ISAC Cambodia (InfoSec)
GeneralSecurity NewsVulnerability

កំហុសឆ្គងទៅលើប្រព័ន្ធកក់សំបុត្រយន្តហោះធ្វើអោយប៉ះពាល់ដល់អតិថិជនជាច្រើនលាននាក់

ស្ទើរតែពាក់កណ្តាលនៃអ្នកធ្វើដំណើរទាំងអស់នៅជុំវិញពិភពលោកត្រូវគេរកឃើញថាមានភាពងាយរងគ្រោះផ្នែកសន្តិសុខយ៉ាងធ្ងន់ធ្ងរនៅក្នុងប្រព័ន្ធកក់សំបុត្រហោះតាមអនឡាញដែលអនុញ្ញាតឱ្យពួកហេគឃ័រពីចម្ងាយអាចចូល និងកែប្រែព័ត៌មានលំអិតនៃការធ្វើដំណើររបស់ពួកគេ ហើយថែមទាំងកែសម្រួលទៅលើទិន្នន័យ Frequent Flyer Miles ផងដែរ។​

អ្នកស្រាវជ្រាវសន្តិសុខអ៊ីស្រាអ៊ែលលោក Noam Rotem រកឃើញភាពងាយរងគ្រោះនេះនៅពេលគាត់កក់ជើងហោះហើរពីក្រុមហ៊ុនអាកាសចរណ៍អ៊ីស្រាអ៊ែល ELAL ហើយចំណុចរងគ្រោះនេះគឺទាមទារតែលេខឈ្មោះអ្នកដំណើរ PNR (Passenger Name Record) របស់ជនរងគ្រោះតែប៉ុណ្ណោះ។

ភាពងាយរងគ្រោះនេះមាននៅក្នុងប្រព័ន្ធកក់សំបុត្រតាមអ៊ីនធឺណិតដែលត្រូវប្រើប្រាស់យ៉ាងទូលំទូលាយក្រោមការអភិវឌ្ឍរបស់ Amadeus ដែលបច្ចុប្បន្នកំពុងត្រូវបានប្រើប្រាស់ដោយក្រុមហ៊ុនអាកាសចរណ៍អន្តរជាតិចំនួន 141 ដែលរួមមាន ក្រុមហ៊ុន United Airlines, Lufthansa និង Air Canada ។

បន្ទាប់ពីកក់ជើងហោះហើរជាមួយ ELAL អ្នកដំណើរទទួលបានលេខ PNR និងបញ្ជប់​ (link) ពិសេសមួយដែលអនុញ្ញាតឱ្យអតិថិជនពិនិត្យមើលស្ថានភាពនៃការកក់សំបុត្រ និងព័ត៌មានដែលពាក់ព័ន្ធនឹង PNR នោះ។

លោក Rotem រកឃើញថា គ្រាន់តែផ្លាស់ប្តូរតម្លៃនៃប៉ារ៉ាម៉ែត្រ “RULE_SOURCE_1_ID” នៅលើតំណភ្ជាប់ទៅកាន់លេខ PNR របស់នរណាម្នាក់ វានឹងបង្ហាញព័ត៌មានដែលទាក់ទងនឹងការកក់ទុកពីគណនីដែលមានទំនាក់ទំនងជាមួយអតិថិជននោះ។

ដោយប្រើប្រាស់ព័ត៌មានដែលបានបង្ហាញនេះ មានដូចជា លេខ ID នៃការកក់សំបុត្រ និងឈ្មោះត្រកូលរបស់អតិថិជន អ្នកវាយប្រហារអាចចូលមើលគណនីរបស់ជនរងគ្រោះនៅលើវេបសាយបម្រើសេវាអតិថិជន ELAL និង “ធ្វើការផ្លាស់ប្តូរ ព្រមទាំងកែប្រែព័ត៌មាន Frequent Flyer Miler, ការកំណត់កន្លែងអង្គុយ និងអាហារ និងធ្វើបច្ចុប្បន្នភាពអ៊ីម៉ែលរបស់អតិថិជន និងលេខទូរស័ព្ទថែមទៀត បន្ទាប់មកក៏អាចប្រើប្រាស់ព័ត៌មានទាំងនេះដើម្បីធ្វើការបោះបង់ / ផ្លាស់ប្តូរការកក់ជើងហោះហើរតាមរយៈសេវាកម្មអតិថិជនផងដែរ។”

