GeneralSecurity News

ក្រុមហ៊ុនហ្គេម ​EA ត្រូវបានហេគ កូដបង្កើតហ្គេមត្រូវបានលួច

ISAC Cambodia (InfoSec)

ហេគឃ័របានលួចព័ត៌មានដ៏មានតម្លៃរបស់ក្រុមហ៊ុនហ្គេមដ៏ល្បីល្បាញមួយ គឺ Electronic Arts (EA)។ អ្នកវាយប្រហារបានធ្វើការអៈអាងថា បានដោនឡូតនូវ source code ហេ្គមរបស់ក្រុមហ៊ុន មានដូចជា FIFA21 និងប្រព័ន្ធ Frostbite ដែលប្រើប្រាស់ជា game engine សម្រាប់ហេ្គមល្បីៗជាច្រើនទៀត។

ព័ត៌មានអំពីការហេគនេះ ត្រូវបានរាយការណ៍ដំបូងដោយវេបសាយ ​Vice ដែលបាននិយាយថា ទិន្នន័យទំហំ 780GB ត្រូវបានលួចដោយជោគជ័យ ដែលក្នុងនោះមាន source code និងសុសវែរមួយចំនួនត្រូវបានលួច។ ក្រុមហ៊ុន ​EA បាននិយាយថា មិនមានទិន្នន័យពាក់ព័ន្ធទៅនឹងអ្នកលេងហ្គេមត្រូវបានលួចឡើយ។

ក្រុមហ៊ុន EA គឺជាក្រុមហ៊ុនហ្គេមដ៏ធំមួយនៅក្នុងពិភពលោក ដែលបានបង្កើតហេ្គមល្បីៗមួយចំនួនដូចជា Battlefield, Star Wars: Jedi Fallen Order, The Sims, and Titanfall ។

ក្រុមហ៊ុនបានបន្ថែមទៀតថា ខ្លួនបានពង្រឹងផ្នែកសន្តិសុខសាយប័ររបស់ខ្លួនរួចទៅហើយ ហើយមិនរំពឹងថាមានផលប៉ៈពាល់អវិជ្ជមានណាមួយចំពោះហ្គេម ឬអាជីវកម្មរបស់ខ្លួនឡើយ។ ការវាយប្រហារនេះមិនមានជាការវាយលុកក្នុងទម្រង់មេរោគចាប់ជំរិតឡើយ ហើយខ្លួនក៏បានទាក់ទងដល់មន្រ្តីអនុវត្តន៍ច្បាប់រួចរាល់ផងដែរ។

នៅក្នុងព័ត៌មានរបស់ខ្លួន Vice បានសរសេរថា បានឃើញនូវរូបភាព (screenshots) នៅក្នុង hacking forum ដែលប្រើប្រាស់ដោយចោរព័ត៌មានវិទ្យា ដែលបានដាក់លក់ទិន្នន័យដែលខ្លួនលួចបាន៕

Show More

Secudemy Team

វេបសាយ Security Academy (SecuDemy.com) ត្រូវបានបង្កើតឡើងដំបូងនៅក្នុងខែមករា ឆ្នាំ២០១៣ គឺជាវេបសាយទីមួយឈានមុខគេផ្នែកព័ត៌មាន សន្តិសុខ ក្នុងគោលបំណងជម្រុញការយល់ដឹងអំពីសន្តិសុខព័ត៌មានទៅកាន់រាល់អ្នកប្រើប្រាស់អិុនធឺណិតទាំងអស់នៅកម្ពុជា។ បេសកកម្មរបស់វេបសាយ គឺដើម្បីធ្វើ ឲ្យអិុនធឺណិតកាន់តែមានសុវត្ថិភាព កាន់តែមានការយល់ដឹង និងកាន់តែទំនុកចិត្ត សម្រាប់យើងទាំងអស់គ្នានៅកម្ពុជា។

Related Articles

Back to top button