ISAC Cambodia (InfoSec)
GeneralSecurity News

ហេគឃ័រកូរ៉េខាងជើង Lazarus វាយប្រហារធនាគារទីបួន ក្នុងប្រទេសហ្វីលីពីន

ការវាយប្រហារដែលមានគោលដៅទៅលើប្រព័ន្ធហិរញ្ញវត្ថុអន្តរជាតិ បានកើតឡើងទៅលើជនរងគ្រោះទី៤ គឺធនាគារនៅក្នុងប្រទេសហ្វីលីពីន។ ក្នុងពេលនេះ គឺយើងច្បាស់ណាស់ថា ប្រព័ន្ធហិរញ្ញវត្ថុពិភពលោកកំពុងស្ថិតនៅក្រោមការវាយប្រហារពីសំណាក់ក្រុមឧក្រិដ្ឋជនដែលមានសមត្ថភាពបច្ចេកទេសកម្រិតខ្ពស់ ហើយត្រូវបានគេ ស្គាល់ថា “Lazarus” ចាប់តាំងពីខតុលា ឆ្នាំ២០១៥ មកម្លេះ – នេះបើតាមរបាយការណ៍ថ្មីចុងក្រោយបំផុតមកពីក្រុមហ៊ុន Symantec ។

នៅក្នុងរយៈពេលប៉ុន្មានខែចុងក្រោយនេះ ក្រុមហេគឃ័រមាននូវលទ្ធភាពក្នុងការអាក់សេសចូលទៅកាន់ប្រព័ន្ធ SWIFT ដែលជាបណ្តាញទំនាក់ទំនង អន្តរធនាគារសកលសម្រាប់ធ្វើការដោះដូរ ប្រតិបត្តិការហិរញ្ញវត្ថុ។

ជាដំបូង យើងបានដឹងថា ហេគឃ័របានជ្រៀតចូលទៅកាន់ធនាគារកណ្តាលរបស់បង់ក្លាដេស ហើយលួចទឹកប្រាក់ប្រមាណជា ១០១លានដុល្លា ។ បន្ទាប់មកវាកាន់តែ ប្រាកដទៅទៀតនៅពេលដែលការវាយប្រហារស្រដៀងគ្នាេនះ ត្រូវបានកើតមានឡើងចំពោះធនាគារឯកជននៅក្នុង Ecuador និង Vietnam។ កាលពីថ្ងៃព្រហស្បតិ៍កន្លងទៅនេះ ក្រុមហ៊ុន Synamtec បានបញ្ចេញនូវរបាយការណ៍ថា ខ្លួនបានរកឃើញនូវភស្តុតាងដែលហេគឃ័រធ្វើការប្រើប្រាស់មេរោគកុំព្យូទ័រដូចគ្នា ក្នុងការចូលទៅកាន់ធនាគារ Philippines (Symantec មិនបង្ហាញនូវឈ្មោះធនាគារនោះទេ) ។

បើតាមលោក Eric Chien ដែលជានាយកបច្ចេកទេសនៃ Symantec Security Response បានឲ្យដឹងថា ហេគឃ័របានធ្វើការវាយប្រហារទៅលើកុំព្យូទ័រមួយចំនួននៅក្នុងធនាគារ។ ប៉ុន្តែលោកនៅមិនទាន់ប្រាកដថា តើហេគឃ័រទាំងនោះជ្រៀតចូលតាមវិធីសាស្ត្រណា នៅឡើយទេ ។

អ្នកស្រាវជ្រាមកពី Symantec បាននិយាយថា ការវាយប្រហារទៅលើធនាគារហ្វីលីពីនបានកើតឡើងក្នុងខែតុលា (ពីរខែមុនពេលមានការវាយប្រហារទៅលើ ធនាគារវៀតណាម Tien Phong) ។ អ្នកស្រាវជ្រាវបានធ្វើការវិភាគយ៉ាងល្អិតល្អន់នូវមេរោគដែលត្រូវបានប្រើប្រាស់វាយប្រហារទៅលើធនាគារហ្វីលីពីន ហើយបានរកឃើញនូវកូដដ៏ស្មុគស្មាញ ដូចគ្នាទៅនឹងកូដដែលវាយប្រហារទៅលើធនាគារបង់ក្លាដេសដូច្នេះដែរ។ កូដទាំងនេះត្រូវបានគេរកឃើញដាន នៅលើក្រុមមួយ ដែលមានឈ្មោះថា “Lazarus” ។ វាមិនទាន់មានភាពប្រាកដប្រជាថាតើក្រុមហេគឃ័រទាំងនោះជានរណានោះទេ ប៉ុន្តែនេះគឺជាពន្លឺ។

