ISAC Cambodia (InfoSec)
GeneralSecurity News

ចោរបច្ចេកវិទ្យាហេគចូលម៉ាស៊ីនបោះពុម្ពចំនួន ៥០,០០០គ្រឿងទូទាំងពិភពលោក

ហេគឃ័រដែលមានឈ្មោះថា TheHackerGiraffe នៅក្នុងបណ្តាញសង្គម Twitter បានធ្វើការហេគចូលទៅកាន់ម៉ាស៊ីន Printers ចំនួន ៥០,០០០គ្រឿងនាពេលថ្មីៗនេះ។ ហេគឃ័រនោះ បានធ្វើការបោះពុម្ពខ្លឹមសារដែលគាំទ្រទៅដល់ PewDiePie ដែលជាតារាល្បីមួយរូបនៅក្នុងយូធូប (YouTube) ដើម្បីជំរុញឲ្យសាធារណជនចាប់ផ្តើមធ្វើការមើលនូវវិដេអូនៅក្នុង channel របស់គាត់។

TheHackerGiraffe មិនបានធ្វើការពន្យល់ច្រើនទៅលើវិធីសាស្រ្តក្នុងការវាយលុកចូលទៅកាន់ printers ទាំងនោះឡើយ។ អ្វីដែលគាត់ត្រូវការគឺគ្រាន់តែធ្វើការអាក់សេសចូលទៅកាន់វេបសាយ Shodan ជាមួយនឹងជំនាញខ្លះៗរបស់ហេគឃ័រ។

គាត់ធ្វើការរុករកព័ត៌មាននៅក្នុង Shodan ដើម្បីស្វែងរក ports ណាដែលបើក ហើយជាទូទៅប្រើប្រាស់ដោយ​ printers។ Shodan អាចអនុញ្ញាតឲ្យអ្នកប្រើប្រាស់ធ្វើការរុករកនូវរាល់ប្រភេទទាំងអស់នៃឧបករណ៍ដែលអាចភ្ជាប់ទៅកាន់អុិនធឺណិតបាន​ (Internet of Things)។ នៅក្នុងមជ្ឈដ្ឋានមួយដែលមានសុវត្ថិភាព ports អាចអនុញ្ញាតឲ្យមានការបោះពុម្ពឯកសារតែខាងក្នុងប៉ុណ្ណោះ មិនអាចធ្វើការបើកឲ្យមានការបោះពុម្ពពីអុិនធឺណិតឡើយ។ ប៉ុន្តែដោយសារតែមានការធ្វេសប្រហែស វាត្រូវបានបើកចំហរ ហើយដែលក្នុងករណីខាងលើគឺមាននូវ ៨០០,០០០ គ្រឿងទូទាំងពិភពលោកដែលត្រូវបានរកឃើញដោយហេគឃ័រខាងលើ។

ហេគឃ័រគ្រាន់តែធ្វើការជ្រើសយកនូវម៉ាស៊ីនចំនួន ៥០,០០០គ្រឿងប៉ុណ្ណោះដើម្បីធ្វើការសាកល្បងក្នុងការបោះពុម្ព ដោយការប្រើប្រាស់នូវ​កម្មវិធី Printer Exploitation Toolkit ឬ PRET។

ការវាយប្រហារខាងលើនេះគឺបញ្ជាក់ឲ្យយើងឃើញថា វាមាននូវ printers ជាច្រើនទៀតដែលត្រូវបានបើកទៅកាន់ឲ្យមានការភ្ជាប់មកពីអុិនធឺណិត ដែលអាចត្រូវប្រើប្រាស់ដើម្បីសកម្មភាពមិនសមរម្យ៕

https://twitter.com/HackerGiraffe/status/1068714506770149376

Show More

Phannarith

Mr. OU Phannarith is one of the well-known cybersecurity experts in Cambodia and the region. He is the founder of the first leading information security website (www.secudemy.com) in Cambodia. He has been invited to present in global conferences, forums, and seminars and he was awarded in Information Security Leadership Achievements (ISLA) in 2016 by (ISC)2 and in December 2012 as one of the top 10 Chief Information Security Officers (CISO) in ASEAN by the International Data Group (IDG). Mr. OU has been the Professor specializing in Cybersecurity.

Related Articles

Back to top button