GeneralSecurity News

Two Anonymous Cambodia Member had been arrested

នេះគឺជាលើកដំបូងបំផុតនៅកម្ពុជាដែលសមាជិកនៃក្រុមអ្នកវាយប្រហារ ដែលត្រូវបានស្គាល់ថា អ្នកវាយប្រហារអនាមិកកម្ពុជា ឬ Anonymous Cambodia ត្រូវបានឃាត់ខ្លួនដោយស្ថាប័នមាន សមត្ថកិច្ចកម្ពុជា។

សមាជិកនៃកក្រុមអ្នកវាយប្រហារអនាមិកកម្ពុជាចំនួន ពីររូប ត្រូវបានឃាត់ខ្លួនកាលពីថ្ងៃទី ០៧ ខែមេសា ឆ្នាំ២០១៤ កន្លងទៅនេះ ដោយ​ការិយាល័យ​ប្រឆាំង​បទល្មើស​បច្ចេកវិទ្យា​ព័ត៌មាន នៃ​នាយកដ្ឋាន​សន្តិសុខ​ផ្ទៃក្នុង ​អគ្គស្នងការដ្ឋាន​នគរបាល​ជាតិ ក្រសួងមហាផ្ទៃ​ នេះបើតាមការព័ត៌មានពីអគ្គនាយកដ្ឋានវិទ្យុ និងទូរទស្សន៍បាយ័ន

តាមវិបសាយរបស់អគ្គនាយកដ្ឋានវិទ្យុ និងទូរទស្សន៍បាយ័ន បានឲ្យដឹងថា ជនសង្ស័យទាំងពីរអ្នកនោះមានឈ្មោះថា ប៊ុន ឃីងមង្គលបញ្ញា (nick name sexmachine ឬ blackcyber) អាយុ ២១​ឆ្នាំ មុខរបរ​និស្សិត​ឆ្នាំ​ទី​០៣ ​សាកលវិទ្យាល័យ SETEC និងឈ្មោះ ជូ សុង​ហេង (nickname Zoro) ​ភេទ​ប្រុស ​អាយុ​២១​ឆ្នាំ ​មុខរបរ​និស្សិត​ឆ្នាំ​ទី​០៣ សាកលវិទ្យាល័យ SETEC ដូចគ្នា​។​​

គួររលឹកដែលថា ក្រុមវាយប្រហារអនាមិកកម្ពុជានេះ គឺបានធ្វើការវាយប្រហារទៅលើវិបសាយរបស់ស្ថាប័នរដ្ឋជាច្រើន ចាប់តាំងពីខែឧសភា ឆ្នាំ២០១៣ កន្លងទៅនេះ មានដូចជា គណៈកម្មាធិការជាតិរៀបចំការបោះឆ្នោត អង្គភាពប្រឆាំងអំពើពុករលួយ ក្រសួងការបរទេស ក្រសួងការពារជាតិ អង្គភាពព័ត៌មាននិងប្រតិកម្មរហ័សនៃទីស្តីការគណៈរដ្ឋមន្រ្តី ក្រុមប្រឹក្សាកំណែទម្រង់ច្បាប់និងប្រព័ន្ធយុត្តិធម៌ ស្ថានីយ៍ទស្សន៍ជាតិកម្ពុជា ​អគ្គ​មេបញ្ជាការ​នៃ​ កង​យោធពល​ខេមរភូមិន្ទ និងសាលារាជធានីភ្នំពេញ។

ក្រុម​ហេ​គ​ឃឺ​អនាមិក​កម្ពុជា​បានធ្វើ​សកម្មភាព​ដូចជា វាយប្រហារ​ធ្វើ​ឲ្យ​រអាក់រអួល​មិន​ដំណើរការ​គេហទំព័រ ​(DDoS Attack) ​ជ្រៀតចូល​បណ្តាញ​ព័ត៌មានវិទ្យា​ដោយ​ខុសច្បាប់​និង​លួច​ទិន្នន័យ​សំងាត់​ជាតិ​ពី​ប្រព័ន្ធ​ព័ត៌មាន និង​ការ​កែ​ទំព័រ​ដើម​នៃ​គេហទំព័រ ជាដើម​។​

ភ្នាក់ងារមានសមត្ថកិច្ចកម្ពុជាបានធ្វើកិច្ចសហប្រតិបត្តិការជាមួយនឹងស្ថាប័ន FBI របស់អាមេរិកប្រចាំនៅកម្ពុជាអស់រយៈពេលប្រមាណជា ៨ខែ ទើបកំណត់មុខសញ្ញា និងឃាត់ខ្លួនជនសង្ស័យទាំងពីរនាក់ ខាងលើនេះបាន ហើយសមាជិកដែលនៅសេសសល់ សមត្ថកិច្ចកំពុងបន្តស្រាវជ្រាវសែ្វងរកមុខសញ្ញា។

