កម្មវិធីរុករកវេបសាយ (Browser) DuckDuckGo បានហើយ Google ថាជាអ្នកធ្វើការចារកិច្ច (spying) ទៅលើអ្នកប្រើប្រាស់របស់ខ្លួនបន្ទាប់ពីក្រុមហ៊ុន Google បានបញ្ចេញព័ត៌មានអំពីប្រភេទនៃទិន្នន័យដែលខ្លួនបានប្រមូលក្នុងគោលបំណងផ្សព្វផ្សាយពាណិជ្ជកម្ម និងការធ្វើបដិរូបកម្ម (personlization) នៅលើ Google Chrome និង Google app។
បើតាមគណនី Twitter របស់ DuckDuckGo បានសរសេរថា “ការចារកិច្ចទៅលើអ្នកប្រើប្រាស់មិនពាក់ព័ន្ធទៅនឹងការបង្កើតនូវ web browser ឬវេបសាយរុករកព័ត៌មាន search engine នោះទេ។”
សូមបញ្ជាក់ផងដែរថា DuckDuckGo គឺជាកម្មវិធី browser សម្រាប់ចូលទៅកាន់វេបសាយនានា ដូចគ្នាទៅនឹង Chrome, Firefox និង Safari ដូច្នេះដែរ ក៏ប៉ុន្តែ DuckDuckGo បានតាំងខ្លួនឯងថា គឺជាប្រភេទកម្មវិធីដែលគិតគូរទៅលើឯកជនភាពរបស់អ្នកប្រើប្រាស់ ជាសំខាន់ ដោយមិនធ្វើការប្រមូលព័ត៌មាន ឬទិន្នន័យពីអ្នកប្រើប្រាស់ឡើយ៕
Join us on Telegram: https://t.me/infosecisac
