ទូរស័ព្ទម៉ូដែលថ្មីភាគច្រើន បានភ្ជាប់ជាមួយអ៊ីនគ្រីបសិន (Encryption) នៅពេលអ្នកបង្កើតលេខកូដសម្ងាត់នៅលើអេក្រង់ទូរស័ព្ទ។ អ្នកទាំងអស់គ្នាត្រូវចងចាំថា ទោះបីអ្នកមានលេខកូដសម្ងាត់នៅអេក្រង់ទូរស័ព្ទក៏ដោយឱកាសក្នុងការចំលងទិន្នន័យ ពីក្នុងទូរស័ព្ទរបស់អ្នកក៏នៅតែមានផងដែរ ក្នុងករណីទូរស័ព្ទរបស់អ្នកត្រូវបានភ្ជាប់ជាមួយនឹងកុំព្យូទ័រជាដើម។ សុវត្ថិភាពទិន្នន័យ នៅក្នុងទូរស័ព្ទរបស់អ្នក ក៏ពាក់ព័ន្ធជាមួយបញ្ហាអីុនធឺណែតផងដែរ។
ជាការពិតណាស់ ទូរស័ព្ទត្រូវបានយកមកប្រើប្រាស់សម្រាប់ធ្វើការ ទំនាក់ទំនងគ្នាតាមរយៈការហៅចេញ ហៅចូល និង ការផ្ញើសារជាដើម។ វិធីសាស្ត្រទាំងនេះ កំពុងប្រឈមមុខពីការលួចស្តាប់ពីបុគ្គលទី៣។ ដូចនេះអ្នកគួរតែងាកមកប្រើប្រាស់ កម្មវិធីទំនាក់ទំនងមួយចំនួន ដែលភ្ជាប់ជាមួយអុីនធឺណែតវិញ។ ប៉ុន្តែអ្នកគួរតែពិចារណាថាកម្មវិធីមួយចំនួនដូចជា Skype ឬ Facebook Messenger អាចជួយការពារអ្នកពីការលួចយកទិន្នន័យរបស់អ្នក ផ្ទុយទៅវិញ ទិន្នន័យរបស់អ្នក ត្រូវបានរក្សាទុកនៅក្នុង server របស់ក្រុមហ៊ុនទាំងនោះ។
នេះមូលហេតុ ដែលធ្វើឲ្យឯកជនភាពរបស់អ្នកត្រូវបានបាត់បង់។ ដូចនេះ មានកម្មវិធីមួយចំនួន ដែលភា្ជប់នឹងបច្ចេកវិទ្យា អ៊ីនគ្រីបសិន(Encryption) ដែលអាចធានាឲ្យអ្នកមានសុវត្ថិភាព និងឯកជនភាព។កម្មវិធីនោះរួមមាន Signal ដែលបង្កើតឡើង ដោយ Open Whisper Systems ដោយកម្មវិធីនេះ មានមុខងារ ក្នុងការហៅចេញ ហៅចូលជាសម្លេង និងវីដេអូ ការផ្ញើឯកសារ និងរូបភាពជាដើម។ លើសពីនេះទៀត ដើម្បីការពារនូវសុវត្ថិភាពចរាចរណ៍នៅលើអុីនធឺណែត និងផ្លាស់ប្តូរទីតាំងនៅពេលអ្នកប្រើប្រាស់ អុីនធឺណិត អ្នកអាចប្រើប្រាស់កម្មវិធី VPN នៅទូរស័ព្ទរបស់អ្នក។ Psiphon គឺជាកម្មវិធី VPN មួយដែលបង្កើតឡើងសម្រាប់សកម្មជនដើម្បីការពារកុំឲ្យជនទី៣ ដឹងពីទីតាំងរបស់ពួកអ្នកបាននៅពេលអ្នកប្រើប្រាស់ អុីនធឺណែត។
ទូរស័ព្ទរបស់អ្នក ក៏អាចឲ្យអ្នកការពារ គណនី Facebook ឬ Gmail របស់អ្នកឲ្យមានសុវត្ថិភាពផងដែរ។ ដោយអ្នកគ្រាន់តែ បើកដំណើរការកម្មវិធីមួយឈ្មោះថា Two Factor Authentication នៅលើគណនីអ្នក។ រួចហើយ លោកអ្នកនឹងទទួលបានសារជាលេខសម្ងាត់មួយរាល់ពេលឧបករណ៍ថ្មីព្យាយាមចូលក្នុងគណនីរបស់អ្នក។
ដូចនេះទោះបី Hacker មានលេខកូដសម្ងាត់របស់អ្នកក៏ដោយ ពួកគេក៏មិនអាចចូលក្នុងគណនីរបស់អ្នកបានដែរ។ ករណីលោកអ្នកធ្វើដំណើរ ទៅក្រៅប្រទេស ជារឿយៗអ្នកអាចតម្លើងកម្មវិធីមួយឈ្មោះថា Authenticator App ដើម្បីជំនួសឲ្យការផ្ញើសារវិញ។ កម្មវិធី Authenticator App នេះអាចបង្កើតលេខកូដដល់អ្នកបាន ទោះបីអ្នកនៅទីណាក៏ដោយ ហើយអ្នកមិនត្រូវការអីុនធឺណែតសម្រាប់បើកកម្មវិធីនេះទេ៕
សម្រាប់អ្នកដែលចង់តាមដានព័ត៌មាននៅក្នុងស្មាតហ្វូន អាចធ្វើការទាញយក App នៅក្នុង AppStore & PlayStore ។
ចូលរួមទៅក្នុងបន្ទប់ផ្តល់ព័ត៌មាន Telegram channel សម្រាប់ទទួលបានព័ត៌មានចុងក្រោយស្តីពីសន្តិសុខអុិនធឺណិតទាំងក្នុង និងក្រៅប្រទេស៖ https://t.me/infosecisac។ ចង់ផ្សព្វផ្សាយពាណិជ្ជកម្ម សូមទំនាក់ទំនង info@secudemy.com
Subscribe to our Telegram channel for the latest updates on the Cybersecurity Breaking News in both locally and internationally: https://t.me/infosecisac.
For advertising: info@secudemy.com or Phone: +855 69 690 280
>> ព័ត៌មានខាងលើនេះត្រូវបានដកស្រង់ចេញពីក្នុងវេបសាយ DigitalHub101
