តើអ្វីទៅជា Dark Web? តើរបៀបនៃការចូលប្រើប្រាស់វាដូចម្តេច? តើអ្វីខ្លះដែលអ្នកនឹងរកឃើញ?

Dark Web គឺជាផ្នែកមួយនៃអ៊ីនធឺណិតដែលមិនត្រូវបានកត់ត្រាដោយម៉ាស៊ីនស្វែងរក (Search Engines) ដូចជា Google, Yahoo, Bing, … នោះទេ។ អ្នកច្បាស់ជាបានលឺពីការពិភាក្សាអំពី ” Dark Web” ដែលមានសកម្មភាពនៃឧក្រិដ្ឋកម្មជាច្រើន។ អ្នកស្រាវជ្រាវ Daniel Moore និង Thomas Rid នៃមហាវិទ្យាល័យ King’s College ក្នុងទីក្រុងឡុងធ្វើការកំណត់ទៅលើមាតិកានៃ dark web ចំនួនប្រមាណជា 2,723 ក្នុងរយៈពេលត្រឹមតែ 5 សប្តាហ៍ប៉ុណ្ណោះកាលពី ២ ឆ្នាំមុន និងរកឃើញថា 57% គឺជារឿងខុសច្បាប់។

អ្នកអាចទិញលេខប័ណ្ណឥណទាន គ្រប់ប្រភេទនៃគ្រឿងញៀន កាំភ្លើង លុយក្លែងក្លាយ ការហេគទៅលើគណនី Netflix និងកម្មវិធី Software ដែលជួយអ្នកអាចបំបែកចូលក្នុងកុំព្យូទ័ររបស់អ្នកដទៃទៀតបានផង។ ការទិញយកព័ត៌មាន Login ក្នុងការចូលទៅក្នុងគណនីធនាគាររបស់សហរដ្ឋអាមេរិកដែលមានទឹកប្រាក់ចំនួន 50.000 ដុល្លារ ដោយចំណាយទឹកប្រាក់ ត្រឹមតែ 500 ដុល្លារប៉ុណ្ណោះ។ ការទទួលទឹកប្រាក់ $3,000 នៅក្នុងការក្លែងបន្លំវិក័យប័ត្រ, $20 សម្រាប់តម្លៃ $600 ។ ការទិញកាតឥណពន្ធបង់ប្រាក់មុន (Debit Cards) ចំនួន 7 សន្លឹកដែលមានសមតុល្យទឹកប្រាក់ 2,500 ដុល្លារក្នុងតម្លៃ 500ដុល្លារ។ គណនី “Netflix Premium” ពេញមួយជីវិតមានតម្លៃ 6 ដុល្លារ។ អ្នកអាចជួលពួកហេគឃ័រដើម្បីវាយប្រហារទៅលើកុំព្យូទ័រជាច្រើន ហើយអ្នកក៏អាចទិញឈ្មោះអ្នកប្រើប្រាស់ និងពាក្យសម្ងាត់ជាច្រើនទៀតផងដែរ។

ប៉ុន្តែមិនមែនអ្វីគ្រប់យ៉ាងគឺខុសច្បាប់ទេ Dark Web នេះក៏មានផ្នែកដែលស្របច្បាប់ផងដែរ។ ឧទាហរណ៍ អ្នកអាចចូលរួមលេងក្លឹបអ្នកលេងអុក ឬ BlackBook ដែលបណ្តាញសង្គមនេះពណ៌នាថាជា “the Facebook of Tor”។

កម្មវិធីរុករក Dark Web (Dark web browser)

សកម្មភាពទាំងអស់ខាងលើនេះ អាចធ្វើឱ្យអ្នកគិតថា ការរុករក dark web គឺជារឿងងាយស្រួល។ វាមិនមែននោះទេ។ កន្លែងនេះមានភាពច្របូកច្របល់ និងវឹកវរ ដូចអ្នកអាចរំពឹងថា នៅពេលមនុស្សគ្រប់គ្នាសុទ្ធតែមិនមានអត្តសញ្ញាណ (ជនអនាមិក) នោះ។

