កម្មវិធី WhatsApp Messenger បន្ថែមនូវមុខងារ End-to-End Encryption by Default
នេះគឺជាដំណឹងមួយដ៏ល្អសម្រាប់អ្នកដែលចូលចិត្តភាពឯកជន (Privacy)! ជាចុងក្រោយកម្មវិធីដែលកំពុងពេញនិយម WhatsApp បានដាក់ឲ្យមាននូវមុខងារ end-to-end encryption ភ្ជាប់រួចជាស្រេច (default) ដែលជាជំហានមួយទៅមុខ សម្រាប់ភាពឯកជននៅតាមប្រព័ន្ធអ៊ិនធឺណេត ទៅដល់អ្នកប្រើប្រាស់របស់ខ្លួនជុំវិញពិភពលោក។
កម្មវិធី WhatsApp ដែលមានអ្នកប្រើប្រាស់ប្រមាណជា ៦០០លាននាក់ក្នុងខែតុលា ឆ្នា២០១៤ នេះ បានចាប់ដៃគូជាមួយនឹង Open Whisper Systems ដើម្បីជម្រុញនូវឯកជនភាព និងសន្តិសុខ ដោយការដាក់ដំណើរការមុខងារ end-to-end encryption។ វាមានន័យថា ទោះបីជា Mark Zuckerberg ខ្លួនគាត់ ក៏មិនអាចធ្វើការជ្រៀតចូលទៅក្នុងកិច្ចសន្ទនា (message) របស់អ្នកបានឡើយ។
Open Whisper System គឺជាអង្គការមិនរកប្រាក់ចំណេញមួយ បង្កើតឡើងដោយលោក Moxie Marlinspike ដែលគឺជាអ្នកនៅពីក្រោយការអភិវឌ្ឍន៍ កម្មវិធី TextSecure ប្រើប្រាស់សម្រាប់ធ្វើការ encryption។ ក្នុងរយៈពេល ៣ឆ្នាំកន្លងទៅនេះ ក្រុមរបស់គាត់បានកំពុងតែអភិវឌ្ឍនូវ “modern, open source, strong encryption protocol” សម្រាប់សេវាផ្ញើរសារ (messaging service) ដែលក្នុងពេលនេះបានបញ្ចូលទៅក្នុងកម្មវិធី WhatsApp។
វាមាននូវការកំណត់ខ្លះៗនៅក្នុង WhatsApp’s end-to-end encryption ដោយក្នុងពេលនេះវាដំណើការចំពោះតែប្រព័ន្ធប្រតិបត្តិការ Android (iOS នឹងដំណើរការពេលក្រោយ) ហើយវាដំណើរការបានតែ text តែប៉ុណ្ណោះ។ ហើយក្នុងនោះផងដែរ កម្មវិធីនេះគឺមានលទ្ធភាពក្នុងការវាយប្រហារបែប man-in-the-middle (MiTM) ពីព្រោះវាមិនមានវិធីសាស្ត្រណាដើម្បីធ្វើការផ្ទៀងផ្ទាត់នូវអត្តសញ្ញាណរបស់អ្នកដែលកំពុងឆ្លើយឆ្លងជាមួយឡើយ។
កម្មវិធី WhatsApp ត្រូវបានទិញដោយក្រុមហ៊ុន Facebook ក្នុងទឹកប្រាក់ប្រមាណជា $19 Billion ក្នុងខែកុម្ភៈ ឆ្នាំ២០១៤ កន្លងទៅនេះ។
ព័ត៌មានបន្ថែម៖
https://whispersystems.org/blog/whatsapp/
