ISAC Cambodia (InfoSec)
GeneralSecurity News

ហេគឃ័រអាចធ្វើការបំបែក VoLTE Encryption ហើយស្តាប់ការសន្ទនាបាន

ក្រុមអ្នកស្រាវជ្រាវក្នុងវិស័យអប់រំ ដែលកាលពីពេលមុនបានរកឃើញនូវបញ្ហាសុវត្ថិភាពមួយចំនួនដែលមាននៅក្នុង 4G LTE និង 5G បានបញ្ចេញនូវការរកឃើញថ្មីមួយទៀត ដែលជាទម្រង់ថ្មីនៃការវាយប្រហារដោយបានដាក់ឈ្មោះថា “ReVoLTE” ដែលអាចអនុញ្ញាតឱ្យអ្នកវាយប្រហារពីចំងាយ ​(remote attackers) ធ្វើការបំបែកទៅលើកូដនីយកម្ម (encryption) ដែលបានប្រើប្រាស់ដោយ VoLTE voice calls ហើយនឹងធ្វើចារកិច្ចទៅលើការសន្ទនារតាមទូរស័ព្ទដែលជាគោលដៅ។

ការវាយប្រហារនេះមិនបានវាយលុកទៅលើកំហុសឆ្គងណាមួយឡើយនៅក្នុង ​VoLTE protocol។ ក៏ប៉ុន្តែវាបានកេងយកចំណេញទៅលើភាពខ្សោយនៃការអនុវត្តរបស់ប្រតិបត្តិករទូរគមនាគមន៍ភាគច្រើននៅក្នុង LTE mobile network ដែលជាហេតុអនុញ្ញាតឱ្យអ្នកវាយប្រហារអាចធ្វើការលួចស្តាប់ជាសំងាត់ ​(eavesdrop) ទៅលើការសន្ទនាទូរស័ព្ទរបស់ជនរងគ្រោះបាន។

Source: revolte-attack.net

VoLTE ឬក៏ ​Voice over Long Term Evolution protocol គឺជាស្តង់ដារល្បឿនលឿននៃទំនាក់ទំនងឥតខ្សែរសម្រាប់ទូរស័ព្ទចល័ត និង data terminals ដែលមានដូចជាឧបករណ៍ ​Internet of Things (IoT) និង ​4G LTE radio access technology ជាដើម។

ចំនុចសំខាន់នៃបញ្ហាគឺថា ប្រតិបត្តិករទូរស័ព្ទចល័តភាគច្រើនប្រើ keystream ដូចគ្នាសម្រាប់ការហៅបន្តគ្នាពីរដងនៅក្នុងបណ្តាញវិទ្យុតែមួយដើម្បីធ្វើកូដនីយកម្មទិន្នន័យសំលេងរវាងទូរស័ព្ទ និងស្ថានីយ៍មូលដ្ឋាន (base station) តែមួយ ឧទារហណ៍ដូចជា mobile phone tower។

ដូច្នេះការវាយប្រហារ ReVoLTE ថ្មីនេះ គឺវាបានវាយលុកទៅលើការប្រើប្រាស់ឡើងវិញនូវ keystream ដូចគ្នានេះចេញពីស្ថានីយ៍មូលដ្ឋានដែលងាយរងគ្រោះ (vulnerable base stations) ដែលអនុញ្ញាតឱ្យអ្នកវាយប្រហារធ្វើវិកូដនីយកម្ម (decrypt) ទៅលើមាតិកា (content) ដែលមានក្នុងទម្រង់ដូចខាងក្រោម៖

រូបភាពពីដំណើរការនៃការវាយប្រហារ ប្រភព៖ https://revolte-attack.net

ដើម្បីចាប់ផ្តើមការវាយប្រហារនេះ អ្នកវាយប្រហារត្រូវតែភ្ជាប់ទៅនឹងស្ថានីយ៍មូលដ្ឋានដូចគ្នា (same base station) ជាមួយនឹងជនរងគ្រោះ ហើយភ្ជាប់ sniffer ដើម្បីឃ្លាំមើល និងកត់ត្រានូវការ ទូរស័ព្ទចេញចូលរបស់ជនរងគ្រោះទៅកាន់គោលដៅមួយណា (បុគ្គលដែលអ្នកជនរងគ្រោះបានទូរស័ព្ទទៅ) ដែលអ្នកវាយប្រហារចង់បានដើម្បីធ្វើវិកូដនីយកម្មនៅពេលក្រោយ – នេះគឺជាដំណាក់កាលទីមួយនៃការវាយប្រហារ ReVoLTE ។

នៅពេលដែលជនរងគ្រោះបញ្ចប់ការទូរស័ព្ទ ជាមួយនឹងបុុគ្គលដែលជាគោលដៅហើយនោះ អ្នកវាយប្រហារត្រូវតែធ្វើការទូរសព័្ទជនរងគ្រោះភ្លាមៗក្នុងរង្វង់ ១០វិនាទីបន្ទាប់ ដែលនឹងបង្ខំឱ្យបណ្តាញដែលងាយរងគ្រោះ ចាប់ផ្តើមផ្តួចផ្តើមការហៅទូរស័ព្ទថ្មីរវាងជនរងគ្រោះនិងអ្នកវាយប្រហារ លើបណ្តាញវិទ្យុដូចដែលបានប្រើប្រាស់ដោយការហៅទូរសព័្ទលើកមុន។

នៅពេលដែលភ្ជាប់ហើយនោះ (នេះគឺជាដំណាក់កាលទីពីរនៃការវាយប្រហារ) អ្នកវាយប្រហារត្រូវការធ្វើយ៉ាងណាសន្ទនាជាមួយជនរងគ្រោះ ហើយធ្វើការថត ​(record) ជាលក្ខណៈ plaintext ដែលនឹងអាចឱ្យអ្នកវាយប្រហារធ្វើការ reverse compute keystream ។

វាជាការសំខាន់ណាស់ ដែលអ្នកវាយប្រហារត្រូវធ្វើយ៉ាងណាសន្ទនាជាមួយជនរងគ្រោះនៅក្នុងរយៈពេលវែងតាមតែអាចធ្វើទៅបាន ដើម្បីឱ្យកាន់តែមានលទ្ធភាពក្នុងការធ្វើកូដនីយកម្មទៅលើកិច្ចសន្ទនាមុនបានពេញលេញ ដែលយ៉ាងហោចណាសក៏មានរយៈពេលស្មើកិច្ចសន្ទនាលើកមុនដែរ។

ខាងក្រោមមនេះគឺជាវីដេអូ ដែលបង្ហាញពីលក្ខណៈនៃការវាយប្រហារ

សម្រាប់ស្វែងយល់លំអិតអំពីបញ្ហានេះ សូមចូលទៅកាន់៖

https://revolte-attack.net/media/revolte_camera_ready.pdf

Show More

Phannarith

Mr. OU Phannarith is one of the well-known cybersecurity experts in Cambodia and the region. He is the founder of the first leading information security website (www.secudemy.com) in Cambodia. He has been invited to present in global conferences, forums, and seminars and he was awarded in Information Security Leadership Achievements (ISLA) in 2016 by (ISC)2 and in December 2012 as one of the top 10 Chief Information Security Officers (CISO) in ASEAN by the International Data Group (IDG). Mr. OU has been the Professor specializing in Cybersecurity.

Related Articles

Back to top button