ការចូលដំណើរការ Dark Web តម្រូវឱ្យប្រើកម្មវិធីរុករកអនាមិកដែលមានឈ្មោះថា Tor ។ កម្មវិធីរុករក Tor Browser នេះបញ្ជូនសំណើវេបសាយរបស់អ្នកតាមរយៈម៉ាស៊ីន proxy servers ដែលគ្រប់គ្រងដោយអ្នកស្ម័គ្រចិត្តរាប់ពាន់នាក់នៅជុំវិញពិភពលោកដោយធ្វើការ Render ទៅលើអាសយដ្ឋាន IP របស់អ្នកដែលមិនអាចកំណត់អត្តសញ្ញាណ និងមិនអាចរកឃើញនោះទេ។ Tor ធ្វើសកម្មភាពដូចជាមន្តអាគមចឹង ប៉ុន្តែលទ្ធផលគឺជាបទពិសោធន៏មួយដូចជា Dark Web ដែរ៖ មិនអាចទាយទុកជាមុន មិនគួរអោយទុកចិត្ត និងការដំណើរការយឺត។

វេបសាយស្វែងរក Dark Web (Dark web search engine)

វេបសាយសម្រាប់ស្វែងរក dark web គឺមាន ប៉ុន្តែរឿងដ៏ល្អបំផុតគឺធ្វើការផ្លាស់ប្តូរជាប្រចាំ។ បទពិសោធន៏នេះគឺសំដៅទៅលើការស្វែងរកវេបសាយនៅចុងទសវត្សឆ្នាំ 1990 ។ សូម្បីតែមួយក្នុងចំណោម វេបសាយស្វែងរក dark web ដ៏ល្អបំផុតហៅថា Grams អាចទទួលបានលទ្ធផលដដែលជាច្រើន និងជាញឹកញាប់មិនទាក់ទងទៅនឹងអ្វីដែលយើងចង់រុករកនោះទេ។ បញ្ជីបញ្ជប់ (link) ជាច្រើនដូចជា The Hidden Wiki គឺជាជម្រើសមួយផ្សេងទៀត ប៉ុន្តែវាក៏មានការកើតឡើងនៃបញ្ហា timed-out connections និងភាព Errors ចំនួន 404 ផងដែរ។

Dark Web sites

Dark Websites គឺមានលក្ខណៈស្រដៀងទៅនឹងវេបសាយផ្សេងទៀត ប៉ុន្តែវាមានភាពខុសគ្នាមួយចំនួនផងដែរ។ មួយគឺការដាក់ឈ្មោះទៅលើអាស័យដ្ឋានវេបសាយ។ ជំនួសឱ្យការបញ្ចប់ក្នុង .com ឬ .co នៅក្នុង dark web បញ្ចប់ដោយពាក្យ .onion ។ នោះគឺជា “ឈ្មោះ Domain” កម្រិតកំពូលសម្រាប់ប្រើប្រាស់យ៉ាងពិសេសនៅក្នុងសេវាកម្មអនាមិកដែលអាចរកបានតាមរយៈ “Tor Network” ។ កម្មវិធីរុករក (Browsers) ដែលមាន Proxy ដែលអាចភ្ជាប់ទៅកាន់គេហទំព័រទាំងនេះបាន ប៉ុន្តែអ្នកផ្សេងទៀតមិនអាចនោះទេ។

Dark Web ក៏ប្រើរចនាសម្ព័ន្ធដាក់ឈ្មោះដែលបង្កើតជា URL ដែលជាញឹកញាប់មិនអាចចងចាំបាននោះទេ។ ឧទាហរណ៍ គេហទំព័រពាណិជ្ជកម្មដ៏ពេញនិយមដែលមានឈ្មោះថា Dream Market មានអាសយដ្ឋានដែលមិនអាចយល់បានគឺ “eajwlvm3z2lcca76.onion”។

