ការធ្លាញទិន្នន័យរបស់ក្រុមហ៊ុន Yahoo ក្នុងខែសីហា ឆ្នាំ២០១៣ គឺប៉ៈពាល់ទៅដល់គ្រប់អតិថិជនគ្រប់គ្នាទាំងអស់ក្នុងពេលនោះ – នេះបើតាមក្រុមហ៊ុន Verizon បាននិយាយកាលពីថ្ងៃអង្គារ៍ម្សិលមិញនេះ។
វាគឺមានទំហំគណនីចំនួន 3 Billion ដោយរួមមាននូវ email, Tumblr, Fantasy និង Flickr ដែលមានទំហំ ៣ដងធំជាងអ្វីដែលក្រុមហ៊ុនបានរាយការណ៍ក្នុងឆ្នាំ ២០១៦ ដែលក្រុមហ៊ុន Yahoo បាននិយាយថារួមមាន Email Addresses, Password ដែលមិនរួមមាននូវព័ត៌មានហិរញ្ញវត្ថុឡើយ។
ការបញ្ចេញព័ត៌មាននេះ គឺបន្ទាប់ពីក្រុមហ៊ុន Varizon (VZ, Tech30) បានទិញយកក្រុមហ៊ុន Yahoo បានចំនួន ៤ខែដែលមានតម្លៃ $4.48 Billion។ ក្នុងពេលនេះ Yahoo គឺជាផ្នែកមួយនៃក្រុមហ៊ុន Verizon Digital Media ដែលត្រូវបានហៅថា Oath។
Verizon បានធ្វើការសើរើឡើងវិញនូវចំនួននៃការធ្លាញទិន្នន័យ ទៅដល់ចំនួន 3 Billion ។ ក្រុមហ៊ុន Verizon បាននិយាយថា “នាពេលថ្មីៗនេះបន្ទាប់ពីការស៊ើុបអង្កេតដោយមានជំនួយពីអ្នកជំនាញកោសលវិច័យឌីជីថលពីខាងក្រៅ ក្រុមហ៊ុន Verizon បានទទួលបាននូវព័ត៌មានថ្មី និងមានការជឿជាក់ថា រាល់គណនីអ្នកប្រើប្រាស់ទាំងអស់ (3 Billion) ត្រូវបានគេលួចកាលពីខែសីហា ២០១៣។”
ក្រុមហ៊ុន Verizon មិនបញ្ចេញព័ត៌មានពាក់ព័ន្ធទៅនឹងអ្នកជំនាញកោសលវិច័យឌីជីថលនោះឡើយ។
Yahoo នឹងធ្វើការផ្ញើរអ៊ីម៉ែលទៅកាន់គណនីដែលរងគ្រោះដែលទើបរកឃើញបន្ថែមនោះ។ យោងទៅតាមអ្នកជំនាញបានឲ្យដឹងថា វាមិនមែនជារឿងងាយនោះទេដែល អ្នកធ្វើកោសលវិច័យឌីជីថលធ្វើការបញ្ចេញចំនួនជនរងគ្រោះច្រើនជាងអ្វីដែលបានធ្វើការប៉ាន់ស្មានពីដំបូងនោះ។
វាមិនភាពច្បាស់លាស់នោះទេ ថាតើអ្វីដែលស្ថិតនៅពីក្រោយការវាយប្រហារក្នុងឆ្នាំ២០១៣នោះ ប៉ុន្តែអ្នកវិភាគបានរាយការណ៍ក្នុងខែធ្នូឆ្នាំ២០១៦ បានឲ្យដឹងថា ទិន្នន័យត្រូវបានគេដាក់លក់នៅក្នុង Dark Web។
អ្នកដែលប្រើប្រាស់សេវាអនឡាញទាំងអស់ (ទាំង Yahoo និងមិនមែន Yahoo) ទាំងអស់ គួរតែមានការប្រុងប្រយ័ត្នខ្ពស់និងស្វែងយល់អំពីការអនុវត្តន៍ល្អៗដើម្បីការពារខ្លួន ដូចជាមិនត្រូវប្រើប្រាស់ពាក្យសម្ងាត់ដដែលៗ និងដាក់ឲ្យដំណើរការមុខងារ Two-Factor Authentication ចំពោះរាល់គណនីទាំងអស់៕
ប្រភព៖ CNN Monney
