Backdoor មួយត្រូវបានរកឃើញនៅក្នុង MediaTek processor ដែលអាចត្រូវបានហេគចូលទៅក្នុងឧបករណ៍ Android ពីចម្ងាយបានដោយងាយ។
MediaTek គឺជាក្រុមហ៊ុនផលិត hardware មានមូលដ្ឋាននៅតៃវ៉ាន់ ដែលផលិតនូវឈីប និង processor ប្រើប្រាស់នៅក្នុងស្មាតហ្វូន និង tablets។ មេរោគ Backdoor ត្រូវបានរកឃើញដោយអ្នកស្រាវជ្រាវផ្នែកសន្តិសុខ Justin Case ដែលរូបគាត់បានជូនដំណឹងទៅដល់ក្រុមហ៊ុន MediaTek រួចទៅហើយតាមរយៈ Twitter ដោយសារតែក្រុមហ៊ុនមួយនេះ មិនមានយន្តការត្រឹមត្រូវសម្រាប់រាយការណ៍អំពីចំនុចខ្សោយ។
កំហុសឆ្គងនេះគឺបណ្តាលមកពីកម្មវិធីតូចមួយ (debug tool) ដែលត្រូវបានបើកចំហរសម្រាប់ឲ្យក្រុមហ៊ុននានាធ្វើការតេស្តទៅលើឧបករណ៍ ហើយមិនត្រូវបាន គេបិទវិញនៅក្នុងឧបករណ៍ដែលចែកចាយដើម្បីលក់ ជាហេតុធ្វើឲ្យវាងាយស្រួលទៅដល់ហេគឃ័រ។
បើសិនជាទទួលរងការវាយប្រហារ វាអាចអនុញ្ញាតឲ្យហេគឃ័រធ្វើការគ្រប់គ្រងទៅលើទិន្នន័យផ្ទាល់ខ្លួន (នៅលើឧបករណ៍ android) ដោយក្នុងនោះរួមមាន private contacts, messages, photos, videos និង private data ។
MediaTek បានធ្វើការឆ្លើយតបទៅនឹងបញ្ហានេះ ដោយបាននិយាយថា “ខ្លួនបានដឹងអំពីបញ្ហានេះ ហើយក្រុមការងារសន្តិសុខរបស់ MediaTek បានកំពុងធ្វើការត្រួតពិនិត្យទៅលើបញ្ហានេះ។ បញ្ហានេះត្រូវបានរកឃើញនៅក្នុងឧបករណ៍ Android ដំណើរការប្រតិបត្តិការ Android 4.4 KitKat ដែលមាននៅក្នុង MediaTek MT6582 processor ប្រើប្រាស់នៅក្នុងឧបករណ៍ Android កម្រិតខ្ពស់ (ថ្លៃៗ)។”
ហេតុដូច្នេះហើយ បើសិនជាស្មាតហ្វូនរបស់អ្នកកំពុងប្រើប្រាស់នូវ processor មួយនេះ អ្វីដែលអ្នកអាចធ្វើបានក្នុងពេលនេះគឺ … បិទមិនឲ្យឧបករណ៍នោះ ធ្វើការភ្ជាប់ទៅកាន់អិុនធឺណិត ។
ប្រភព៖
https://thehackernews.com/2016/02/mediatek-hacking-mobile.html