ISAC Cambodia (InfoSec)
GeneralSecurity News

កម្មវិធីកំចាត់មេរោគក្លែងក្លាយចំនួន ៣៥ មាននៅក្នុង Google Playstore

តើអ្នកនឹងធ្វើការតំឡើងកម្មវិធីកំចាត់មេរោគ (Antivirus) ដែលបានចាប់ខ្លួនឯងថាជាកម្មវិធីមានហានិភ័យនោះទេ?

យោងទៅតាមការប្រៀបធៀបនៃកម្មវិធីកំចាត់និងទប់ស្កាត់មេរោគ (AV-Comparatives) គឺបង្ហាញនូវភាពខុសគ្នាមួយចំនួននៃកម្រិតនៃការការពារដែលផ្តល់ដោយកម្មវិធីសន្តិសុខនៅលើឧករណ៍ចល័ត​ (mobile security solutions)។ ទោះបីជាយ៉ាងណាក៏ដោយ កម្មវិធីដែលអន់បំផុតក៏នៅតែល្អជាងកម្មវិធីមួយចំនួនដូចខាងក្រោម ដែលបានតាំងខ្លួនជាកម្មវិធីសន្តិសុខ​ (ទប់ស្កាត់និងកំចាត់មេរោគ) ក្នុងគោលបំណងដើម្បីបង្ហាញនូវផ្ទាំងផ្សព្វផ្សាយពាណិជ្ជកម្ម។ មានកម្មវិធីចំនួន ៣៥ ត្រូវបានរកឃើញនាពេលថ្មីៗនៅក្នុង​ Google Play Store។

កម្មវិធីទាំងនោះបានដំណើរការអស់រយៈពេលជាច្រើនឆ្នាំ ហើយបើតាមស្ថិតិបានបង្ហាញថា យ៉ាងហោចណាស់ក៏មានអ្នកទាញយករួចតំឡើងនៅក្នុងឧបករណ៍ចល័តចំនួនច្រើនជាង ៦លានដង (រួមគ្នាទាំងអស់) ផងដែរ។ ក៏ប៉ុន្តែក៏មិនមានន័យថាសុទ្ធតែជាការទាញយកតំឡើងពិតប្រាកដនោះដែរ វាអាចជាការទាញយកក្លែងក្លាយដោយ bots​ ដែលបន្ទាប់មកធ្វើការបង្ហោះនូវការ review ល្អៗ ដើម្បីធ្វើការបង្កើននូវការវាយតំលៃអំពី apps ទាំងនោះ។

កម្មវិធីទាំង ៣៥ ខាងក្រោមនេះត្រូវបានលប់ចេញពីក្នុង Google Store បាត់ទៅហើយដើម្បីកាត់បន្ថយហានិភ័យដល់ជនរងគ្រោះបន្តទៀត។

តាមការវិភាគពីក្រុមហ៊ុន​ ESET បានបង្ហាញថា ក្រៅតែពីការបង្ហាញនូវផ្ទាំងផ្សាយពាណិជ្ជកម្មដល់ជនរងគ្រោះ កម្មវិធីទាំងនោះក៏មានផលអាក្រក់ផងដែរ។ នៅក្នុងការធ្វើត្រាប់តាមកម្មវិធីសន្តិសុខផ្សេងៗ កម្មវីធីទាំងនោះធ្វើការឃ្លាំមើលទៅលើមេរោគផ្សេងៗដោយផ្នែកទៅលើកូដមួយចំនួនដែលខ្លួនបានសរសេរដោយផ្ទាល់នៅក្នុងកម្មវិធី​ (hard code) ហើយជាទូទៅគឺចាប់នូវកម្មវិធីត្រឹមត្រូវថាជាកម្មវិធីដែលមានមេរោគ។

ទន្ទឺមនឹងនេះផងដែរក៏មានកម្មវិធីមួយចំនួនត្រូវការបង់ប្រាក់ដើម្បីធ្វើការដំណើរការមុខងារបន្ថែមផងដែរ​ (Premium) ដូចរូបខាងក្រោម ។

សូមអ្នកប្រើប្រាស់ស្មាតហ្វូន ឬឧបករណ៍ចល័តត្រូវមានការប្រុងប្រយ័ត្នខ្ពស់៕

ប្រភព៖

https://www.welivesecurity.com/2018/04/05/google-play-ad-slingers/

Show More

Phannarith

Mr. OU Phannarith is one of the well-known cybersecurity experts in Cambodia and the region. He is the founder of the first leading information security website (www.secudemy.com) in Cambodia. He has been invited to present in global conferences, forums, and seminars and he was awarded in Information Security Leadership Achievements (ISLA) in 2016 by (ISC)2 and in December 2012 as one of the top 10 Chief Information Security Officers (CISO) in ASEAN by the International Data Group (IDG). Mr. OU has been the Professor specializing in Cybersecurity.

Related Articles

Back to top button