លោក Rotem ក៏រកឃើញផងដែរថា វេបសាយ Amadeus មិនប្រើការការពារប្រឆាំងទៅនឹង bruteforce ទាល់តែសោះ ដែលអនុញ្ញាតឱ្យអ្នកវាយប្រហារធ្វើការព្យាយាមវាយលុកតាមរយៈបច្ចេកទេស​ brutefoce (អក្សរធំ អក្សរតូច លេខ និមិ្មតសញ្ញា) ដោយប្រើប្រាស់ script ដើម្បីរកលេខ PNR ដែលកំពុងតែដំណើរការទាំងអស់របស់អតិថិជននៃគេហទំព័រទាំងឡាយណាដែលពាក់ព័ន្ធទៅនឹងវេបសាយទាំងឡាយណាដែលប្រើប្រាស់ Amadeus ។

អ្នកអាចមើលឃើញការបង្ហាញវីដេអូដែលផ្តល់ដោយអ្នកស្រាវជ្រាវដើម្បីដឹងពីរបៀបដែល script សាមញ្ញដែលគាត់បានទាយពីលេខ PNR និងអាចរកឃើញចំនួនអ្នកដំណើរការរបស់ Amadeus ។

ចាប់តាំងពីប្រព័ន្ធកក់កន្លែងរបស់ Amadeus ត្រូវប្រើប្រាស់យ៉ាងហោចណាស់សម្រាប់ក្រុមហ៊ុនអាកាសចរណ៍ចំនួន 141 ក្រុមហ៊ុននោះ ភាពងាយរងគ្រោះអាចប៉ះពាល់ដល់អ្នកធ្វើដំណើររាប់លាននាក់ផងដែរ។

បន្ទាប់ពីរកឃើញភាពងាយរងគ្រោះនេះ លោក Rotem ទាក់ទងទៅកាន់ ELAL ភ្លាមៗដើម្បីចង្អុលបង្ហាញអំពីការគំរាមកំហែង និងស្នើឱ្យក្រុមហ៊ុនអាកាសចរណ៍នេះប្រើប្រាស់បច្ចេកទេស captchas, ពាក្យសម្ងាត់ passwords និងយន្តការបង្ការ Bot ដើម្បីទប់ស្កាត់ការប៉ុនប៉ងការវាយប្រហារ brute-force attempts នេះ។

ឥឡូវនេះ Amadeus ធ្វើការជួសជុលបញ្ហានេះ ហើយ script របស់លោក Rotem មិនអាចកំណត់ទៅលើលេខ PNRs ដែលកំពុងដំណើរការ ដូចដែលបានបង្ហាញនៅក្នុងវីដេអូខាងលើនោះទេ។

នៅពេលទាក់ទងទៅកាន់ក្រុមហ៊ុន Amadeus ក្រុមហ៊ុននេះឆ្លើយតបថា “នៅ Amadeus យើងផ្តល់អាទិភាពខ្ពស់បំផុតដល់សន្តិសុខ និងការតាមដាន និងការធ្វើបច្ចុប្បន្នភាពប្រព័ន្ធរបស់យើង។ ក្រុមបច្ចេកទេសរបស់យើងចាត់វិធានការជាបន្ទាន់ហើយឥឡូវនេះយើងអាចបញ្ជាក់ថាបញ្ហានេះត្រូវបានដោះស្រាយហើយ” ។ Amadeus បន្ថែមទៀតថា ក្រុមហ៊ុននេះបន្ថែមនូវ Recovery PTR ដើម្បីពង្រឹងសន្តិសុខបន្ថែមទៀត និងការរារាំងអ្នកប្រើប្រាស់ដែលរងគ្រោះពីការចូលទៅកាន់ព័ត៌មានផ្ទាល់ខ្លួនរបស់ពួកគេ៕

Show More

Phannarith

Mr. OU Phannarith is one of the well-known cybersecurity experts in Cambodia and the region. He is the founder of the first leading information security website (www.secudemy.com) in Cambodia. He has been invited to present in global conferences, forums, and seminars and he was awarded in Information Security Leadership Achievements (ISLA) in 2016 by (ISC)2 and in December 2012 as one of the top 10 Chief Information Security Officers (CISO) in ASEAN by the International Data Group (IDG). Mr. OU has been the Professor specializing in Cybersecurity.

Related Articles

Back to top button