ISAC Cambodia (InfoSec)
GeneralSecurity News

សឹង្ហបុរី៖ ទិន្នន័យស្ថានភាពផ្ទុកមេរោគអេដស៍របស់អ្នកជំងឺ 14.200 នាក់ត្រូវលេចធ្លាយតាមអនឡាញ

Cover Image: GETTY IMAGES

តាមព័ត៌មានពីវេបសាយ Channel News Asia បានឲ្យដឹងថា ក្រសួងសុខាភិបាលសឹង្ហបុរី (MOH) បាននិយាយនាពេលថ្មីៗនេះ ទិន្នន័យនៃស្ថានភាពការឆ្លងមេរោគអេដស៍របស់អ្នកជំងឺចំនួន 14.200 នាក់រួមជាមួយព័ត៌មានសម្ងាត់ជាច្រើនទៀតដូចជាលេខអត្តសញ្ញាណ និងព័ត៌មានទំនាក់ទំនងរបស់ពួកគេត្រូវលេចធ្លាយតាមអ៊ីនធឺណិត។

កំណត់ត្រាជាច្រើនទាំងនេះរបស់អ្នកជំងឺជនជាតិសិង្ហបុរីចំនួន 5.400 នាក់ដែលត្រូវគេធ្វើរោគវិនិច្ឆ័យថាផ្ទុកមេរោគអេដស៍ពីឆ្នាំ 1985 ដល់ខែមករាឆ្នាំ 2013 និងអ្នកជំងឺ 8.800 នាក់ផ្សេងទៀត រួមទាំងអ្នកធ្វើការ និងអ្នកជំងឺដែលបានឆ្លងជំងឺអេដស៍ពីឆ្នាំ 1985 ដល់ធ្នូ ឆ្នាំ 2011។

ព័ត៌មានដែលលេចធ្លាយនេះរួមមានឈ្មោះរបស់ពួកគេ លេខអត្តសញ្ញាណ លេខទូរស័ព្ទ អាស័យដ្ឋាន លទ្ធផលតេស្តមេរោគអេដស៍ និងព័ត៌មានវេជ្ជសាស្ត្រ។ MOH និយាយនៅក្នុងសេចក្ដីប្រកាសព័ត៌មានមួយថា ព័ត៌មានលម្អិតនៃបញ្ជីទំនាក់ទំនងចំនួន 2.400 នាក់ទៀតដែលត្រូវកំណត់ការតាមដាននៅលើបញ្ជីទំនាក់ទំនងនេះរហូតដល់ខែឧសភាឆ្នាំ 2007 ក៏ត្រូវលេចធ្លាយផងដែរ។

នៅក្នុងសន្និសីទសារព័ត៌មានមួយដែលធ្វើឡើងនៅថ្ងៃចន្ទនេះដើម្បីបំភ្លឺបញ្ហានេះ អគ្គលេខាធិការអចិន្រ្តៃយ៍ លោក Chan Heng Keeនិយាយថា ក្នុងចំណោមសិស្សជនជាតិសិង្ហបុរីចំនួន 5.400 នាក់ដែលព័ត៌មានលម្អិតត្រូវលេចធ្លោ មានអ្នកជំងឺ 1.900 នាក់ស្លាប់។ MOH និយាយថាក្នុងចំណោមអ្នកដែលនៅរស់ 90%គឺជាបុរស។

ព័ត៌មាននេះដែលលេចធ្លាយ និងជាកម្មសិទ្ធិរបស់ Mikhy K Farrera Brochez ដែលជាជនជាតិអាមេរិកដែលមានផ្ទុកមេរោគអេដស៍រស់នៅក្នុងប្រទេសសិង្ហបុរីតាំងពីឆ្នាំ 2008 មក ។ គាត់ត្រូវគេកាត់ទោសពីបទលួចបន្លំ និងគ្រឿងញៀនជាច្រើនព្រមទាំងនិយាយកុហកចំពោះក្រសួងការងារអំពីការផ្ទុកមេរោគអេដស៍របស់គាត់ នេះបើតាមការបញ្ជាក់របស់ក្រសួងសុខាភិបាល។

លោក Brochez ត្រូវគេបញ្ជូនទៅឃុំឃាំងនៅក្នុងខែមិថុនាឆ្នាំ 2016 ហើយត្រូវកាត់ទោសឱ្យជាប់ពន្ធនាគាររយៈពេល 28 ខែ និងត្រូវនិរទេសចេញពីប្រទេសសិង្ហបុរីកាលពីខែមេសាឆ្នាំ 2018 ផងដែរ។

