ISAC Cambodia (InfoSec)
GeneralSecurity News

Tesla បានចោទប្រកាន់វិស្វករម្នាក់ ដែលទាញយកឯកសារសំងាត់ច្រើនជាង ២៦,០០០ ឯកសារ

កាលពីពេលថ្មីៗនេះ ក្រុមហ៊ុន ​Tesla បានដាក់ពាក្យបណ្តឹងមួយទៅតុលាការ ដើម្បីធ្វើការចោទប្រកាន់ទៅលើបុគ្គលិកជាវិស្វករសុសវែរមួយរូប ដែលបានធ្វើការបង្វែរ (transfer) ឯកសារសំងាត់ប្រមាណជា ២៦,០០០ ទៅកាន់គណនី ​dropbox ផ្ទាល់ខ្លួនរបស់គាត់ក្នុងសប្តាហ៍ទី១ពេលចូលធ្វើការដំបូង ដែលក្នុងឯកសារទាំងនោះរួមមាន ការសំងាត់ពាណិជ្ជកម្ម ​(trade secrets) ផងដែរ។

លោក Alex Khaitov ដែលមានតួនាទីជា Senior Software Quality Assurance បានចាប់ផ្តើមធ្វើការនៅក្នុងក្រុមហ៊ុន ​​Tesla កាលពីថ្ងៃទី២៨ ខែធ្នូ ឆ្នាំ២០២០ ហើយក៏បានចាប់ផ្តើមទាញយក ឯកសារសំងាត់ជាច្រើនក្នុងពេលនោះតែម្តង – នេះបើតាមអ្វីដែលបានសរសេរនៅក្នុងពាក្យបណ្តឹង។

ក្រុមហ៊ុន ​Tesla ប្តឹងគាត់ពីបទលួចព័ត៌មានសំងាត់ពាណិជ្ជកម្ម និងព័ត៌មានសំខាន់ៗ ជាមួយនឹងរំលោភទៅលើកិច្ចសន្យាការងារផងដែរ។ លោក ​Khatilov ត្រូវបានបណ្តេញចេញពីការងារផងដែរ នៅពេល ដែលការស៊ើបអង្កេតផ្ទៃក្នុងរកឃើញនូវឯកសារដែលបានបង្វែរចេញ។

ក្រុមហ៊ុន Tesla បានរកឃើញចាប់បាននូវការទាញយកឯកសារនៅថ្ងៃទី៦ ខែមករា ឆ្នាំ២០២១ កន្លងទៅនេះ។ តែទោះបីជាយ៉ាងណាក៏ដោយ ក៏លោក ​Alex Khatilov បានធ្វើការបដិេសធន៍នូវការចោទប្រកាន់េនះ។ ក្នុងនោះដែរ លោក Khatilov បានអនុញ្ញាតដល់អ្នកស៊ើបអង្កេតរបស់ក្រុមហ៊ុនធ្វើការអាក់​សេសទៅកាន់ Dropbox របស់គាត់ ហើយបានប្រាប់ថា គាត់បានបង្វែរតែឯកសាររដ្ឋបាលមួយចំនួនពាក់ព័ន្ធទៅនឹងខ្លួនគាត់តែប៉ុណ្ណោះ។

ក្រុមអ្នកស៊ើបអង្កេតបានធ្វើការចូលទៅកាន់គណនី ​Dropbox របស់គាត់ ហើយបានរកឃើញនូវឯកសារជាច្រើនរបស់ Tesla ហើយបាននិយាយថា លោក Khatilov បាននិយាយកុហក ហើយព្យាយាមធ្វើការលប់ភស្តុតាងនៃការលួច នៅពេលដែលប្រឈមមុខជាមួយនឹងក្រុមសន្តិសុខព័ត៌មានរបស់ ​Tesla។

នៅក្នុងការចោទប្រកាន់នោះផងដែរ ក្រុមហ៊ុន ​Tesla បានបង្គាប់ឱ្យលោក Khatilov ធ្វើការលុបចោលឯកសារទាំងអស់នោះដែលមាននៅក្នុង ​​Dropbox ។ ក៏ប៉ុន្តែក្រុមហ៊ុនមិនប្រាកដថា លោកបានធ្វើការថតចំលងវាទៅឱ្យនរណាម្នាក់ផ្សេងទៀត ឬទៅកាន់កន្លែងរក្សាទុកឯកសារ (USB, computer, mobile device, ឬទីតាំងក្លោដផ្សេងទៀត) ដែលក្រុមហ៊ុនមិនមានលទ្ធភាពដឹងនោះទេ៕

សម្រាប់អ្នកដែលចង់តាមដានព័ត៌មាននៅក្នុងស្មាតហ្វូន អាចធ្វើការទាញយក App នៅក្នុង ​AppStore & PlayStore

ចូលរួមទៅក្នុងបន្ទប់ផ្តល់ព័ត៌មាន Telegram channel សម្រាប់ទទួលបានព័ត៌មានចុងក្រោយស្តីពីសន្តិសុខអុិនធឺណិតទាំងក្នុង និងក្រៅប្រទេស៖ https://t.me/infosecisac ចង់ផ្សព្វផ្សាយពាណិជ្ជកម្ម សូមទំនាក់ទំនង info@secudemy.com

Subscribe to our Telegram channel for the latest updates on the Cybersecurity Breaking News in both locally and internationally: https://t.me/infosecisac.

Show More
Apsara Media Services (AMS)

Phannarith

Mr. OU Phannarith is one of the well-known cybersecurity experts in Cambodia and the region. He is the founder of the first leading information security website (www.secudemy.com) in Cambodia. He has been invited to present in global conferences, forums, and seminars and he was awarded in Information Security Leadership Achievements (ISLA) in 2016 by (ISC)2 and in December 2012 as one of the top 10 Chief Information Security Officers (CISO) in ASEAN by the International Data Group (IDG). Mr. OU has been the Professor specializing in Cybersecurity.

Related Articles

Back to top button