កាលពីថ្ងៃទី២៦ ខែធ្នូ ឆ្នាំ២០១៥ ក្រោមកិច្ចសហការណ៍រវាងក្រុមការងារវេបសាយ SecuDemy.com និងក្រុមការងារ AlterLabs.com មានរៀបចំព្រឹត្តិការណ៍ Cambodia Cyber Challenge 2015 ដែលមានបេក្ខជនចូលរួមប្រកួតសរុបទាំងអស់ចំនួន ២៧រូប។ បេក្ខជនដែលចូលរួមក្នុងការប្រកួតមានមកពីសាកលវិទ្យាល័យ ក្រុមហ៊ុន និងអ្នកស្រាវជ្រាវផ្នែកសន្តិសុខព័ត៌មានវិទ្យា។
មុននឹងការប្រកួតចាប់ផ្តើម បេក្ខជនទាំងអស់បានទទួលនូវបណ្តុះបណ្តាលបឋមស្តីពីនីតិវិធីនៃការធ្វើ PenTest និងកម្មវិធីតូចៗមួយដែលអ្នកស្រាវជ្រាវផ្នែកសន្តិសុខព័ត៌មាន និយមប្រើប្រាស់នៅជុំវិញសាកលលោក។
បេក្ខជនទាំងអស់ត្រូវបានបែងចែកចេញជា ៦ក្រុម ដែលក្នុង ១ក្រុមមាន ៣រូប ហើយត្រូវដោះស្រាយវិញ្ញាសារធំៗចំនួន ៣វគ្គ។ ខាងក្រោមនេះគឺជាសកម្មភាពនៃការប្រកួត៖
