Zoom បន្ថែមមុខងារសុវត្ថិភាពមួយចំនួន ដើម្បីកាត់បន្ថយការរំខានក្នុងពេល Video Conferencing
កាលពីម្សិលមិញនេះក្រុមហ៊ុន Zoom បានប្រកាសនៅក្នុង blog របស់ខ្លួនថា ក្រុមហ៊ុនបានបន្ថែមមុខងារសុវត្ថិភាពចំនួន២ទៀតកាលពីចុងសប្តាហ៍មុន ដើម្បីកាត់បន្ថយការរំខានក្នុងពេល Video Conferencing។ នៅក្នុងចំណុចសុវត្ថិភាពទីមួយគឺក្រុមហ៊ុនបានបន្ថែមមុខងារដែលអាចឱ្យអ្នកគ្រប់គ្រងអាចផ្អាកការជួបគ្នាជាបណ្ដោះអាសន្ន ដើម្បីដកចេញជនដែលបង្កការរំខានដោយគ្រាន់តែចុចលើ “Suspend Participant Activities,”។ ជាងនេះទៅទៀតអ្នកគ្រប់គ្រងក៏អាចបញ្ជូនរបាយការណ៍ដូចជា ឈ្មោះជនបង្កការរំខាន ព័ត៌មានលម្អិត និងរូបភាព Screenshot ទៅឱ្យក្រុមហ៊ុនបានថែមទៀតផង។
ចំណែកឯនៅក្នុងចំណុចសុវត្ថិភាពទីពីរនោះគឺអ្នកគ្រប់គ្រងអាចកំណត់ឱ្យអ្នកចូលរួម ធ្វើការរាយការណ៍ពីជនដែលបានបង្កការរំខាននោះ ដោយគ្រាន់តែចុចនៅលើរូបភាពសុវត្ថិភាពដែលមាននៅខាងលើផ្នែកខាងឆ្វេងនៃផ្ទាំងកម្មវិធី។ លោកអ្នកអាចប្រើមុខងារថ្មីទាំងពីរនេះជាមួយនឹងកម្មវិធី Zoom version 5.4.3 សម្រាប់កុំព្យូទ័រនិងទូរសព្ទ។ សម្រាប់លោកអ្នកដែលប្រើគេហទំព័រ មុខងារនេះនឹងដាក់ឱ្យប្រើប្រាស់នៅចុងឆ្នាំនេះផងដែរ។
គួរបញ្ជាក់ផងដែរថា ក្រៅពីមុខងារសុវត្ថិភាពទាំងពីរខាងលើនេះ ក្រុមហ៊ុនក៏បានបញ្ចេញនូវមុខងារថ្មីមួយដែលគេហៅថា “At-Risk Meeting Notifier” ដែលមុខងារនេះនឹងផ្ញើអុីមែលទៅអ្នកគ្រប់គ្រង ប្រសិនបើប្រព័ន្ធរបស់ពួកគេរកឃើញថា ការប្រជុំគ្នា (Meeting) របស់លោកអ្នកនឹងអាចជួបការរំខានខ្ពស់ ដែលនេះអាចឱ្យអ្នកគ្រប់គ្រងលុបចោលតំណភ្ជាប់ចាស់ហើយបង្កើតតំណភ្ជាប់ថ្មី ឬបន្ថែមមុខងារសុវត្ថិភាពដែលមាននៅក្នុងកម្មវិធីនេះបាន៕
សម្រាប់អ្នកដែលចង់តាមដានព័ត៌មាននៅក្នុងស្មាតហ្វូន អាចធ្វើការទាញយក App នៅក្នុង AppStore &PlayStore ។
ចូលរួមទៅក្នុងបន្ទប់ផ្តល់ព័ត៌មាន Telegram channel សម្រាប់ទទួលបានព័ត៌មានចុងក្រោយស្តីពីសន្តិសុខអុិនធឺណិតទាំងក្នុង និងក្រៅប្រទេស៖ https://t.me/infosecisac។ ចង់ផ្សព្វផ្សាយពាណិជ្ជកម្ម សូមទំនាក់ទំនង info@secudemy.com
Subscribe to our Telegram channel for the latest updates on the Cybersecurity Breaking News in both locally and internationally: https://t.me/infosecisac.
For advertising: info@secudemy.com or Phone: +855 69 690 280
ប្រភពពី៖ នាយកដ្ឋានប្រឆាំងបទល្មើសបច្ចេកវិទ្យា Anti Cyber Crime Department
