ISAC Cambodia (InfoSec)
GeneralSecurity News

Android phones can be hacked with a simple text

អ្នកដែលប្រើប្រាស់ទូរស័ព្ទ ដែលដំណើរការដោយប្រព័ន្ធប្រតិបត្តិការ Andriod អាចត្រូវបានវាយប្រហារដោយគ្រាន់តែទទួលនូវសារតែប៉ុណ្ណោះ នេះបើតាមការ ស្រាវជ្រាវដែលបានបញ្ចេញកាលពីថ្ងៃច័ន្ទម្សិលមិញ។

នេះប្រហែលជាចំនុចខ្សោយមួយដ៏ធំបំផុតចំពោះស្មាតហ្វូនដែលមិនធ្លាប់ត្រូវបានរកឃើញឡើយ។ វាមានផលប៉ៈពាល់ទៅដល់ស្មាតហ្វូនប្រមាណជា ៩៥០លានគ្រឿងទូទាំងពិភពលោក ដែលមានប្រមាណជា ៩៥ភាគរយនៃ Androids ដែលប្រើប្រាស់សព្វថ្ងៃ។

បញ្ហានេះកើតមានឡើងចេញពី ចំនុចដែលទូរស័ព្ទ Andriod ធ្វើការវិភាគនូវសារ (text message) ដែលបានផ្ញើរមក។ ទោះបីជាមុនពេលដែលអ្នកបើក នូវសារក៏ដោយ ទូរស័ព្ទនឹងដំណើរការដោយស្វ័យប្រវត្តិនូវឯកសារដែលបានផ្ញើរមក ដោយរួមមាន រូបភាព សំលេង ឬក៏វិដេអូ។ នេះមានន័យថា ឯកសារដែលមាន ផ្ទុកដោយមេរោគ អាចចាប់ផ្តើមឆ្លងទៅកាន់ស្មាតហ្វូនភ្លាមពេលដែលវាទទួលបានសារ នេះបើតាម ក្រុមហ៊ុន Zimperium បានបង្ហាញ។

វាមិនដូចទៅនឹងចំនុចខ្សោយដែលមាននៅក្នុង iPhone (Apple text hack) ដែលវាបានធ្វើឲ្យទូរស័ព្ទ iPhone គាំង ឬធ្វើឲ្យវា restart ចំនុចខ្សោយមាននៅក្នុង Android គឺវាអាក្រក់ជាងនេះទៅទៀត ពីព្រោះ វាអាចអនុញ្ញាតឲ្យអ្នកវាយប្រហារ ធ្វើការគ្រប់គ្រងទាំងស្រុងនូវទូរស័ព្ទរបស់អ្នក, លប់ចោលអ្វីៗទាំងអស់, ចូលទៅកាន់កម្មវិធីណាមួយ ឬក៏បើកកាមេរ៉ាដោយសំងាត់។

ក្រុមហ៊ុន Google បានទទួលស្គាល់នូវចំនុចខ្សោយនេះ ហើយបានធ្វើការប្រកាសថា Android មាននូវយន្តការក្នុងការកំណត់ព្រំដែននៃការជ្រៀតជ្រែកចូលទៅកាន់ប្រព័ន្ធដោយអ្នកវាយប្រហារ ហើយមកដល់ពេលនេះមិនទាន់មានអ្នកវាយប្រហារណាដែលជ្រៀតចូលលើសព្រំដែននោះឡើយ។

ចំណុចខ្សោយនេះ មានផលប៉ៈពាល់ទៅដល់ទូរស័ព្ទស្មាតហ្វូន ដែលធ្វើឡើងក្នុងរយៈពេល ៥ឆ្នាំចុងក្រោយ ដែលរួមមាននូវឧបករណ៍ដែលប្រើប្រាស់ Android’s Froyo, Gingerbread, Honeycomb, Ice Cream Sandwich, Jelly Bean, KitKat និង Lollipop ។

ក្រុមហ៊ុន Zimperium បាននិយាយថា ខ្លួនបានធ្វើការជូនដំណឹងដល់ក្រុមហ៊ុន Google កាលពីថ្ងៃទី០៩ ខែមេសា កន្លងទៅនេះដើម្បីជួសជុលបញ្ហា។ ក្រុមហ៊ុន Google បានឆ្លើយតបត្រលប់មកវិញ ហើយបានសន្យានឹងចេញនូវ patch ក្នុងពេលអនាគត។ ជាធម្មតានៅក្នុងករណីនេះ ក្រុមហ៊ុន បានផ្តល់ពេល ៩០ថ្ងៃ ដើម្បីជួសជុលបញ្ហា។ វាគឺជាការណែនាំដែលក្រុមហ៊ុន Google ខ្លួនឯងក៏ទទួលស្គាល់ផងដែរ។

ប៉ុន្តែវាមានរយៈពេល ១០៩ថ្ងៃមកហើយ ហើយបញ្ហានេះមិនទាន់ត្រូវបានដោះស្រាយនូវឡើយ ដែលជាហេតុបណ្តាលឲ្យក្រុមហ៊ុន Zimperium ធ្វើការបញ្ចេញ ជាសាធារណៈ។

Show More

Phannarith

Mr. OU Phannarith is one of the well-known cybersecurity experts in Cambodia and the region. He is the founder of the first leading information security website (www.secudemy.com) in Cambodia. He has been invited to present in global conferences, forums, and seminars and he was awarded in Information Security Leadership Achievements (ISLA) in 2016 by (ISC)2 and in December 2012 as one of the top 10 Chief Information Security Officers (CISO) in ASEAN by the International Data Group (IDG). Mr. OU has been the Professor specializing in Cybersecurity.

Related Articles

Back to top button