ISAC Cambodia (InfoSec)
GeneralKnowledgeSecurity NewsSecurity Tips

ហេគគ្រឿងចក្រធន់ធ្ងន់ (industry machines) តាមរយៈចំនុចខ្សោយនៅក្នុងតេលេបញ្ជា

តើអ្នកដឹងទេថាឧស្សាហកម្មផលិតកម្ម និងសំណង់ជាច្រើនដែលកំពុងតែប្រើឧបករណ៍បញ្ជាពីចម្ងាយដោយប្រើប្រាស់ហ្វ្រេកង់វិទ្យុ (radio-frequency remote controllers) ដើម្បីប្រតិបត្តិការទៅលើឧបករណ៍ស្ទូច អណ្តូងខួង និងគ្រឿងចក្រធុនធ្ងន់ផ្សេងទៀត? តើពិតជាមិនមានបញ្ហាទេឬ? ។ បើតាមការបញ្ជាក់របស់ Trend Micro ពួកវាគឺងាយរងគ្រោះដោយសារតែការហេគ។

លទ្ធភាពនៃការវាយប្រហារជាច្រើនសម្រាប់អ្នកបង្កកំហុសនេះរួមមានសមត្ថភាពក្នុងការដាក់បញ្ចូលពាក្យបញ្ជា ការផ្គូផ្គងឡើងវិញដែលមានភាពគ្រោះថ្នាក់ និងសូម្បីតែសមត្ថភាពក្នុងការបង្កើតនូវការបញ្ជាផ្ទាល់ខ្លួនរបស់មនុស្សម្នាក់ដើម្បីគ្រប់គ្រងឧបករណ៍ពីចម្ងាយថែមទៀត។

នៅក្នុងរបាយការណ៍របស់ខ្លួន Trend Micro និយាយថា “ការរកឃើញរបស់យើងបង្ហាញថា ឧបករណ៍បញ្ជាពីចម្ងាយរបស់ឧស្សាហកម្មមិនសូវមានសន្តិសុខជាងប្រព័ន្ធបើកទ្វារហ្គារ៉ាសនោះទេ។ នេះបើតាមការចេញផ្សាយស្តីអំពីការវិភាគសន្តិសុខ និងសុវត្ថិភាពនៃឧបករណ៍បញ្ជាវិទ្យុហ្វ្រេកង់ពីចម្ងាយ”។

បើតាមការបញ្ជាក់របស់ Trend Micro បានឲ្យដឹងថា៖ បើពិនិត្យទៅតាមបរិបទនៃបច្ចេកវិទ្យា IT នោះយើងឃើញថា ឧបករណ៍បញ្ជាពីចម្ងាយដែលប្រើប្រាស់នៅក្នុងឧស្សាហកម្មធំៗគឺហាក់ដូចជាមិនមានសន្តិសុខតាំងពីការរៀបចំដំបូង (design) មកម្លេះ។

“ក្រុមហ៊ុនមួយក្នុងចំណោមក្រុមហ៊ុនចែកចាយជាច្រើនដែលយើងបានទាក់ទង បានលើកឡើងថា ខ្លួនទទួលបានតម្រូវការជាពិសេសពីអតិថិជនដែលចង់លុបបំបាត់តម្រូវការសម្រាប់ការចុចលើប៊ូតុងនៅលើឧបករណ៍បញ្ជាដោយដៃ ហើយជំនួសវាដោយកុំព្យូទ័រដែលភ្ជាប់ទៅនឹងពាក្យបញ្ជាជាច្រើន ដែលជាផ្នែកមួយនៃដំណើរការស្វ័យប្រវត្តិកម្មដ៏ស្មុគស្មាញដោយគ្មានមនុស្សនៅក្នុងសង្វាក់ការងារនោះឡើយ។”

រូបភាពបង្ហាញពីវិធីសាស្រ្តនៃ Replay Attack

ជាការពិតណាស់ ការរចនាពីដំបូង​ (by design) នៃផ្នែកខ្លះនៃឧបករណ៍ឧស្សាហកម្មទាំងនេះអនុញ្ញាតឱ្យប្រតិបត្តិករម្នាក់ចេញពាក្យបញ្ជាដំណាលគ្នាទៅនឹងឧបករណ៍ជាច្រើនទៀតក្នុងពេលតែមួយ។

បន្ថែមពីលើការវាយប្រហារ ដែលពាក្យបញ្ជាជាច្រើនត្រូវបានកត់ត្រាទុកដោយអ្នកវាយប្រហារ និងបញ្ជាសារឡើងវិញដើម្បីគ្រប់គ្រងរោងចក្រដែលជាគោលដៅ, ទម្រង់នៃវាយប្រហារក៏រួមបញ្ចូលការប្រើប្រាស់ Command Injection ផងដែរ មានដូចជាការចេញបញ្ជាឲ្យបញ្ឈប់ជាបន្ទាន់បន្តបន្ទាប់ (emergency stop command) ជាប់ៗគ្នាជាច្រើនដែលនឹងបង្កើតបានជាការវាយប្រហារក្នុងទម្រង់ Denial of Service ។

រូបភាពបង្ហាញពីវិធីសាស្រ្តនៃ Command Injection
រូបភាពបង្ហាញពីវិធីសាស្រ្តនៃ Emergency Stop Attack 

