GeneralSecurity News

5M Gmail Addresses, Passwords Leaked

គណនី ​Gmail ចំនួនប្រមាណ ៥លានត្រូវបានបញ្ចេញនៅក្នុងវិបសាយមួយ

វាគឺជាថ្ងៃមួយទៀត ដែលអ្នកត្រូវតែធ្វើការផ្លាស់ប្តូរពាក្យសម្ងាត់របស់អ្នកហើយ។

ក្នុងកំណត់សំគាលរបស់ IDG បានឲ្យដឹងថា មានឯកសារមួយត្រូវបានបង្ហោះនៅក្នុងវិបសាយ bitcoin security forum ដែលបានអះអាងថា មាននូវ គណនី ​Gmail ប្រមាណស្ទើរតែ ៥លាន (addresses និង password)។

ប៉ុន្តែ វាមើលទៅហាក់ដូចជា ភាគច្រើននៃទិន្នន័យទាំងនោះគឺចាស់ៗ ឬក៍ពាក្យសម្ងាត់ភាគច្រើនគឺមិនត្រូវគ្នាជាមួយនឹងអស័យដ្ឋាន។ វិបសាយ Mashable បានឲ្យដឹងថា ទិន្នន័យទាំងនោះ មើលទៅហាក់ដូចជាប្រមូលផ្តុំតាមរយៈការជ្រៀតចូលលួចទិន្នន័យ ហើយរួមមាន email និង password សម្រាប់វិបសាយ ឬក៍ សេវាកម្មរបស់អ្នកទីបី ជាជាងរបស់ ​Gmail ផ្ទាល់។

ជាឧទាហរណ៍ អ្នកអាចប្រើប្រាស់នូវអាស័យដ្ឋាន Gmail របស់អ្នកដើម្បីធ្វើការ log-in ចូលទៅក្នុងវិបសាយ Amazon ប៉ុន្តែអ្នកមិនត្រូវប្រើប្រាស់នូវ ពាក្យសម្ងាត់ដូចគ្នាសម្រាប់ Gmail និង Amazon នោះឡើយ។ បើសិនជាអ្នកវាយប្រហារធ្វើការជ្រៀតចូលដោយជោគជ័យទៅលើ Amazon នោះពួកគេ មិនអាចប្រើប្រាស់វាសម្រាប់ Gmail អ្នកឡើយ។

នៅក្នុងការជូនដំណឹងរបស់ ​Google បាននិយាយថា ខ្លួនបានរកឃើញយ៉ាងហោចណាស់ ២ភាគរយនៃ username និង password រួមគ្នាអាចនឹងដំណើរការបាន ហើយប្រព័ន្ធការពារប្រឆាំងការវាយប្រហារស្វ័យប្រវត្តិ (automated anti-hijacking system) របស់យើង នឹងធ្វើការរាំងស្កាត់ (blocked) នូវការព្យាយាម log-in ណាច្រើនដឹង។ បើបានធ្វើការការពារនូវគណនីណាដែលរងគ្រោះ ហើយបានទាមទារឲ្យអ្នកប្រើប្រាស់ធ្វើការ ផ្លាស់ប្តូរ (reset) នូវពាក្យសម្ងាត់របស់ពួកគេសារជាថ្មី។

អ្នកវាយប្រហារមិនបានធ្វើការលួចយកនូវ username/passwords នោះតាមរយៈការជ្រៀតចូលដោយផ្ទាល់ទៅក្នុងប្រព័ន្ធ ​Google ឡើយ នេះបើតាមក្រុមហ៊ុនបាននិយាយ។ ប៉ុន្តែបើសិនជាអ្នកប្រើប្រាស់ពាក្យសម្ងាត់តែមួយដូចគ្នា ចំពោះសេវាកម្មដទៃទៀតនៅតាមវិបសាយនានា ឬក៍មិនដែលផ្លាស់ប្តូរពាក្យសម្ងាត់ របស់អ្នកសោះនោះ សូមអ្នកគិតគូរជាថ្មីម្តងទៀត ហើយផ្លាស់ប្តូរវាជាបន្ទាន់។

វិធីសាស្ត្រក្នុងការជ្រើសរើសពាក្យសម្ងាត់ដែលខ្លាំង (ពិបាកក្នុងការទាយ)

គន្លឹះក្នុងការគ្រប់គ្រងពាក្យសម្ងាត់

ព័ត៌មានបន្ថែម៖

http://www.pcmag.com/article2/0,2817,2468289,00.asp

Show More

Phannarith

Mr. OU Phannarith is one of the well-known cybersecurity experts in Cambodia and the region. He is the founder of the first leading information security website (www.secudemy.com) in Cambodia. He has been invited to present in global conferences, forums, and seminars and he was awarded in Information Security Leadership Achievements (ISLA) in 2016 by (ISC)2 and in December 2012 as one of the top 10 Chief Information Security Officers (CISO) in ASEAN by the International Data Group (IDG). Mr. OU has been the Professor specializing in Cybersecurity.

Related Articles

Back to top button