WhatsApp នឹងទាមទារឱ្យអ្នកប្រើប្រាស់ប្រើជីវមាត្រ (Biometrics) ដើម្បីអាចចូលប្រើកម្មវិធី WhatsApp នៅក្នុងកុំព្យូទ័រឬតាមរយៈគេហទំព័រ
យោងការផ្សាយរបស់នាយកដ្ឋានប្រឆាំងបទល្មើសបច្ចេកវិទ្យា បាននិយាយថាក្រុមហ៊ុនហ្វេសប៊ុកនឹងបន្ថែមមុខងារសុវត្ថិភាពមួយទៀតក្នុងការប្រើប្រាស់កម្មវិធី WhatsApp តាមរយៈគេហទំព័រដោយទាមទារឱ្យអ្នកប្រើប្រាស់បញ្ជាក់អំពីអត្តសញ្ញាណដោយប្រើជីវមាត្រមានដូចជាក្រយ៉ៅម្រាមដៃ និងផ្ទៃមុខជាដើម ប្រសិនបើពួកគេបានបើកប្រើប្រភេទប្រព័ន្ធសុវត្ថិភាពនេះជាមួយនឹងទូរសព្ទរួចហើយនោះ។
ការធ្វើបច្ចុប្បន្នភាពនេះគឺដើម្បីចៀសវាងពីការលួចចូលប្រើគណនីពីជនខិលខូច ក៏ដូចជាពីអ្នកដែល អ្នកប្រើប្រាស់មានការទុកចិត្តហើយឱ្យទូរសព្ទប្រើមួយរយៈពេលខ្លី មានដូចជាមិត្តភក្កិ និងជាងជួសជុលទូរសព្ទជាដើម។ ដើម្បីប្រើមុខងារនេះ WhatsApp និងប្រើទិន្នន័យជីវមាត្រដែលមាននៅក្នុងប្រព័ន្ធទូរសព្ទស្រាប់ ដូច្នេះលោកអ្នកមិនចាំបាច់ផ្ដល់ទិន្នន័យថ្មីទៅឱ្យក្រុមហ៊ុនទេ។
គួរបញ្ជាក់ផងដែរថា នាពេលបច្ចុប្បន្នលោកអ្នកក៏អាចឆែកមើលថាតើគណនី WhatsApp របស់លោកអ្នកកំពុងតែត្រូវបានប្រើជាមួយឧបករណ៍ណាខ្លះ ដោយចូលទៅក្នុងកម្មវិធី WhatsApp របស់ទូរសព្ទ ហើយចុចទៅលើប៊ូតុងម៉ឺនុយ ហើយបន្ទាប់មកចុចនៅលើពាក្យ “WhatsAppWeb”៕
សម្រាប់អ្នកដែលចង់តាមដានព័ត៌មាននៅក្នុងស្មាតហ្វូន អាចធ្វើការទាញយក App នៅក្នុង AppStore &PlayStore ។
ចូលរួមទៅក្នុងបន្ទប់ផ្តល់ព័ត៌មាន Telegram channel សម្រាប់ទទួលបានព័ត៌មានចុងក្រោយស្តីពីសន្តិសុខអុិនធឺណិតទាំងក្នុង និងក្រៅប្រទេស៖ https://t.me/infosecisac។ ចង់ផ្សព្វផ្សាយពាណិជ្ជកម្ម សូមទំនាក់ទំនង info@secudemy.com
Subscribe to our Telegram channel for the latest updates on the Cybersecurity Breaking News in both locally and internationally: https://t.me/infosecisac.
For advertising: info@secudemy.com or Phone: +855 69 690 280