ការចុះបញ្ជីមេរោគអេដស៍រួមមានព័ត៌មានអំពីបុគ្គលដែលត្រូវគេធ្វើរោគវិនិច្ឆ័យថាមានផ្ទុកមេរោគអេដស៍ដែលជាជំងឺមួយដែលត្រូវគេបញ្ជាក់ថាមាននៅក្រោមច្បាប់នៃជំងឺឆ្លង(Infectious Diseases Act)។ ក្រសួងនេះនិយាយថា ខ្លួនប្រើប្រាស់បញ្ជីឈ្មោះដើម្បីតាមដានស្ថានភាពឆ្លងមេរោគអេដស៍ ការតាមដានបញ្ជីទំនាក់ទំនង និងវាយតម្លៃវិធានការការពារ និងគ្រប់គ្រងជំងឺ។

ក្រសួងសុខាភិបាលនិយាយថា “ទោះបីជាការចូលអាក់សេស (access) ទៅលើព័ត៌មានសម្ងាត់ត្រូវបិទក៏ដោយ ក៏វានៅតែជាកម្មសិទ្ធិរបស់មនុស្សដែលគ្មានការអនុញ្ញាត ហើយនៅតែអាចត្រូវបង្ហាញជាសាធារណៈនាពេលអនាគតបាន។ យើងកំពុងធ្វើការជាមួយភាគីពាក់ព័ន្ធដើម្បីស្កេនទៅលើអ៊ីនធឺណិតសម្រាប់សញ្ញានៃការបង្ហាញព័ត៌មានបន្ថែមទៀត។”

ក្រសួងបន្ថែមថា “យើងមានការសោកស្តាយចំពោះភាពធុញថប់ ការបារម្ភ និងទុក្ខព្រួយដែលបណ្តាលមកពីឧបទ្ទវហេតុនេះ។ អាទិភាពរបស់យើងគឺសុខុមាលភាពរបស់បុគ្គលដែលរងផលប៉ះពាល់នេះ។”

“យើងសូមអំពាវនាវដល់សាធារណជនឱ្យជូនដំណឹងដល់ក្រសួងសុខាភិបាលជាបន្ទាន់ប្រសិនបើពួកគេជួបប្រទះព័ត៌មានពាក់ព័ន្ធនឹងឧបទ្ទវហេតុនេះ ហើយមិនត្រូវចែកចាយវាបន្ថែមទៀតទេ “។ ក្រសួងសុខាភិបាលក៏ធ្វើការ “ទាក់ទងជាបន្តបន្ទាប់” ទៅកាន់មនុស្សដែលត្រូវរងផលប៉ះពាល់ដោយការលេចធ្លាយនោះ ហើយនិយាយថាគិតមកដល់ម៉ោង 1 រសៀលថ្ងៃច័ន្ទនេះ វាមានមនុស្ស 900 នាក់ត្រូវគេរកឃើញ។

ក្រសួងសុខាភិបាលនិយាយថា លោក Brochez ប្រើប្រាស់គំរូឈាមរបស់ដៃគូវេជ្ជបណ្ឌិតជនជាតិសិង្ហបុរីរបស់គាត់ ដើម្បីធ្វើតេស្តឈាមរបស់គាត់ ដូចនេះគាត់អាចធ្វើការនៅក្នុងប្រទេសសិង្ហបុរីបាន។ ក្រសួងនិយាយថា ដៃគូរបស់គាត់គឺលោក Ler Teck Siang ជាប្រធានអង្គភាពសុខភាពសាធារណៈជាតិរបស់ក្រសួងសុខាភិបាលចាប់ពីខែមីនាឆ្នាំ 2012 ដល់ខែឧសភាឆ្នាំ 2013 ។ មុនពេលលាលែងពីតំណែងនៅខែមករាឆ្នាំ 2014 លោក Ler Teck Siang ចូលដំណើរការចូលក្នុងបញ្ជីឈ្មោះអ្នកផ្ទុកមេរោគអេដស៍ ហើយនេះគឺជាតម្រូវការសម្រាប់ការងាររបស់គាត់។

លោក Ler ត្រូវគេជឿជាក់ថា មិនអាចគ្រប់គ្រងទៅលើព័ត៌មាន ហើយមិនអនុលោមតាមគោលនយោបាយស្តីពីការគ្រប់គ្រងព័ត៌មានសម្ងាត់។ ក្រសួងសុខាភិបាលនិយាយថាខ្លួនបានដាក់ពាក្យប្តឹងប៉ូលិសប្រឆាំងនឹងលោក Brochez នៅក្នុងខែឧសភាឆ្នាំ 2016 នៅពេលដែលខ្លួនទទួលព័ត៌មានថាគាត់មានព័ត៌មានសម្ងាត់ដែលលេចឡើងពីបញ្ជីអ្នកផ្ទុកមេរោគអេដស៍។ ទ្រព្យសម្បតិ្តរបស់ Brochez និង Ler កំពុងតែត្រូវស្វែងរក ហើយសម្ភារៈដែលពាក់ព័ន្ធត្រូវរឹបអូស និងត្រូវធានាដោយប៉ូលិស។