ក្រុម “Lazarus” បានវាយប្រហារទៅលើរដ្ឋាភិបាលអាមេរិក និងកូរ៉េខាងត្បូង, វេបសាយហិរញ្ញវត្ថុ និងសារព័ត៌មានក្នុងឆ្នាំ២០០៩ ។ ក្រុមហ៊ុន Novetta បានបង្កើតនូវឯកសារមួយដ៏ល្អ អំពីវិធីសាស្ត្រដែលក្រុម “Lazarus” បានវាយប្រហារទៅលើ Sony Pictures ក្នុងឆ្នាំ២០១៤ លួចយកទិន្នន័យ និងបំផ្លាញកុំព្យូទ័រ ។

រដ្ឋាភិបាលអាមេរិកបានធ្វើការស្តីបន្ទោសទៅលើរដ្ឋាភិបាលយោធារបស់កូរ៉េខាងជើង។ នេះជាលើកទីពីរ ដែលមានក្រុមហ៊ុនដ៏ល្បីឈ្មោះគឺ Symantec បានធ្វើការ ភ្ជាប់ការវាយប្រហាររបស់ធនាគារ ទៅនឹងការវាយប្រហារក្រុមហ៊ុន Sony ។ កាលពីពីរសប្តាហ៍មុន ក្រុមហ៊ុន BAE systems ក៏បាននិយាយយ៉ាងដូច្នេះដែរ ។

ក្នុងពេលនេះ ការព្រួយបារម្ភកំពុងតែរីករាលដាលអំពីភាពងាយស្រួលក្នុងការហេគចូលទៅកាន់ប្រព័ន្ធហិរញ្ញវត្ថុសកល ។ ក្នុងសប្តាហ៍នេះ SWIFT CEO Gottfried Leibbrandt បានទទួលស្គាល់ថា ហេគឃ័រកំពុងតែឈរ នៅក្នុងទីតាំងមួយក្នុងការធ្វើឲ្យធនាគារមិនដំណើរការ។

កាលពីសប្តាហ៍កន្លងទៅនេះផងដែរ MasterCard CEO Ajay Banga  បានសំដែងនូវស្តីបារម្ភអំពីចំនុចខ្សោយនៅក្នុងវិស័យហិរញ្ញវត្ថុ នោះគឺធនាគារតូចៗ រីឯធនាគារធំៗធ្វើការចាយរាប់លានដុល្លាក្នុងការការពារបណ្តាញរបស់ពួកគេ ។ ដោយសារតែការតភ្ជាប់គ្នាសម្រាប់ដំណើរការសម្របសម្រួលប្រតិបត្តិការហិរញ្ញវត្ថុពិភពលោក គឺមានន័យថាហេគឃ័រអាចធ្វើការហេគចូលទៅក្នុងធនាគារតូចៗ ដើម្បីបន្លំទាញនូវលុយចេញពីធនគារធំៗ ។ ដែលនេះជាឧទាហរណ៍មួយដែលហេគឃ័រ អាចធ្វើការទាញនូវលុយប្រមាណ ១០១លានដុល្លាចេញពីគណនីធនាគារបង់ក្លាដេសនៅឯ New York Federal Reserve បានដោយងាយ៕

ប្រភព៖ CNN Money / ប្រែសម្រួលដោយ៖ SecuDemy.com

Show More

Phannarith

Mr. OU Phannarith is one of the well-known cybersecurity experts in Cambodia and the region. He is the founder of the first leading information security website (www.secudemy.com) in Cambodia. He has been invited to present in global conferences, forums, and seminars and he was awarded in Information Security Leadership Achievements (ISLA) in 2016 by (ISC)2 and in December 2012 as one of the top 10 Chief Information Security Officers (CISO) in ASEAN by the International Data Group (IDG). Mr. OU has been the Professor specializing in Cybersecurity.

Related Articles

Back to top button