ដោយយោងទៅតាមក្រុមហ៊ុនអ៊ិនធឺែណត BGPmon បានឲ្យដឹងថា Google’s DNS Server (8.8.8.8/32) ត្រូវបានទទួលរងការជ្រៀតចូល កាលពីថ្ងៃម្សិលមិញ អស់រយៈ ពេល ២២នាទី។
Google’s DNS Server ដែលទទួលនូវការភ្ជាប់ប្រមាណជា 150 billion ក្នុងពេល ១ថ្ងៃនោះ ហើយក្នុងរយៈពេល ២២នាទីនៃការជ្រៀតចូលនោះ អ្នកប្រើប្រាស់អិនធឺណែត រាប់លាននាក់ ដោយរួមមានទាំង ស្ថាប័នហរិញ្ញវត្ថុ និងរដ្ឋាភិបាល ត្រូវបានបង្វែរទៅកាន់ BT’s (British Multinational Telecommuncations Services Company) Latin America នៅប្រទេស Venezuela និង Brazil។
Hackers បានធ្វើការវាយប្រហារទៅលើចំនុខខ្សោយដែលមាននៅក្នុង Broder Gateway Protocol (BGP) ដែលត្រូវបានប្រើប្រាស់សម្រាប់ធ្វើការផ្លាស់ប្តូរទិន្នន័យ រវាង អ្នកបម្រើសេវាធំៗ ហើយការជ្រៀតចូលនោះ អាចអនុញ្ញាតឲ្យអ្នកវាយប្រហារ ធ្វើការបង្វែរចរាចរទៅកាន់ router ដែលពួកគេគ្រប់គ្រង។
ការវាយប្រហារទៅលើ BGP គឺប្រើប្រាស់បច្ចេកទេស Man-In-The-Middle-Attack នៅក្នុងទ្រង់ទ្រាយធំ ហើយមានការលំបាកសម្រាប់ធ្វើការត្រួតពិនិត្យ ដោយសារតែ ចរាចរ ទិន្នន័យនៅតែទៅដល់គោលដៅ។
នេះមិនដែមជាលើកទី១ទេ ដែល Google’s Public DNS ត្រូវទទួលរងការវាយប្រហារ។ នៅក្នុងឆ្នាំ ២០១០ DSN server traffic ត្រូវបានជ្រៀតចូល ហើយត្រូវបានបង្វែរ ទៅកាន់ Romania និង Austria។