ពីរឆ្នាំក្រោយមក នៅខែឧសភាឆ្នាំ 2018 បន្ទាប់ពីលោក Brochez ត្រូវគេនិរទេសចេញពីប្រទេសសិង្ហបុរី ក្រសួងទទួលព័ត៌មានថា Brochez នៅតែជាផ្នែកមួយនៅក្នុងកំណត់ត្រានេះ។ ព័ត៌មាននេះហាក់ដូចជាមិនបានបង្ហាញជាសាធារណៈទេ។ ក្រសួងសុខាភិបាលដាក់របាយការណ៍ប៉ូលិសមួយទៀតហើទាក់ទងបុគ្គលដែលរងផលប៉ះពាល់។ នៅថ្ងៃទី 22 ខែមករាឆ្នាំនេះ MOH ត្រូវប៉ូលិសជូនដំណឹងថា លោក Brochez ប្រហែលជានៅតែមានព័ត៌មានបន្ថែមពីបញ្ជីឈ្មោះអ្នកផ្ទុកមេរោគអេដស៍ ហើយទម្លាយវាតាមអ៊ីនធឺណិត។

ក្រសួងបញ្ជាក់ថា ព័ត៌មានដែលលេចធ្លាយនេះត្រូវគ្នានឹងកំណត់ត្រាបញ្ជីឈ្មោះរបស់ខ្លួនរហូតដល់ខែមករាឆ្នាំ 2013 ។ ក្រសួងសុខាភិបាលនិយាយថា ខ្លួនធ្វើការជាមួយ “ភាគីពាក់ព័ន្ធ” ដើម្បីបិទការចូលប្រើព័ត៌មានទាំងនេះ។

លោក Chan មានប្រសាសន៍ថា ក្រសួងសុខាភិបាលមិនធ្វើឱ្យសាធារណជនដឹងជាមុនថាលោក Brochez មានទិន្នន័យនោះទេព្រោះការពិចារណាសំខាន់បំផុតគឺថា តើវាស្ថិតនៅក្នុងចំណាប់អារម្មណ៍របស់ប្រជាពលរដ្ឋនិងសុខុមាលភាពរបស់ពួកគេដែរឬទេ?

លោកនិយាយថា “ក្នុងករណីដែលព័ត៌មានមានកាន់តែច្រើនយើងនឹងយកវិធីសាស្រ្តអភិរក្សមួយបន្ថែមទៀតដែលយើងដឹងថាមនុស្សនៅក្នុងបញ្ជីឈ្មោះនេះនឹងមានការព្រួយបារម្ភអំពីការប្រកាសជាសាធារណៈ” ។

MOH និយាយថា ចាប់តាំងពីឆ្នាំ 2016 ការការពារសុវត្ថិភាពថ្មីប្រឆាំងនឹងការរក្សាពត៌មានមិនត្រឹមត្រូវដោយបុគ្គលិកដែលមានការអនុញ្ញាតត្រូវគេដាក់ឱ្យអនុវត្តផងដែរ។ ដំណើរការអនុម័តពីមនុស្សពីរនាក់ដើម្បីទាញយក និងឌីគ្រីបព័ត៌មានត្រូវអនុវត្តដើម្បីធានាថាទិន្នន័យមិនអាចត្រូវបានប្រើប្រាស់ដោយមនុស្សតែម្នាក់នោះទេ។ ស្ថានីយការងារដែលត្រូវកំណត់ជាពិសេស និងចាក់សោរដើម្បីទប់ស្កាត់ការដកយកព័ត៌មានដោយគ្មានការអនុញ្ញាតត្រូវកំណត់សម្រាប់ដំណើរការព័ត៌មានរសើបពីការបញ្ជីទិន្នន័យមេរោគអេដស៍។

ការប្រើប្រាស់ឧបករណ៍ផ្ទុកទិន្នន័យចល័តដែលគ្មានការអនុញ្ញាតនៅលើកុំព្យូទ័រក៏ត្រូវបិទដោយក្រសួងសុខាភិបាលនៅឆ្នាំ 2017 ជាផ្នែកមួយនៃគោលនយោបាយរបស់រដ្ឋាភិបាលទាំងមូល៕

Show More
Apsara Media Services (AMS)

Phannarith

Mr. OU Phannarith is one of the well-known cybersecurity experts in Cambodia and the region. He is the founder of the first leading information security website (www.secudemy.com) in Cambodia. He has been invited to present in global conferences, forums, and seminars and he was awarded in Information Security Leadership Achievements (ISLA) in 2016 by (ISC)2 and in December 2012 as one of the top 10 Chief Information Security Officers (CISO) in ASEAN by the International Data Group (IDG). Mr. OU has been the Professor specializing in Cybersecurity.

Related Articles

Back to top button