កាលពីថ្ងៃទី៣១ ខែធ្នូ ឆ្នាំ២០២១ កន្លងទៅនេះ រាជរដ្ឋាភិបាលកម្ពុជា បានចេញអនុក្រឹត្យស្តីពី “ការគ្រប់គ្រងនិងការប្រើប្រាស់ឈ្មោះដែនជាតិនៅក្នុងប្រព័ន្ធអ៊ីនធឺណិត” ដែលត្រូវបានរៀបចំដោយក្រសួងប្រៃសណីយ៍និងទូរគមនាគមន៍ និងក្រសួងពាណិជ្ជកម្ម។
បើតាមមាត្រា១ បានចែងថា “អនុក្រឹត្យនេះកំណត់អំពីគោលការណ៍ វិធាន យន្តការនៃការគ្រប់គ្រងនិងការប្រើប្រាស់ឈ្មោះដនជាតិ ដើម្បីលើកកម្ពស់អត្តសញ្ញាណ តម្លៃ និងអត្ថិភាពនៃដែនជាតិនៅក្នុងប្រព័ន្ធអ៊ីនធឺណិត ព្រមទាំងជំរុញការ ប្រើប្រាស់ឈ្មោះដែនជាតិក្នុងការចូលរួមផ្តល់សេវាសាធារណៈដោយគ្មានការរើសអើងនិងប្រកបដោយតម្លាភាព។”
នៅក្នុងអនុក្រឹត្យនេះក៏បានពន្យល់យ៉ាងច្បាស់ផងដែរ ទៅលើពាក្យថា ឈ្មោះដែន និង ឈ្មោះដែនជាតិ ដូចខាងក្រោម៖
នាពេលខាងមុខ អ្នកដែលចង់ធ្វើការស្នើសុំដែនជាតិ បុគ្គលដែលមានបំណងប្រើប្រាស់ឈ្មោះដែនជាតិ អាចដាក់ពាក្យស្នើសុំទៅកាន់ និយ័តករទូរគមនាគមន៍កម្ពុជា (ន.ទ.ក.) ដោយផ្ទាល់តាមប្រព័ន្ធស្វ័យប្រវត្តិកម្ម ឬតាមរយៈភ្នាក់ងារចុះឈ្មោះដែនជាតិ។ ន.ទ.ក. ត្រូវពិនិត្យសម្រេចលើសំណើសុំចុះឈ្មោះដែនជាតិក្នុងរយៈពេលយ៉ាងយូរ ០៣ថ្ងៃនៃថ្ងៃធ្វើការ បន្ទាប់ពីថ្ងៃបុគ្គលស្នើសុំបានបំពេញព័ត៌មានត្រឹមត្រូវ និងផ្តល់ឯកសារគ្រប់គ្រាន់ – នេះបើតាមមាត្រា៩ នៃអនុក្រឹត្យ។
សម្រាប់អ្នកចង់ធ្វើការស្វែងយល់លំអិតអំពីអនុក្រឹត្យនេះ អាចធ្វើការទាញយកឯកសារដូចខាងក្រោម៖
