុះហត្ថលេខាទៅលើកម្មវិធីសូហ្វវែរ។

តាមទ្រឹស្តី វាអាចអនុញ្ញាតិឱ្យពួកហេគឃ័រអាចបង្កើតនូវកម្មវិធីមេរោគ ​(malicious software) ដែលមានទម្រង់ស្របច្បាប់ ​(legitimate) ទាំងស្រុង ។ នាយកផ្នែកសន្តិសុខអ៊ិនធឺណិតរបស់ NSA លោកស្រី Anne Neuberger ប្រាប់អ្នកសារព័ត៌មានថា “កំហុសឆ្គងនេះ គឺបានធ្វើឱ្យប៉ៈពាល់ដល់ទំនុកចិត្ត (trust is vulnerable)។ លោកស្រីបន្ថែមថាទីភ្នាក់ងារបានសំរេចចិត្តចូលរួមក្នុងការរកឃើញជាសាធារណៈតាមការស្នើសុំរបស់ក្រុមហ៊ុន Microsoft ។ ចំនុចខ្សោយនេះក៏ជាបញ្ហាមួយនៅក្នុង Windows Server 2016 និង 2019 ប៉ុន្តែវាមិនប៉ះពាល់ដល់ប្រព័ន្ធប្រតិបត្តិការចាស់ៗនោះទេ។

សាស្ត្រាចារ្យ Alan Woodward អ្នកជំនាញផ្នែកសន្តិសុខនៅសាកលវិទ្យាល័យ Surrey និយាយអំពីកំហុសមួយនេះថា“ វាធំណាស់ព្រោះវាប៉ះពាល់ដល់ស្នូលនៃកម្មវិធីសូហ្វវែរ (core cryptographic software) ដែលប្រើដោយប្រព័ន្ធប្រតិបត្តិការ Microsoft ទោះបីជាវាមិនមានភស្តុតាងបង្ហាញថា វាត្រូវបានវាយលុក (exploit) ដោយពួកហេគឃ័រក៏ដោយ វាគឺជាបញ្ហានៃការគំរាមកំហែងដ៏ធំ ព្រោះវាបើកចំហរសម្រាប់ទទួលនូវការវាយប្រហារជាច្រើន ដូច្នេះនេះអ្នកត្រូវធ្វើការជួសជុល (patch) ភ្លាមៗ៕

ខាងក្រោមនេះគឺជាឯកសារចេញផ្សាយពី NSA

ប្រភព៖ BBC

Show More

Phannarith

Mr. OU Phannarith is one of the well-known cybersecurity experts in Cambodia and the region. He is the founder of the first leading information security website (www.secudemy.com) in Cambodia. He has been invited to present in global conferences, forums, and seminars and he was awarded in Information Security Leadership Achievements (ISLA) in 2016 by (ISC)2 and in December 2012 as one of the top 10 Chief Information Security Officers (CISO) in ASEAN by the International Data Group (IDG). Mr. OU has been the Professor specializing in Cybersecurity.

Related Articles

Back to top button