ក្រុម Offensive Security បានធ្វើការប្រកាសនាពេលថ្មីៗនេះ នូវកំណែថ្មីចុងក្រោយរបស់ Kali Linux នោះគឺ Kali Linux 1.0.6 ជាមួយនឹង Kernel V.3.12 ហើយក៏រួមបញ្ចូលនូវ មុខងារ Self Destruct ព្រមទាំងកម្មវិធីថ្មីៗជាច្រើនទៀត។ ជំនាន់ថ្មីនេះ ក៏រួមមានបញ្ចូលនូវ ARM image script ដែលអាចអនុញ្ញាតឲ្យអ្នកប្រើប្រាស់ សាងសង់នូវ Kali Linux images សម្រាប់ឧបករណ័ ARM ផ្សេងៗផងដែរ។ មាននូវ Scripts មួយចំនួនទៀត ដែលអាចអនុញ្ញាតឲ្យអ្នកប្រើប្រាស់ សាងសង់នូវ Amazon AMI និង Google Compute cloud images ដោយខ្លួនឯងផងដែរ។
បើសិនជាអ្នកមាននូវ Kali Linux បញ្ចូលរួចរាល់នៅក្នុងប្រព័ន្ធរបស់អ្នក អ្នកមិនចាំបាច់ធ្វើការទាញយក ហើយបញ្ចូលថ្មីនោះឡើយ។ អ្នកអាចធ្វើបច្ចុប្បន្នកម្ម ទៅកាន់កំណែចុងក្រោយបង្អស់នៃ Kali Linux ដោយប្រើប្រាស់នូវពាក្យបញ្ជាដូចខាងក្រោម៖
– root@kali:~# apt-get update
– root@kali:~# apt-get dist-upgrade
ឬអ្នកអាចទាញយកជំនាន់ចុងក្រោយ ISO of KALI Linux 1.0.6 នៅទីនេះ។