Dark Web ជាច្រើនត្រូវបង្កើតឡើងដោយអ្នកបោកប្រាស់ (scammer) ដែលតែងតែធ្វើសកម្មភាពមិននៅមួយកន្លែងឡើយ ដើម្បីកុំជនរងគ្រោះមានការខឹងសម្បា។ សូម្បីតែវេបសាយទិញ-លក់ដែលមានរយៈពេលមួយឆ្នាំ ឬច្រើនជាងនេះអាចនឹងរលាយបាត់ផងដែរ ប្រសិនបើ ម្ចាស់វេបសាយសម្រេចចិត្តខ្ចប់លុយ ហើយរត់គេចជាមួយលុយដែលពួកគេកំពុងកាន់កាប់ជំនួសអោយអតិថិជនជាច្រើននៅក្នុងវេបសាយនោះ។

មន្រ្តីអនុវត្តច្បាប់កំពុងទទួលលទ្ធផលល្អប្រសើរជាងមុនក្នុងការស្វែងរក និងចោទប្រកាន់ម្ចាស់វេបសាយដែលលក់ទំនិញ និងសេវាកម្មខុសច្បាប់។ នៅក្នុងឆ្នាំ 2017 ក្រុមការងារផ្នែកអ៊ីនធឺណិតមកពី ៣ ប្រទេសទទួលបានជោគជ័យក្នុងការបិទវេបសាយ dark web មួយឈ្មោះថា AlphaBay ដែលជាប្រភពនៃការក្លែងបន្លំដ៏ធំបំផុត។

ការធ្វើពាណិជ្ជកម្មនៅលើ Dark Web

Dark Web ជាច្រើនរីកចម្រើនដោយសារតែ Bitcoin ដែលជារូបិយប័ណ្ណអេឡិចត្រូនិចដែលអាចឱ្យភាគីទាំងពីរធ្វើប្រតិបត្តិការដែលគួរអោយទុកចិត្តដោយមិនចាំបាច់ស្គាល់អត្តសញ្ញាណរបស់គ្នាទៅវិញទៅមកនោះទេ។

ស្ទើរតែគ្រប់វេបសាយពាណិជ្ជកម្មទាំងអស់ធ្វើប្រតិបត្តិការតាម Bitcoins ឬប្រភេទផ្សេងទៀត ប៉ុន្ដែនេះមិនមែនមានន័យថា វាមានសុវត្ថិភាពក្នុងការធ្វើអាជីវកម្មនៅទីនោះទេ។ ភាពអនាមិកនៃទីកន្លែងនេះទាក់ទាញអ្នកបោកប្រាស់ និងចោរជាច្រើន ប៉ុន្តែតើអ្នករំពឹងអ្វីនៅពេលទិញកាំភ្លើង ឬគ្រឿងញៀនគឺជាគោលបំណងរបស់អ្នកនោះ?

មុខងារនៅក្នុងវេបសាយពាណិជ្ជកម្មនៅក្នុង dark web គឺមានលក្ខណៈដូចគ្នានឹងប្រតិបតិ្តការលក់រាយអេឡិចត្រូនិចនៃវេបសាយធម្មតា (amazon) ដូច្នោះដែរ គឺមានដូចជាការផ្តល់ចំណាត់ថ្នាក់ / ការពិនិត្យមើលឡើងវិញ ការទិញទំនិញ និងវេទិកាជាច្រើនទៀត ប៉ុន្តែមានភាពខុសគ្នាសំខាន់ៗមួយចំនួនផងដែរ។ ទី 1 គឺការគ្រប់គ្រងគុណភាព។ នៅពេលដែលអ្នកទិញ និងអ្នកលក់គឺមិនដឹងមកពីខាងណា (អនាមិក) ការជឿជាក់លើប្រព័ន្ធផ្តល់ចំណាត់ថ្នាក់មួយគឺគួរឱ្យសង្ស័យ។ ការវាយតម្លៃ (rating) ក៏អាចក្លែងបន្លំយ៉ាងងាយស្រួល ហើយសូម្បីតែអ្នកលក់ដែលត្រូវបានគេស្គាល់យូរហើយមកនោះ ក៏ត្រូវគេដឹងថាបាត់ខ្លួនទៅជាមួយ crypto-coins របស់អតិថិជនពួកគេផងដែរ ហើយក្រោយមកទៀតបង្កើតវេបសាយថ្មីជាមួយនឹងការប្តូរឈ្មោះ។

