នេះគឺជាលើកទី១ហើយ ដែលក្រុមហ៊ុនផ្តល់សេវាសារខ្លីៗបានប្តឹងប្រឆាំងទៅនឹងក្រុមហ៊ុនឯកជន ដែលបានវាយប្រហារទៅលើអតិថិជនរបស់ខ្លួន។
ក្រុមហ៊ុនហ្វេសប៊ុកបានប្តឹងប្រឆាំងទៅក្រុមហ៊ុនអុីស្រាអ៊ែលមានឈ្មោះថា NSO Group កាលពីថ្ងៃអង្គារ៍កន្លងទៅនេះ ដោយធ្វើការចោទប្រកាន់ក្រុមហ៊ុនថាបានចូលរួមយ៉ាងសកម្មក្នុងការហេគ ឬវាយប្រហារទៅលើអ្នកប្រើប្រាស់របស់ខ្លួន នៅក្នុងកម្មវិធី WhatsApp របស់ខ្លួន។
គួររំលឹកដែរថា កាលពីដើមឆ្នាំកន្លងទៅនេះ ក្រុមហ៊ុនហ្វេសប៊ុកបានរកឃើញថា កម្មវិធី WhatsApp មាននូវចំណុចខ្សោយ ឬភាពងាយរងគ្រោះធ្ងន់ធ្ងរបំផុតមួយ (CVE-2019-3568) ដែលអ្នកវាយប្រហារបានវាយលុកពីចំងាយ ហើយបញ្ចូលមេរោគ Pegasus នៅលើស្មាតហ្វូន Android និង iOS។ មេរោគនេះត្រូវបានអភិវឌ្ឍន៍ដោយ NSO Group ដែលអាចមានសមត្ថភាពក្នុងការអាក់េសសទៅលើទិន្នន័យ ជាច្រើនរបស់ជនរងគ្រោះ ដែលមានដូចជា text messages, emails, WhatsApp chats, contact, calls records, location, microphone, និង camera។
ក្រុម NSO នេះតែងតែធ្វើការអៈអាងអំពីភាពស្របច្បាប់របស់ខ្លួនក្នុងការលក់មេរោគទៅលើឱ្យតែរដ្ឋាភិបាលប៉ុណ្ណោះ។
នៅក្នុងឯកសារដែលបានដាក់ទៅតុលាការ (PDF) នៅ U.S. District Court ក្នុងរដ្ឋ San Francisco បានឱ្យដឹងថា ក្រុមហ៊ុនបានចោទប្រកាន់ក្រុម NSO បានរំលោភទៅលើ WhatsApp’s terms of services ដោយការប្រើប្រាស់ម៉ាស៊ីនមេរបស់ខ្លួន ក្នុងគោលបំណងចែកចាយមេរោគទៅកាន់ស្មាតហ្វូនប្រមាណជា ១៤០០គ្រឿង ក្នុងកំឡុងខែមេសា និងឧសភា ឆ្នាំ២០១៩ កន្លងទៅនេះ។
ក្រុម NSO ត្រូវបានប្តឹងនៅក្រោមច្បាប់សហព័ន្ធអាមេរិក ដោយរួមមាន Computer Fraud and Abuse Act និង California Comprehensive Computer Data Access and Fraud Act៕
