អ្នកស្រាវជ្រាវផ្នែកសន្តិសុខបានរកឃើញនូវមេរោគ Android Torjan ថ្មីមួយ ដែលធ្វើឲ្យប្រើប្រាស់ (ជនរងគ្រោះ) ជឿជាក់ថាពួកគេបានបិទទូរស័ព្ទរបស់ខ្លួនទៅហើយ តែតាមការពិតវានៅតែធ្វើ ចាររកម្ម (spy) នៅលើសកម្មភាពរបស់អ្នកប្រើប្រាស់ពីក្រោយខ្នង (background)។
មេរោគថ្មីមួយដែលត្រូវបានរកឃើញនោះមានឈ្មោះថា PowerOffHijack ដែលត្រូវបានរកឃើញដោយអ្នកស្រាវជ្រាវសន្តិសុខមកពីក្រុមហ៊ុន AVG Antiviurs។ PowerOffHijack មាននូវមុខងារមួយជាក់លាក់របស់ខ្លួន គឺថាវាធ្វើការជ្រៀតជ្រែក (hijacks) ទៅលើដំណើរការនៃការបិទ (shutdown process) នៃទូរសព័្ទរបស់អ្នកប្រើប្រាស់។
មេរោគដំណើរការបន្ទាប់ពីបិទទូរស័ព្ទ
នៅពេលដែលអ្នកប្រើប្រាស់ចុចទៅលើប៉ូតុងបិទនៅលើឧបករណ៍របស់ខ្លួន ផ្ទាំងក្លែងក្លាយមួយនឹងបង្ហាញឡើង។ មេរោគគឺវាបន្លំធ្វើឲ្យដូចជាផ្ទាំង shutdown ហើយឧបករណ៍របស់អ្នកមើលទៅដូចជាបិទអញ្ចឹង ប៉ុន្តែតាមការពិតវានៅតែដំណើរការ ដែលផ្តល់នូវសេរីភាពដល់មេរោគ ដើម្បីធ្វើការនៅលើឧបករណ៍របស់អ្នក ហើយលួចយកទិន្នន័យ។
អ្នកប្រើប្រាស់ និងជំនាន់នៃ Android ដែលទទួលរងផលប៉ៈពាល់
យោងទៅតាមក្រុមហ៊ុន AVG បានឲ្យដឹងថា PowerOffHijack ឆ្លងទៅលើឧបករណ៍ដែលដំណើរការ ជំនាន់ទី៥.០ ចុះក្រោម ហើយត្រូវការនូវ root access ដើម្បីដំណើការការងារទាំងឡាយ។ រហូតមកដល់ពេលនេះ មេរោគ PowerOffHijack នេះបានចំលងទៅកាន់ឧបករណ៍បានប្រមាណជា ១០,០០០ គ្រឿង ដែលភាគច្រើនគឺនៅចិន ដែលជាទីតាំងដើមការនៃមេរោគ។
PowerOffHijack មានសមត្ថភាពធ្វើការបញ្ចូនដោយស្ងាត់ៗនូវសារ premium-rate ធ្វើការហៅចេញទៅកាន់បរទេស ថតរូប និងធ្វើកាងារជាច្រើនទៀត ទោះបីជាទូរស័ព្ទត្រូវបានសន្មតថាបានបិទរួចហើយក៍ដោយ។
ជំហានងាយស្រួលដើម្បីជៀសផុតពីមេរោគ PowerOffHijack
ដើម្បីជៀសផុតពីមេរោគ PowerOffHijack នេះ អ្នកប្រើប្រាស់ត្រូវបានណែនាំឲ្យធ្វើតាមជំហានងាយស្រួល ដោយគ្រាន់តែដកថ្មទូរស័ព្ទរបស់អ្នកចេញ ទៅជាការស្រេច (បើអាចធ្វើទៅបាន)។
ព័ត៌មានបន្ថែម៖
http://now.avg.com/malware-is-still-spying-on-you-after-your-mobile-is-off/
