បញ្ហាសន្តិសុខព័ត៌មាន គឺបានក្លាយទៅជាប្រធានបទមួយដ៏គួរចាប់អារម្មណ៍ក្នុងចំណោមអ្នកប្រើប្រាស់អិុនធឺណិតក្នុងពេលបច្ចុប្បន្ននេះ ហើយហេគឃ័រគឺជាផ្នែកមួយ នៃការពិភាក្សាផងដែរ។ គ្រប់ផ្នែកទាំងអស់នៃបញ្ហាសន្តិសុខព័ត៌មាន ត្រូវបានេគជឿជាក់ថា ហេគឃ័រគឺជាអ្នកវាយប្រហារ (exploit) ទៅលើចំនុចខ្សោយរបស់ ប្រព័ន្ធដើម្បីចូលទៅកាន់កាប់ប្រព័ន្ធកុំព្យូទ័រ។ ក្នុងពេលដែលមនុស្សជាច្រើនមានការភាន់ច្រលំរវាងពាក្យថាហេគឃ័រ (hackers) និងឧក្រិដ្ឋជនអិុនធឺណិត (cyer-criminals) ក៏មានមនុស្សជាច្រើនចង់ដឹងបន្ថែមទៀតអំពីហេគឃ័រ ហើយតើធ្វើដូចម្តេចដើម្បីក្លាយទៅជាហេគឃ័រ។
តើអ្នកកំពុងតែគិតថាចាប់ផ្តើមអាជីពការងារហេគឃីង (hacking) ដែរឬទេ? មានចំនុចមួយចំនួនដែលអ្នកគួរតែគិតគូរពិចារណាដើម្បីឲ្យជឿជាក់ថា ហេគឃីងគឺជាការងារសាកសមសម្រាប់អ្នក។
មានការយល់ច្រលំដ៏ធំនៅក្នុងចំណោមមនុស្សជាច្រើន នៅពេលដែលនិយាយទៅដល់ ឧក្រិដ្ឋជនអិុនធឺណិត (cyber criminal), ហេគឃ័រ (hacker), ហេគឃ័រមានក្របសីលធម៌ (ehtical hacker), ហេគឃ័រមួកខ្មៅ (black hat hacker), ហេគឃ័រមួកស (white hat hacker) និងមានច្រើនជាងនេះទៀត ។ នៅពេលនេះ យើងនឹងនិយាយទៅដល់ ហេគឃ័រមានក្របសីលធម៌ ជាមួយនឹងរូបភាពបន្ថែមខាងក្រោម។
តើអី្វទៅដែលហៅថា ហេគឃ័រដែលមានក្រមសីលធម៌?
ហេគឃ័រដែលមានក្រមសីលធម៌ គឺធ្វើការហេគឃីងដើម្បីជួយទៅដល់បុគ្គល ឬក្រុមហ៊ុនក្នុងការស្វែងរកនូវហានិភ័យនានា។ ពួកគេគឺជាមនុស្សល្អ ហើយពេលខ្លះត្រូវបានគេហៅថា ហេគឃ័រមួកស (white hats)។ ពួកគេធ្វើការដើម្បីជួយធ្វើឲ្យប្រសើរឡើងនូវសន្តិសុខអ៊ិនធឺណិតទាំងមូល ដោយធ្វើការស្វែងរកនូវចំនុចខ្សោយ ដែលអាចត្រូវបានវាយប្រហារដោយ ហេគឃ័រមួកខ្មៅ (black hats)។
ខាងក្រោមនេះគឺជាលក្ខណៈមួយចំនួនដែល ហេគឃ័រមានក្រមសីលធម៌ត្រូវបានប្រកាន់ខ្ជាប់នៅក្នុងខ្លួន។ វាប្រៀបបីដូចជាគោលការណ៍ណែនាំ ដែលពួកគាត់ត្រូវតែគោរពតាម៖
- គោរពឯកជនភាពរបស់បុគ្គល ឬក្រុមហ៊ុន
- មាននូវការអនុញ្ញាត (ជាលាយល័ក្ខអក្សរ) ដើម្បីធ្វើការវាយប្រហារចូលទៅកាន់បណ្តាញ ហើយស្វែងរកនូវចំនុចខ្សោយ
- បន្ទាប់ពីរកឃើញនូវចំនុចខ្សោយទាំងនោះ អ្នកត្រូវប្រាប់ទៅដល់ម្ចាស់ក្រុមហ៊ុន
- បន្ទាប់ពីបញ្ចប់ការងារ អ្នកមិនត្រូវធ្វើការវាយប្រហារណាមួយឡើយបន្ទាប់ពីនោះ
- មិនត្រូវប្រើប្រាស់នូវសិទ្ធិដែលបានអនុញ្ញាតឲ្យបានលើសពីព្រំដែនរបស់អ្នកឡើយ
ខាងក្រោមនេះគឺជាផ្ទាំងដែលរចនាដោយ Schools.com ដែលបង្ហាញបានយ៉ាងល្អអំពីទិសដៅអាជីពការងារ។ សម្រាប់អ្នកដែលចង់ជ្រើសរើសយកការងារជា ហេគឃ័រមានក្របសីលធម៌ “អ្នកអាចចាប់ផ្តើមដោយក្លាយខ្លួនជា អ្នកវិភាគសន្តិសុខព័ត៌មាន” ឬជា “អ្នកសរសេរកម្មវិធីកុំព្យូទ័រ” ជាមុនសិន។
ប្រភពពី៖ Schools.com