បច្ចុប្បន្ន​ជនសង្ស័យ​ទាំងពីរ​ត្រូវ​បញ្ជូន​ទៅ​សាលាដំបូង​រាជធានី​ភ្នំពេញ ​ដើម្បី​ចាត់ការ​តាម​នីតិវិធី​។ យោង​តាម​មាត្រា ៤២៧, ៤២៨, ៤២៩ នៃ​ក្រមព្រហ្មទណ្ឌ ​ជនសង្ស័យ​គឺ​ប្រឈម​នឹង​ការ​ពិន័យ​ជា​ប្រាក់​ពី ១០០ ០០០(​មួយ​សែន​)​រៀល ដល់ ៤០០០ ០០០(​បួន​លាន​)​រៀល និង​អាច​ជាប់​ពន្ធនាគារ​ពី​០១​ខែ រហូតដល់​០២​ឆ្នាំ។

គួរបញ្ជាក់ផងដែរថា លោក blackCyber នេះធ្លាប់បានធ្វើកិច្ចសម្ភាសជាច្រើនជាមួយនឹងសារព័ត៌មានជាតិនិងអន្តរជាតិ មានដូចជា ការសែត Phnom Penh Post ការសែត Cambodia Daily និងសម្ភាសផ្តាច់មុខបីវគ្គជាមួយនឹងវិទ្យុ ​ABC Australia ជាភាសាខ្មែរផងដែរ។

ខាងក្រោមនេះគឺជាតំណភ្ជាប់ទៅកាន់កិច្ចសម្ភាសទាំងនោះ៖

ភាគ​ទី​១៖ បទ​សម្ភាសន៍​ជា​សំឡេង​ដ៏​កម្រ និង​ផ្ដាច់​មុខ​ (Exclusive Interview)​ ជា​មួយ​ក្រុម​វាយ​លុក​អ៊ីនធើរណិត​នៅ​កម្ពុជា – Anonymous Cambodia

ភាគទី​២៖ បទ​សម្ភាសន៍​ជា​សំឡេង​ដ៏​កម្រ និង​ផ្ដាច់​មុខ​ជា​មួយ​ក្រុម​វាយ​លុក​អ៊ីនធើរណិត​នៅ​កម្ពុជា (Anonymous Cambodia)

ភាគីទី​៣៖ បទ​សម្ភាសន៍​ជា​សំឡេង​ដ៏​កម្រ​ជា​មួយ​ក្រុម​វាយ​លុក​អ៊ីនធើរណិត​ Anonymous Cambodia ភាគ​បញ្ចប់​

ការ​ងារ​របស់​ CamCERT ក្នុង​ការ​ការ​ពារ​សន្ដិសុខ​ព័ត៌មាន​តាម​អ៊ីនធើរណិត​នៅ​ក្នុង​ប្រទេស​កម្ពុជា

បញ្ហា​សន្ដិសុខ​ព័ត៌មាន​តាម​អ៊ីនធើរណិត​នៅ​ក្នុង​ប្រទេស​កម្ពុជា​

[Update – Exclusive Photos]

ខាងក្រោមនេះគឺជារូបភាពដែលត្រូវបានសន្និដ្ឋានថាជាភស្តុតាងដែលរឹបអូសបាននៅផ្ទះរបស់ក្រុម Anonymous Cambodia ខាងលើ៖

ac-mask1

ac-mask2

 

ព័ត៌មានបន្ថែម៖

http://edition.bayontv.com.kh/bayontv-national-news/24989-anonymous-cambodia.html

http://www.phnompenhpost.com/7days/‘we-are-legion’-anonymous-hackers-target-kingdom

http://secudemy.com/offences-related-to-information-technology/

 

Show More

Phannarith

Mr. OU Phannarith is one of the well-known cybersecurity experts in Cambodia and the region. He is the founder of the first leading information security website (www.secudemy.com) in Cambodia. He has been invited to present in global conferences, forums, and seminars and he was awarded in Information Security Leadership Achievements (ISLA) in 2016 by (ISC)2 and in December 2012 as one of the top 10 Chief Information Security Officers (CISO) in ASEAN by the International Data Group (IDG). Mr. OU has been the Professor specializing in Cybersecurity.

Related Articles

Back to top button