សូម្បីតែការបញ្ចប់នូវការបញ្ជាទិញក៏ដោយ ក៏យើងមិនធានាថាទំនិញនឹងមកដល់ដែរ។ ទំនិញភាគច្រើនត្រូវឆ្លងកាត់ព្រំដែនអន្តរជាតិ ហើយមន្រ្តីគយកំពុងបង្ក្រាបលើកញ្ចប់គួរឱ្យសង្ស័យ។ វេបសាយ Deep.Dot.Web មានរឿងរ៉ាវទាក់ទងនឹងអ្នកទិញដែលត្រូវចាប់ខ្លួន ឬជាប់គុកពីបទប៉ុនប៉ងទិញ។

តើ Dark Web ខុសច្បាប់ឬទេ?

យើងមិនចង់អោយអ្នកមានអារម្មណ៍ថា អ្វីគ្រប់យ៉ាងនៅលើ dark web នេះគឺមិនសមរម្យ ឬខុសច្បាប់នោះទេ។ បណ្តាញ Tor ចាប់ផ្តើមជាបណ្តាញទំនាក់ទំនងអនាមិក ហើយវានៅតែជាគោលបំណងដ៏មានតម្លៃក្នុងការជួយមនុស្សឱ្យមានការប្រាស្រ័យទាក់ទងគ្នានៅក្នុងបរិស្ថាននៃភាពអនាមិក។

ប្រសិនបើអ្នកចង់រៀនទាំងអស់អំពីការការពារឯកជនភាព ឬរូបិយវត្ថុ cryptocurrency នោះ មាន dark web ជាច្រើន។ វាមានសេវាកម្មអ៊ីម៉ែលឯកជន និងកូដនីយកម្ម​ (encrypted) ជាច្រើន, ការណែនាំសម្រាប់ដំឡើងប្រព័ន្ធប្រតិបត្តិការអនាមិក, និងព័ត៌មានជំនួយកម្រិតខ្ពស់សម្រាប់ឯកជនភាពថែមទៀត។

មាននូវឯកសារជាច្រើនដែលអ្នកមិនគួរនឹងភ្ញាក់ផ្អើលនោះឡើយដែលអាចស្វែងរកបាននៅលើ public web ដូចជា links ទៅកាន់សៀវភៅ ឬព័ត៌មាននយោបាយចេញពីវេបសាយធំៗ។ អ្នក៏អាចធ្វើការពិភាក្សាជាលក្ខណៈអនាមិកអំពីស្ថានភាពព័ត៌មានប្រចាំថ្ងៃនៅក្នុង Intel Exchange ។ សូម្បីតែ Facebook  ក៏មាននៅក្នុង Dark Web ផងដែរ។

អាជ្ញាធរមានសមត្ថកិច្ចបានចូលទៅកាន់ dark web ដើម្បីស្វែងរកព័ត៌មានអំពីការលួយទិន្នន័យ ដែលអាចជាតម្រុយក្នុងការរកឃើញនូវជនល្មើស។ អង្គភាពសារព័ត៌មានធំៗបច្ចុប្បន្ននេះធ្វើការឃ្លាំមើលជាប្រចាំដើម្បីស្វែងយកព័ត៌មានថ្មីៗផងដែរ៕

ប្រភព៖ https://www.csoonline.com