ISAC Cambodia (InfoSec)
GeneralRegulationRegulations UpdateSecurity News

ចំនុចចាប់ផ្តើមនៃការបញ្ចប់នូវយុគ្គសម័យអ៊ិនធឺណិតបើកចំហរ

នាពេលមួយក្នុងទសវត្សរ៍នេះ រដ្ឋាភិបាលចិនដោយមានការគាំទ្រពីប្រទេសរុស្ស៊ី និងរបបផ្តាច់ការដទៃទៀតនឹងឆ្ពោះទៅមុខជាមួយនឹងផែនការបង្កើតប្រព័ន្ធ root system ដាច់ដោយឡែកមួយសម្រាប់ចំណែកអុិនធឺណិតរបស់ពួកគេ។ នៅពេលការបំបែកកើតឡើង យើងនឹងសម្គាល់វាជាចុងបញ្ចប់នៃយុគសម័យអុិនធឺណិតពិភពលោក។

ការឈ្លោះប្រកែកជាយូរមកហើយពាក់ព័ន្ធទៅនឹងការគ្រប់គ្រងទៅលើ root system ដែលជា top-level system ក្នុងការស្គាល់នូវ web address ត្រូវបានជជែកដេញដោលយ៉ាងក្តៅគគុកនៅក្នុងរង្វង់អភិបាលកិច្ចអុិនធឺណិត។ រដ្ឋបាលអូបាម៉ា បានឆ្ពោះទៅមុខជាមួយនឹងផែនការជាប់គាំងជាយូរមកហើយដើម្បីចាត់ចែងផ្តាច់គ្រប់គ្រង root system ពីក្រសួងពាណិជ្ជកម្មអាមេរិក ទៅអាយ ICANN ក្នុងនាមជាអង្គភាពឯករាជ្យមួយ ដែលមានគោលដៅដាក់អុិនធឺណិតយ៉ាងរឹងមាំនៅក្នុងដៃនៃវិស័យឯកជន និងចេញពីដៃនៃអាណាចក្រអំណាចនយោបាយ។ ICANN បានធ្វើការដើម្បីបន្ទន់ចិត្តរបស់ចិន ដោយបង្កើតនូវ instances root servers ជាច្រើននៅក្នុងប្រទេសចិន។

ជាអកុសល ការខិតខំទាំងនេះបានផលតិចតួចណាស់ដើម្បីបន្ថយមហិច្ឆតារបស់ចិន ក្នុងការផ្តាច់ចេញពីអ៊ិនធឺណិតពិភពលោក។ ហេតុផលគឺសាមញ្ញ អ៊ិនធឺណិតពិភពលោកដែលបើកចំហរ និងឥតគិតថ្លៃ មិនត្រូវគ្នាជាមួយរដ្ឋចិន ដែលចាត់ទុកការបើកចំហរ និងសេរីភាពជាការគំរាមកំហែងដល់ស្ថិរភាពរបស់ខ្លួន។

អស់រយៈពេលជាយូរមកហើយ ប្រព័ន្ធគ្រប់គ្រងដោយចិនបានធ្វើការចំលងនូវ root zone file ពីប្រព័ន្ធ ​root ដែលគ្រប់គ្រងដោយ ​ICANN ហើយផ្តល់នូវមុខងារដូចគ្នានឹងប្រព័ន្ធដែល ICANN គ្រប់គ្រង។ បើសិនជាថ្ងៃណាមួយចំពេលមានភាពតានតឹងភូមិសាស្ត្រនយោបាយកាន់តែខ្លាំង ប្រទេសចិននឹងបោះបង់ចោលព័ត៌មានដូមែន (.tw) ពីម៉ាស៊ីនមេររបស់ខ្លួន ហើយជាមួយនឹងពាក្យបញ្ជាបនិ្តចបន្តួច វានឹងអាចទម្លាក់វេបសាយតៃវ៉ាន់ (.tw) ចេញពីអ៊ីនធឺណិត ដែលមិនអាចបើកបានសម្រាប់ប្រជាជនចំនួនពាក់កណ្តាលពិភពលោក។

អ្វីដែលចិននឹងធ្វើ គឺអ្វីដែលពួកគេតែងតែខ្លាចសហរដ្ឋអាមេរិកនឹងធ្វើ៖ ប្រើការគ្រប់គ្រងអ៊ីនធឺណិតជាអាវុធនយោបាយភូមិសាស្ត្រ។ មិនយូរប៉ុន្មាន រដ្ឋាភិបាលចិននឹងប្រើអំណាចថ្មីរបស់ខ្លួននេះ ដើម្បីដាក់សម្ពាធទៅលើប្រទេស និងក្រុមហ៊ុនដទៃទៀតបានប្រហាក់ប្រហែលនេះផងដែរ។

