ISAC Cambodia (InfoSec)
GeneralSecurity NewsVulnerability

Leaked Flash zero-day likely to be exploited by attackers

ក្រុមហ៊ុន ​Symantec បានធ្វើការបញ្ជាក់នូវវត្តមាននៃ Zero-day vulnerability នៅក្នុង Adobe Flash ដែលអាចអនុញ្ញាតឲ្យអ្នកវាយប្រហារធ្វើការ គ្រប់គ្រងកុំព្យូទ័ររបស់អ្នកបានពីចម្ងាយ។ ដោយសារតែរបាយការណ៍លំអិតនៃចំនុចខ្សោយនេះ ត្រូវបានផ្សព្វផ្សាយជាសាធារណៈ ហើយវាអាចធ្វើឲ្យអ្នកវាយប្រហារនានា ប្រើប្រាស់នូវចំនុចខ្សោយនេះ ហើយវាយប្រហារទៅលើគោលដៅ មុនពេលដែលកម្មវិធីជួសជុល ​(patch) ត្រូវបានគេបញ្ចេញ។

ព័ត៌មានលំអិតនៃចំនុចខ្សោយនេះ ត្រូវបានបង្ហាញស្របពេលនឹងមានការវាយប្រហារទៅលើកក្រុមហ៊ុនអ៊ីតាលីដ៏ល្បីមួយឈ្មោះថា Hacking Team ។ កូដដែលជាភស្តុតាងបញ្ជាក់ពីការវាយប្រហារ (proof-of-concept code) ទៅលើចំនុចខ្សោយនេះ គឺជាផ្នែកមួយនៃព័ត៌មានផ្ទៃក្នុង ដែលត្រូវបានដាក់ឲ្យសាធារណៈជនទាញយក។ ហេតុផលនេះ វាអាចនិយាយបានថា ចំនុចខ្សោយនេះ ត្រូវបានយកទៅវាយប្រហាររួចទៅហើយ។

បើតាមរូបភាពខាងក្រោមនេះ គឺជាប្រព័ន្ធគ្រប់គ្រងចំណេះដឹង (knowledge base file) ដែលលួចបានមកពី Hacking Team ដែលបានរៀប រាប់ពន្យល់អំពីវិធីសាស្ត្រក្នុងការប្រើប្រាស់ចំនុចខ្សោយនៅក្នុង Flash ដែលត្រូវបានអភិវឌ្ឍដោយក្រុមហ៊ុននេះ។

អ្នកវិភាគនៅក្រុមហ៊ុន Symantec បានធ្វើការបញ្ជាក់ច្បាស់នូវវត្តមាននៃចំនុចខ្សោយនេះ ដោយធ្វើសារឡើងវិញតាមភស្តុតាងបញ្ជាក់ពីការវាយប្រហារ ចំពោះជំនាន់ចុងក្រោយបង្អស់នៃ Adobe Flash (18.0.0.194) ជាមួយនឹង Internet Explorer។ ការវាយប្រហារដោយជោគជ័យអាចនឹងធ្វើឲ្យកុំព្យូទ័រនោះគាំង ហើយអាចនាំឲ្យអ្នកវាយប្រហារ ធ្វើការគ្រប់គ្រងនូវកុំព្យូទ័រនោះតែម្តង។

ក្រុមហ៊ុន Adobe មិនទាន់ធ្វើការបញ្ចេញយោបល់ពាក់ព័ន្ធនឹងបញ្ហានេះនៅឡើយទេ ហើយកម្មវិធីជួសជុលក៏មិនទាន់ត្រូវបានបញ្ចេញផងដែរ។ Symantec ចាត់ទុកចំនុចខ្សោយមួយនេះ គឺសំខាន់បំផុត (critical) ដោយសារ តែវាអាចអនុញ្ញាតឲ្យមានការគ្រប់គ្រងពីចម្ងាយ។

យុទ្ធវិធីដោះស្រាយ (Mitigation)

អ្នកប្រើប្រាស់ទាំងឡាយណាដែលមានការព្រួយបារម្ភអំពីបញ្ហានេះ អាចធ្វើការបិទជាបណ្តោះអាសន្ន Adobe Flash នៅក្នុង Browser របស់ខ្លួន ដោយជំហានដូចខាងក្រោម៖

សម្រាប់ Internet Explorer versions 10 និង 11

1. បើិកម្មវិធី Internet Explorer
2. ចុចទៅលើ “Tools”, ហើយបន្ទាប់មកចុចទៅលើ “Manage add-ons”
3. នៅពីក្រោម “Show”, ចុចយក “All add-ons”
4. ជ្រើសរើសយក “Shockwave Flash Object” ហើយចុចលើបូតុង “Disable”

អ្នកអាចដំណើរការឡើងវិញជាធម្មតា ដោយការធ្វើដូចជំហានខាងលើ ជ្រើសរើសយក “Shockwave Flash Object” ហើយចុចលើបូតុង “Enable” ។

សម្រាប់កម្មវិធី Firefox

1. បើកកម្មវិធី Firefox
2. បើកនូវ Browser menu រួចចុចយក “Add-ons”
3. ជ្រើសរើសយកនូវ “Plugins” tab
4. ជ្រើសរើសយក “Shockwave Flash” បន្ទាប់មកចុចយក “Disable”

អ្នកអាចដំណើរការឡើងវិញជាធម្មតា ដោយការធ្វើដូចជំហានខាងលើ ជ្រើសរើសយក “Shockwave Flash” ហើយចុចលើបូតុង “Enable” ។

សម្រាប់កម្មវិធី Chrome

1. សូមវាយពាក្យថា “chrome:plugins” នៅក្នុង Address Bar របស់ Chrome
2. នៅត្រង់ទំព័រ Plug-ins សូមស្វែងរកនូវបញ្ជីពាក្យ “Flash”
3. ដើម្បីបិទនូវ Adobe Flash Player សូមចុចទៅលើ link ដែលស្ថិតនៅពីក្រោមឈ្មោះវា
4. ដើម្បីដំណើរការ Adobe Flash Player សូមចុចទៅលើ link ដែលស្ថិតនៅពីក្រោមឈ្មោះវា

ប្រភព៖

http://www.symantec.com/connect/blogs/leaked-flash-zero-day-likely-be-exploited-attackers

Show More

Phannarith

Mr. OU Phannarith is one of the well-known cybersecurity experts in Cambodia and the region. He is the founder of the first leading information security website (www.secudemy.com) in Cambodia. He has been invited to present in global conferences, forums, and seminars and he was awarded in Information Security Leadership Achievements (ISLA) in 2016 by (ISC)2 and in December 2012 as one of the top 10 Chief Information Security Officers (CISO) in ASEAN by the International Data Group (IDG). Mr. OU has been the Professor specializing in Cybersecurity.

Related Articles

Back to top button