ISAC Cambodia (InfoSec)
GeneralSecurity News

Twitter បញ្ជាក់ពីការវាយប្រហារពី តួអង្គដែលគាំទ្រដោយរដ្ឋ

តាមព័ត៌មានដែលបញ្ចេញដោយក្រុមហ៊ុន Twitter បានលាតត្រដាងពីការព្រួយបារម្ភអំពីបញ្ហាសុវត្ថិភាពដែលគួរឱ្យព្រួយបារម្ភពីឆ្នាំមុននេះ ដែលក្នុងនោះសង្ស័យថា “តួអង្គដែលឧបត្ថម្ភដោយរដ្ឋ (state-sponsored actors)” បានប្រើប្រាស់នូវមុខងារមួយរបស់ ​Twitter ដើម្បីភ្ជាប់អត្តសញ្ញាណពិតរបស់អ្នកប្រើប្រាស់ ទៅកាន់គណនីអនឡាញ។ នៅក្នុងឧទាហរណ៍នេះ វាត្រូវផ្គូរផ្គងនូវលេខទូរស័ព្ទជាច្រើន ជាមួយនឹង Twitter usernames ។

ក្រុមហ៊ុន Twitter បានរកឃើញការរំលោភបំពាននេះនៅថ្ងៃទី២៤ ខែធ្នូ ឆ្នាំ២០១៩ ពេលដែល “បណ្តាញណេតវើកនៃគណនីក្លែងក្លាយជាច្រើន” ត្រូវបានរកឃើញថា កំពុងតែស្រាវជ្រាវពីមុខងារ API មួយនេះ។ នៅក្នុងការបញ្ចេញព័ត៌មានឱ្យដឹងនៅថ្ងៃទី៣ ខែកុម្ភៈ កន្លងទៅនេះ ក្រុមហ៊ុនបានបញ្ជាក់ថា ខ្លួនបានរកឃើញ “បរិមាណដ៏ច្រើន” នៃសំណើបែបនេះពីអាស័យដ្ឋាន IP address នៅក្នុងប្រទេសអ៊ីរ៉ង់ អ៊ីស្រាអែល និងម៉ាឡេស៊ី ហើយនិយាយថាអាស័យដ្ឋាន IP​ address មួយចំនួនមានទំនាក់ទំនងទៅនឹងតួអង្គអាក្រក់ជាច្រើនដែលមានការសង្ស័យមានរដ្ឋនៅពីក្រោយនោះ។

គណនីអ្នកប្រើប្រាស់ដែលមិនបានដាក់ឱ្យដំណើរការនូវមុខងារនេះ ឬក៏មិនមានលេខទូរស័ព្ទភ្ជាប់ជាមួយនឹងគណនីរបស់ពួកគេ គឺមិនរងគ្រោះដោយសារបញ្ហានេះទេ។

Twitter ក៏បញ្ជាក់ផងដែរថា ក្រុមហ៊ុនបានរឹតបន្តឹងសន្តិសុខរបស់ខ្លួនដើម្បីការពារបញ្ហានេះដែលត្រូវបានប្រើប្រាស់ជាមុខងារ reverse look-up ។ មុខងាររបស់ Twitter នឹងលែងឆ្លើយតបជាឈ្មោះគណនីជាក់លាក់តទៅទៀតហើយ ជាមួយនឹងការឆ្លើយតបទៅនឹងសំណើបែបនេះ៕

ទាញយកកម្មវិធីសម្រាប់ទូរស័ព្ទស្មាតហ្វូន (AppleAndroid) ឬក៏ចូលរួមទៅក្នុងបន្ទប់ផ្តល់ព័ត៌មាន Telegram Channel សម្រាប់ទទួលបានព័ត៌មានចុងក្រោយស្តីអំពីសន្តិសុខអុិនធឺណិតទាំងក្នុង និងក្រៅប្រទេស៖ https://t.me/infosecisac

Download our iOS App or Android App or subscribe to our Telegram channel for the latest updates on the Cybersecurity Breaking News in both locally and internationally: https://t.me/infosecisac

Show More

Phannarith

Mr. OU Phannarith is one of the well-known cybersecurity experts in Cambodia and the region. He is the founder of the first leading information security website (www.secudemy.com) in Cambodia. He has been invited to present in global conferences, forums, and seminars and he was awarded in Information Security Leadership Achievements (ISLA) in 2016 by (ISC)2 and in December 2012 as one of the top 10 Chief Information Security Officers (CISO) in ASEAN by the International Data Group (IDG). Mr. OU has been the Professor specializing in Cybersecurity.

Related Articles

Back to top button