នៅពេលរឿងនេះកើតឡើង វាគួរឱ្យភ្ញាក់ផ្អើលដែលគ្មាននរណាម្នាក់យកចិត្តទុកដាក់នៅថ្ងៃនេះ។ ឆ្នាំ ២០១៩ គឺជាឆ្នាំដែលចិនមានបំណងប្រើប្រាស់អ៊ិនធឺណិតជាឆ្អឹងខ្នងនៃរដ្ឋឃ្លាំមើល (surveillance state) របស់ខ្លួន។ ខណៈពេលដែលការធ្វើឱ្យល្អឥតខ្ចោះនូវបច្ចេកទេសនេះក្នុងប្រទេសរបស់ខ្លួន ប្រទេសចិនក៏មានភាពមមាញឹកក្នុងការនាំបច្ចេកវិទ្យានេះទៅក្នុងរបបផ្តាច់ការដទៃទៀតផងដែរ។ យោងតាមអង្គការ Freedom House ដែលជាអង្គការឃ្លាំមើលឯករាជ្យតាមរយៈសហគ្រាសគ្រប់គ្រងដោយរដ្ឋនិងក្រុមហ៊ុនដែលមានសម្ព័ន្ធភាពជិតស្និទ្ធផ្សេងទៀតបានឱ្យដឹងថា ប្រទេសចិនបានចាប់ផ្តើមជួយដល់ប្រទេសយ៉ាងហោចណាស់ដប់ប្រាំបី ដែលកំពុងដំណើរការសាងសង់បណ្តាញបែបនេះ។

នៅពេលដែលបច្ចេកទេសនៅពីក្រោយប្រទេសចិនក្នុងការអនុវត្តចក្ខុវិស័យរបស់ពួកគេលើអ៊ិនធឺណិតមិនទូលំទូលាយ (closed internet) ប្រទេសរុស្ស៊ីបានចាត់វិធានការរៀបចំក្របខ័ណ្ឌច្បាប់ដើម្បីប្រែក្លាយ ចក្ខុវិស័យនេះទៅជាការពិត។ កាលពីខែមីនា ឆ្នាំ២០១៩ កន្លងទៅនេះ ប្រធានាធិបតីរុស្ស៊ី លោកវ្លាឌីមៀពូទីនបានចុះហត្ថលេខាលើច្បាប់មួយដែលធ្វើឱ្យវាក្លាយជាបទឧក្រិដ្ឋក្នុងការផ្សព្វផ្សាយ “ព័ត៌មានក្លែងក្លាយ” ឬការរិះគន់ដល់អាជ្ញាធរលើបណ្តាញព័ត៌មានសង្គម។ កាលពីខែវិច្ឆិកា ឆ្នាំ២០១៩ នេះផងដែរ លោកប្រធានាធិបតីពូទីន បានចុះហត្ថលេខាលើច្បាប់ស្តីពី “អធិបតេយ្យភាពអ៊ីនធឺណិត (Internet Sovereignty” ដោយតម្រូវឲ្យចរាចរអ៊ិនធឺណិតទាំងអស់ត្រូវឆ្លងកាត់ចំណុចដែលគ្រប់គ្រងដោយរដ្ឋាភិបាល ដោយធ្វើឱ្យរុស្សីមានលទ្ធភាពផ្តាច់ប្រទេសរុស្ស៊ីពីអ៊ិនធឺណិតសកល។

នៅពេលដែលមានការបំបែកនូវ root system សំណួរតែមួយគត់គឺថា តើចំនួនប្រជាជនពិភពលោកប៉ុន្មាននាក់ត្រូវស្ថិតនៅផ្នែកណានៃការបំបែកនោះ ៕

ប្រភព៖ https://www.cfr.org/blog/2019-beginning-end-open-internet-era

Show More

Phannarith

Mr. OU Phannarith is one of the well-known cybersecurity experts in Cambodia and the region. He is the founder of the first leading information security website (www.secudemy.com) in Cambodia. He has been invited to present in global conferences, forums, and seminars and he was awarded in Information Security Leadership Achievements (ISLA) in 2016 by (ISC)2 and in December 2012 as one of the top 10 Chief Information Security Officers (CISO) in ASEAN by the International Data Group (IDG). Mr. OU has been the Professor specializing in Cybersecurity.

Related Articles

Back to top button