ក្រុមហ៊ុន Trend Micro ក៏រកឃើញផងដែរថា តាមរយៈការធ្វើតេស្តទៅលើឧបករណ៍ដែលអាចមានលទ្ធភាពក្នុងការសរសេរកម្មវិធីឡើងវិញ​ (reprogrammable devices) បានបង្ហាញថា មិនមានឧករណ៍ណាមួយឡើយដែលបានដាក់នូវយន្តការការពារប្រឆាំងទៅនឹងការសរសេរកូដបន្ថែមសារឡើងវិញ (unattended reprogramming) ក្នុងនោះមានដូចជា operator auhtentication ជាដើម។

រូបភាពបង្ហាញពីវិធីសាស្រ្តនៃ Malicious Re-programming and Remote Attack
រូបភាពបង្ហាញពីវិធីសាស្រ្តនៃ Malicious Re-Pairing

ខណៈពេលដែលវាស្តាប់ទៅគួរឱ្យខ្លាចនោះ រោងចក្រ និងកន្លែងសំណង់ជាច្រើនរីករាយជាមួយសន្តិសុខជាក់ស្តែង​ (physical security) ដែលវាយ៉ាងហោចណាស់ក៏បានការពារមិនឲ្យអ្នកវាយប្រហារធ្វើការផ្លោះរបងចូលទៅកាន់ការដ្ឋាន ហើយធ្វើការវាយលុកតាមរយៈ laptop ឬក៏ឧបករណ៍ home-made contoller ឬក៏តំឡើងកម្មវិធីសារឡើងវិញ (reflash) ទៅលើ firmware បាននោះដែរ។

ដើម្បីធ្វើអោយសំពាធឈាមរបស់អ្នកគ្រប់គ្រងការដ្ឋានកាត់តែឡើងខ្ពស់, Trend Micro បានគូសបញ្ជាក់ថា មិនត្រឹមតែ script kiddies ប៉ុណ្ណោះទេដែលអាចធ្វើការវាយប្រហារក្នុងទម្រ់ងខ្លះទៅលើឧស្សាហកម្មនេះ សូម្បីតែអ្នកវាយប្រហារពីចម្ងាយក៏អាចវាយលុកហើយអាក់សេស (access) បាន ដោយការប្រើប្រាស់នូវម៉ូឌឹម (Cellular Modems) ប្រើថាមពលថ្មភ្ជាប់ទៅកាន់យន្តហោះគ្មានមនុស្សជិះ (Drone) ចូលទៅកាន់តំបន់ការដ្ឋានផងដែរ។

ក្រុមហ៊ុន Trend Micro បានចង្អុលបង្ហាញថា “ជាទូទៅមានការទើសចិត្តជាខ្លាំងតាមរយៈការជួសជុលកំហុសឆ្គង (Patch) ទៅលើឧបករណ៍ទាំងនោះ ដោយសារតែវាមានការខាតបង់ពេលវេលាច្រើន និងឧបសគ្គខ្ពស់នៃការបន្តអាជីវកម្ម ហើយក៏គ្មានការធ្វើការកោសលវិច័យផងដែរនៅក្នុងវិស័យនេះ។​ ការវាយប្រហារតាមឌីជីថល មិនត្រូវគេចាត់ទុកថាអាចកើតមានឡើងឡើយនៅក្នុងវិស័យមួយនេះ

អនុសាសន៍ណែនាំ

ឧបករណ៍ដែលប្រើប្រាស់ក្នុងឧស្សាហកម្មគឺមានថ្លៃដើមខ្ពស់ណាស់ក្នុងការផ្លាស់ប្តូរ​ ( replacement) ហើយអាយុកាលវែងក្នុងការប្រើប្រាស់។ ដែលមានន័យថាចំណុចខ្សោយទាំងនោះនឹងឋិតនៅរយៈពេលវែងតទៅទៀត ដែលអាចដល់រាប់សិបឆ្នាំ។

Trend Micro បានណែនាំឲ្យមានការជួសជុលកំហុសឆ្គងទាំងនោះតាមរយៈ​ patches ដើម្បីការពារមិនឲ្យអ្នកវាយប្រហារអាចវាយលុកចូលទៅក្នុងប្រព័ន្ធបាន។ សម្រាប់ System integrators គួរតែមានមុខងារធ្វើការបិទមិនឲ្យដំណើរការឧបរកណ៍នៅពេលដែល remote controllers មិនស្ថិតនៅក្នុងដែនអាចបញ្ជាបាន។

សម្រាប់ជាយន្តការរយៈពេលវែង ស្តង់ដារមួយគួរតែត្រូវបានអភិវឌ្ឍន៍ផងដែរ ដើម្បីធានាបាននូវ interoperability, reliability និង​ security។

សម្រាប់ការស្វែងយល់បន្ថែម សូមដោនឡូតឯកសារ A Security Analysis of Radio Remote Controllers for Industrial Applications,” ៕

ប្រភពៈ Trend Micro

Show More

Phannarith

Mr. OU Phannarith is one of the well-known cybersecurity experts in Cambodia and the region. He is the founder of the first leading information security website (www.secudemy.com) in Cambodia. He has been invited to present in global conferences, forums, and seminars and he was awarded in Information Security Leadership Achievements (ISLA) in 2016 by (ISC)2 and in December 2012 as one of the top 10 Chief Information Security Officers (CISO) in ASEAN by the International Data Group (IDG). Mr. OU has been the Professor specializing in Cybersecurity.

Related Articles

Back to top button