GeneralSecurity News

ជប៉ុននឹងហេគចូលគោលដៅឧបករណ៍ IoT រាប់លានគ្រឿងដើម្បីជួយពង្រឹងសន្តិសុខអ៊ិនធឺណិតក្នុងការប្រកួតកីឡាអូឡាំពិក

ជាមួយនឹងព្រឹត្តិការណ៍ការប្រកួតកីឡាអូឡាំពិកក្រុងតូក្យូ (Tokyo Olympic Games) ឆ្នាំ 2020 ដែលនៅសល់រយៈពេលតែមួយឆ្នាំទៀតប៉ុណ្ណោះ ប្រទេសជប៉ុនគឺមិនបន្សល់ទុកអ្វីមួយឱ្យក្លាយជាឱកាសនោះទេ។ កាលពីសប្តាហ៍មុន ប្រទេសនេះអនុម័តច្បាប់មួយដែលនឹងអនុញ្ញាតឱ្យរដ្ឋាភិបាលធ្វើការហេគចូលឧបករណ៍ IoT ដែលគ្មានសុវត្ថិភាពជាច្រើន ដើម្បីស្ទង់មើលនូវចំនួនឧបករណ៍ដែលងាយស្រួលអាចហេគចូលបានដែលកំពុងតែមានប្រើប្រាស់នៅក្នុងប្រទេសនេះ។

ការស្ទង់មតិនេះនឹងត្រូវធ្វើឡើងដោយបុគ្គលិកជាច្រើនរូបនៃវិទ្យាស្ថានជាតិព័ត៌មានបច្ចេកវិទ្យា និងទំនាក់ទំនង (NICT) ដែលត្រូវត្រួតពិនិត្យដោយបុគ្គលិកនៃក្រសួងកិច្ចការផ្ទៃក្នុង និងទំនាក់ទំនងផងដែរ។

ដោយសារតែហេតុផលឯកជនភាពនោះ ការស្ទង់មតិនេះកំពុងត្រូវបានអនុវត្តនៅក្រោមច្បាប់ដ៏តឹងរឹងនៃអ្នកដែលធ្វើការចូលរួម។ កុំគិតថាហេគឃ័ររបស់រដ្ឋាភិបាលប្រទេសជប៉ុន ប្រើប្រាស់បច្ចេកទេស Metasploit និងវាយលុកចូលទៅលើ RCE ដើម្បីអាចចូលដំណើរការបាន។ ការពិតគឺបុគ្គលិក NICT ត្រូវបានអនុញ្ញាតឱ្យហេគ ដោយប្រើប្រាស់តែឈ្មោះនិងពាក្យសម្ងាត់ដែលមានភ្ជាប់មកជាមួយឧបករណ៍ (default) និងវិធីសាស្ត្រ Dictionary Password attack តែប៉ុណ្ណោះ ។

លោក Gavin Millard ជាអនុប្រធានភ្នាក់ងារស៊ើបការណ៍សម្ងាត់នៅក្រុមហ៊ុន Tenable និយាយថា “ជាជាងការហេគត្រឡប់មកវិញនោះ វាហាក់ដូចជា NICT នឹងជូនដំណឹងដល់អ្នកប្រើប្រាស់នៃឧបករណ៍ ដែលប្រើប្រាស់ពាក្យសម្ងាត់សាមញ្ញ។ ការស្វែងរកមួយនៅលើ Shodan បានរកឃើញ មានឧបករណ៍ប្រមាណជា 1000គ្រឿង ក្នុងពេលបច្ចុប្បន្ននេះបានតភ្ជាប់នៅក្នុងប្រទេសជប៉ុនជាមួយនឹងពាក្យសម្ងាត់ដែលអាចទាយបានយ៉ាងងាយស្រួល ដូច្នេះលុះត្រាតែពួកគេនឹងប្រើប្រាស់ឧបករណ៍ស្កេនកាន់តែស៊ីជម្រៅដូចជា Nessus វានឹងមានលទ្ធផលច្រើនជាង។

ការស្ទង់មតិនេះគ្រោងនឹងប្រព្រឹត្តទៅនៅខែក្រោយនេះជាមួយនឹងគោលដៅចុងក្រោយនៃការកត់ត្រាឧបករណ៍ IoT ជាង 200 លានគ្រឿង។ NICT គ្រោងនឹងចាប់ផ្តើមជាមួយឧបករណ៍ Router និងកាមេរ៉ាបណ្តាញ ដែលធ្វើឱ្យយល់បានចំពោះការរីកសាយភាយនៃឧបករណ៍ទាំងនេះ និងភាពញឹកញាប់ដែលពួកគេកំពុងត្រូវរងការជ្រៀតចូលនោះ។

នៅពេលដែលរដ្ឋាភិបាលកំណត់អត្តសញ្ញាណទៅលើឧបករណ៍ជាច្រើនដែលគ្មានសុវត្ថិភាពនោះ វានឹងបញ្ជូនព័ត៌មានលម្អិតទៅកាន់ ISPs និងអាជ្ញាធរមូលដ្ឋានដែលអាចប្រាប់ដល់អ្នកប្រើប្រាស់ជាច្រើនបាន។

យោងទៅតាមរបាយការណ៍របស់ក្រសួងកិច្ចការផ្ទៃក្នុង និងទំនាក់ទំនងរបស់ជប៉ុនបានឲ្យដឹងថា ការវាយលុកនោះគឺមានគោលដៅទៅលើឧបករណ៍ IoTs ដែលពីរភាគបីគឺប្រើប្រាស់ក្នុងការវាយប្រហារក្នុងឆ្នាំ២០១៦។

ប្រទេសជប៉ុនគួរតែត្រូវគេកោតសរសើរចំពោះការកំណត់អត្តសញ្ញាណនៃការគំរាមកំហែងដែលបង្កឡើងដោយឧបករណ៍ IoT ទាំងនេះ ។ ពួកហេគឃ័រអាចជ្រៀតចូលឧបករណ៍ឆ្លាតវៃជាច្រើនដោយជោគជ័យ នេះគឺដោយសារតែឧបករណ៍ជាច្រើននោះប្រើប្រាស់នូវ default settings ដែលមិនមានសុវត្ថិភាព និងកម្រទទួលបានការធ្វើបច្ចុប្បន្នភាពសុវត្ថិភាព និង Patches ។

ឧបករណ៍ IoT ទាំងធំ និងតូចគឺត្រូវគ្រប់គ្រងដោយពួកហេគឃ័រជាទៀងទាត់ និងត្រូវប្រើប្រាស់ដើម្បីវាយប្រហារជាមួយនឹង (DDoS) ។ តើអ្នកនៅចងចាំទេ នៅពេលនរណាម្នាក់បង្កើត Botnet ដែលមានស្ទើរតែទាំងស្រុងនៃឧបករណ៍ Routers របស់ហេគឃ័រ ហើយប្រើប្រាស់វាដើម្បីកាត់បន្ថយអ៊ីនធឺណិតដល់ទៅពាក់កណ្ដាលនោះ? វាគឺជាពេលដ៏ល្អណាស់៕

Show More

Phannarith

Mr. OU Phannarith is one of the well-known cybersecurity experts in Cambodia and the region. He is the founder of the first leading information security website (www.secudemy.com) in Cambodia. He has been invited to present in global conferences, forums, and seminars and he was awarded in Information Security Leadership Achievements (ISLA) in 2016 by (ISC)2 and in December 2012 as one of the top 10 Chief Information Security Officers (CISO) in ASEAN by the International Data Group (IDG). Mr. OU has been the Professor specializing in Cybersecurity.

Related Articles

Back to top button