GeneralSecurity News

វៀតណាមគំរាមបិទហ្វេសប៊ុកទាំងមូល​ ពាក់ព័ន្ធទៅនឹងការស្នើសុំបិទបាំងខ្លឹមសារ ព័ត៌មាន

តាមប្រភពព័ត៌មានពី ​Reuters បានឱ្យបានឱ្យដឹងថា ប្រទេសវៀតណាមបានធ្វើការគំរាមក្នុងការបិទវេបសាយហ្វេសប៊ុក មិនឱ្យបើកបាននៅក្នុងប្រទេសរបស់ខ្លួន ប្រសិនបើក្រុមហ៊ុនហ្វេសប៊ុកមិនធ្វើតាមការទាមទាររបស់រដ្ឋាភិបាលវៀតណាម ក្នុងការបិទបាំង (censor)​ បន្ថែមទៀតទៅលើខ្លឹមសារព័ត៌មាននយោបាយនៅក្នុងប្រទេស – នេះបើតាមមន្រ្តីជាន់ខ្ពស់របស់ក្រុមហ៊ុនហ្វេសប៊ុកប្រាប់ដល់ Reuters។

ក្រុុមហ៊ុនហ្វេសប៊ុកបានធ្វើតាមការទាមទាររបស់រដ្ឋាភិបាលវៀតណាមកាលពីខែមេសា ក្នុងការបង្កើនការរាំងខ្ទប់ (censor) ទៅលើខ្លឹមសារព័ត៌មានដែលប្រឆាំងរដ្ឋាភិបាលសម្រាប់ប្រជាជនក្នុងស្រុក ក៏ប៉ុន្តែវៀតណាមបានស្នើដល់ក្រុមហ៊ុនម្តងទៀតក្នុងខែសីហា ដើម្បីដាក់នូវបិទបាំងបន្ថែមទៀតសម្រាប់ការបង្ហោះព័ត៌មាន ដែលមានលក្ខណៈធ្ងន់ធ្ងរ (critical)។

រដ្ឋាភិបាលវៀតណាមបានធ្វើការគំរាមក្នុងការបិទវេបសាយហ្វេសប៊ុកទាំងមូលតែម្តងនៅក្នុងប្រទេសវៀតណាម ដែលជាទីផ្សាដ៏ធំមួយសម្រាប់ក្រុមហ៊ុនហ្វេសប៊ុកដែលអាចរកចំណូលបានជិត ១ពាន់លានដុល្លា (នេះបើតាមការឱ្យដឹងពីប្រភពពីរដែលដឹងអំពីតួលេខនេះ)។

ក្រសួងការបរទេសវៀតណាមបានឆ្លើយតបទៅនឹងសំណួររបស់ ​Reuters ថា ក្រុមហ៊ុនហ្វេសប៊ុកគួតែគោរពទៅតាមច្បាប់ក្នុងប្រទេស និងជួយទប់ស្កាត់នូវការចែកចាយព័ត៌មានដែលផ្ទុយទៅនឹងប្រពៃណី ទំនៀមទំលាប់របស់ជនជាតិវៀតណាម និងរំលោភបំពានលើផលប្រយោជន៍របស់រដ្ឋ។

អ្នកនាំពាក្យរបស់ក្រុមហ៊ុនហ្វេសប៊ុកបានឱ្យដឹងថា ខ្លួនបានទទួលរងសំពាធបន្ថែមទៀតពីរដ្ឋាភិបាលវៀតណាម ដើម្បីធ្វើការបិទបាំង (censor) ទៅលើខ្លឹមសារព័ត៌មានបន្ថែមទៀតនៅក្នុងរយៈពេលប៉ុន្មានខែថ្មីៗនេះ។

នៅក្នុងរបាយការណ៍ដែលចេញផ្សាយដោយហ្វេសប៊ុកបានឱ្យដឹងថា ខ្លួនបានធ្វើការរាំងខ្ទប់មិនឱ្យមានការអាក់សេសទៅលើ 834 ករណីនៅក្នុងវៀតណាមក្នុងរយៈពេល ៦ខែឆ្នាំ២០២០នេះ ទៅតាមការទាមទារពីរដ្ឋាភិបាលវៀតណាមដើម្បីលប់នូវខ្លឹមសារព័ត៌មានដែលមានលក្ខណៈប្រឆាំងនឹងរដ្ឋ (anti-state)។

ក្រុមហ៊ុនហ្វេសប៊ុក ដែលមានអ្នកប្រើប្រាស់ប្រមាណជា ៦០លាននាក់នៅក្នុងវៀតណាម គឺជាថ្នាលវេបសាយមួយដ៏ចំបងសម្រាប់ពាណិជ្ជកម្មអេឡិចត្រូនិក និងការបញ្ចេញទស្សនៈនយោបាយ។

ក្រុមហ៊ុនហ្វេសប៊ុកក៏ទទួលរងនូវការរិះគន់ផងដែរពីក្រុមការពារសិទ្ធិមនុស្សសម្រាប់ការធ្វើតាមច្រើនពេក ជាមួយនឹងសំណើរបស់រដ្ឋាភិបាល។

វៀតណាមបានព្យាយាមក្នុងការដាក់ឱ្យដំណើរការនូវថ្នាលបណ្តាញព័ត៌មានសង្គមរបស់ខ្លួនផ្ទាល់ ដើម្បីជាការប្រកួតប្រជែងជាមួយនឹងហ្វេសប៊ុក ក៏ប៉ុន្តែមិនទទួលបានជោគជ័យនោះទេ៕

សម្រាប់អ្នកដែលចង់តាមដានព័ត៌មាននៅក្នុងស្មាតហ្វូន អាចធ្វើការទាញយក App នៅក្នុង ​AppStore & PlayStore

ចូលរួមទៅក្នុងបន្ទប់ផ្តល់ព័ត៌មាន Telegram channel សម្រាប់ទទួលបានព័ត៌មានចុងក្រោយស្តីពីសន្តិសុខអុិនធឺណិតទាំងក្នុង និងក្រៅប្រទេស៖ https://t.me/infosecisac ចង់ផ្សព្វផ្សាយពាណិជ្ជកម្ម សូមទំនាក់ទំនង info@secudemy.com

Subscribe to our Telegram channel for the latest updates on the Cybersecurity Breaking News in both locally and internationally: https://t.me/infosecisac.

For advertising: info@secudemy.com or Phone: +855 69 690 280

Show More

Phannarith

Mr. OU Phannarith is one of the well-known cybersecurity experts in Cambodia and the region. He is the founder of the first leading information security website (www.secudemy.com) in Cambodia. He has been invited to present in global conferences, forums, and seminars and he was awarded in Information Security Leadership Achievements (ISLA) in 2016 by (ISC)2 and in December 2012 as one of the top 10 Chief Information Security Officers (CISO) in ASEAN by the International Data Group (IDG). Mr. OU has been the Professor specializing in Cybersecurity.

Related Articles

Back to top button